फिलिप्पी 2:14 - घले नयाँ करार

¹⁴ गन्‍गन् या च्‍य-फा अन्‍चील्‍लाबे कामयू क्‍वाने फर्‌कीलीम् ची,

फिलिप्पी 2:14 Iomraidhean Croise

मत्ती 20:11

मेला प्रेमेस्‍ये स नोबोजे विरुद्धने थमयूदे गन्गन् चीत्‍दे।

मर्कूस 14:5

चेनेयलो हम्‍ब कूम लू पर्‌देब बस् रब मूर्‌गू चाँदीजे से सोम् मन्द्रामूली‌यली थेप् नोर्‌ने सोङ्देबे हम्‍ब नोर्‌ दूख्‍प्रेब मीयूने कोम्‍मे ख्‍व ख्यङ्दे।” होर्‌दे थमयूदे हम्‍ब मदीने फ्राचीदे।

मर्कूस 9:14

थमयू सूजो स्यूस्स्यायू ट्‌याने ल्‍वारब थमयूने मीहुल केन् त्‍यादे घेर्‌दीदेबे थमयूप्रे पन्‍डेयूदे सवाल-जवाफ चीन्‍नब थमयूदे तङ्दे।

लूका 5:30

फरिसीयू मेस्ये थमयूजे पन्‍डेयू येशूजे स्यूस्स्यायूजे विरुद्धने येरे यदेबे गन्गन् चीत्‍दे, “नमयू स्‍यर्‌म लङ्बयू मेस्‍ये पापीयूप्रे चेने प्रे टूङ्देबे चसे च?”

मूल स्यूस्स्यायूजे कामजे किताब 15:2

पावल होर्‌दे बारनाबास थमयूप्रे अम्‍मीलीदेबे च्‍य-फा मेस्ये सवाल-जवाफ क्‍यूर ङ्येदे, हैयाजे अत-च्योन्‌यूदे पावलप्रे बारनाबास मेस्‍ये सूजोयू कोलेने अम्‍ब पोजे फैसला चेने मूल स्यूस्स्यायू मेस्‍ये एल्डरयूट्‌याने यरूशलेमने प्रजे लागि सेल्‍दे।

मूल स्यूस्स्यायूजे कामजे किताब 15:39

थमयूजे अन्‍द्रने सेम् अम्मील्‍लीदेबे छूर्‌तीदे मेस्‍ये बारनाबासदे मर्कूने प्रे-टेल्‍देबे साइप्रस्‍तेले गीलीदे।

मूल स्यूस्स्यायूजे कामजे किताब 15:7

कूम सवाल-जवाफ क्यूर ङ्‍येदे पत्रुसदे मेर्‌देबे थमयूने यदे, “च्योन्‌यू, नमयूने थाने ख्यङ्, सुरुजे दिनयूने केर्‌बे परमेश्‍वरदे ङैजे ङूर्‌दे यहूदी तेब मीयूदेये सूगब-खबरजे वचन ङ्‍यीन्देबे विश्‍वास चीस्‍स्‍य यदेबे नमयूजे अन्‍द्रने ङैने सेल्‍दे।

मूल स्यूस्स्यायूजे कामजे किताब 6:1

हम्‍ब दिनने कन्‍छ्वाब स्यूस्स्यायूजे संख्या थेप्-थेप् क्यूट्‍ट ख्‍य, हन्‍छ्वाब हिब्रूयूजे विरुद्धने ग्रीक-यहूदीयूदे गन्‍गन् चीत्‍दे, चेनेयलो चसे भा कोप्‍प येतार्‌ने थमयूजे प्‍ल्यङ् सीयेब मदीयूदे हर्‌जो ख्य अनुसारजे चसे अम्प्रे ख्‍य।

रोमी 12:18

क्‍यूर खूलो खोत्‍ताप्रेने थून्‍देबे टूङ्।

रोमी 14:1

विश्‍वासने बोङ् त्‍वब मीयूने रङ्से अत च्‍योन्‌यूनेप्र ग्रहण ची, तर ङूजे अन्‍ज्य पोयूने न्याय अन्‍चील्‍लाची।

रोमी 16:17

अत-अची च्योन्‌यू, ङ नमयूने बिन्‍ती चीक्‍क्‍य, नमयूदे लोम्‍कब शिक्षाजे विरुद्धने अन्‍थून चेब मेस्‍ये बाधा रेब मीयूप्रे होस्स्यार क्‍यूर्, मेस्‍ये होर मीयूप्रे आलाक्‍के टूङ्।

१ कोरिन्थी 10:10

थमयू नङ्ने कोइदे केरे गन्गन् चीत्‍दे, होर्‌दे नाश चेब स्वर्गदूतदे थमयूने नाश चीत्‍दे होरप्र ङीनदे गन्गन् चे अन्‍क्‍यूर्‌।

२ कोरिन्थी 12:20

ङ नमयू ट्‌याने रब ङैदे सेम् चीन्‍नप्रने नमयू ज्‍य क्‍यून्‍नब अन्‍तूने, मेस्‍ये नमयूदे सेम् चीन्‍नप्र ङैये अन्‍तूने यदेबे ङ सोरो फैन ख्यङ्। होने च्‍य-फा, ठेन, छी, रङ्सेत्‍यामे लेब, फ्राचे, न प्‍वे, केन् त्‍वे मेस्‍ये गज्याङ् गूज्यूङ् क्‍यूक्‍की मन्‍न ख्यङ्।

गलाती 5:15

तर नमयू त्‍यादे त्‍याने चेब ब्यवहरा नाजे चेन् ओम्‍दे चेप्र च्यादेबे जीङ ख्यङ्दे यलो होस्स्यार क्यूर्‌, नमयू त्‍यादे त्‍याने नाश चेब क्‍यूक्‍क्‍य।

गलाती 5:26

ङीन केन्त्‍वे अन्‍क्‍यूर्, त्‍यादे त्‍याने छी अन्‍लङ्लाची मेस्‍ये त्‍यादे त्‍याप्रे ‍ठेन अन्क्यूर्।

फिलिप्पी 2:3

रङ्सेजे इच्छात्‍या लेत्‍देबे या केन् त्‍वोत्‍देबे चैये अन्‍चील्‍लाची, तर चीद स्यूलूक्कै क्‍यूत्‍देबे रङ्सेने यली सूजोयूने थेप् गेसेन् ची।

१ थेसलोनिकी 5:13

मेस्‍ये थमयूदे चेब काम‍जे लागि थमयूने प्रेम चीत्‍देबे बेस्से गेसेन् ची। नमयू रङ्सेये क्वाप्रेने थून्देबे टूङ्।

१ थेसलोनिकी 5:15

सूमीदेये अन्ज्‍य चेब मीने खी फाने अन्ज्‍य अन्‍चीस्‍स्‍य, तर येतार्‌ने त्‍यादे सूजोने मेस्‍ये क्‍वाप्रेने भलो चेपर्‌दीय यदेबे ह्‍वेची।

हिब्रू 12:14

मीयू क्‍वाप्रेने थून्‍देबे मेस्‍ये पवित्र क्‍यूत्‍देबे टूङने बोङ् ची, पवित्र अन्‍क्‍यूत्‍दासेमे सूमीदेये परमप्रभुने तङ् अङ्‍खू।

याकूब 1:20

चेनेयलो मीजे छीदे परमेश्‍वरने छेब काम फर अङ्‍खू।

याकूब 3:14

तर कादेये नमयूजे ठेनब मेस्‍ये रङ्सेजे फाइदात्‍या लेब सेम् ख्यङ् यलो अम्‍ब पोने केन् अन्‍तोल्‍लाची, मेस्‍ये तम्दम् पोने लूच्‍च अन्‍चील्‍लाची।

याकूब 5:9

अत-अजी-च्योन्‌यू, त्‍यादे त्‍याजे विरुद्धने गन्गन् अन्‍चील्‍लाची, होरेचील्‍लो नमयू दोष चेब ठर्‌दीय। ले, न्याय चेबब ख्‍यो-लनेने मेर्‌न ख्यङ्।

१ पत्रुस 3:11

ङूदे अन्‍ज्‍य काम क्यापीस्‍य मेस्‍ये सोरो ज्‍य काम चीस्‍स्‍य, हम्‍बदे शान्ति प्रेब लम् मल्‍स्‍य मेस्‍ये हम्‍ब शान्तिजे लम्ने प्रस्‍य।

१ पत्रुस 4:9

गन्गन् अन्‍चील्‍लाबे त्‍यादे त्‍याने रङ्से कीम्‍ने रब स्वागत चीत्‍देबे को।

यहूदा 1:16

गन्गन् चेबयू, सून्‍ताकी त्‍वबयू, रङ्से सूर् चीत्‍देबे अन्‍ज्‍य लम्‍दे प्रबयू, केन् त्‍वेब पो क्‍यमयू मेस्‍ये रङ्से मतलब पूराचेजे लागि मीयूने च्‍यूप्‍ल्‍या चेब अम्‍ब मीयू ख्यङ्।