फिलिप्पी 1:27 - घले नयाँ करार

²⁷ चनेक्‍यूल्‍लीने नमयूजे बनी ब्यवहरायू ख्रीष्‍टजे सूगब खबर स्‍य्‍वेब लायकजे क्‍यूस्‍स्‍य। ङ नमयूने तूरलीने या अन्‍तूरलीने आत्‍माने नमयू त्‍या क्‍यूत्‍देबे बोल्यो टून ख्यङ्, मेस्‍ये सेम् त्‍या क्‍यूत्‍देबे सूगब खबरने विश्‍वास चेबजे लागि नमयू थून्‍देबे छेम्प्रे चीन्‍न ख्यङ् यब पो ङ ङ्‍यीन्‍तीङ् र ख्यङ्।

फिलिप्पी 1:27 Iomraidhean Croise

मत्ती 12:25

तर येशूदे थमयूजे सेम्जे पो था प्रेत्‍देबे थमयूने यदे, “कम्‍ब देशनेयली रङ्से रङ्सेने अन्‍थून क्‍यूत्‍देयलो हम्‍ब देशजे नाश क्यूप्पीय। होरप्रने कम्‍ब सहरनेयली या कम्‍ब कीम् म्हीतीनेयली अन्‍थून क्‍यूत्‍देयलो हम्‍ब कीम्-म्हीती मेस्ये सहरये टीक्‍ते अङ्‍खू।

मूल स्यूस्स्यायूजे कामजे किताब 2:46

थमयू दीन्‍जेने मन्दिरने फूङ् क्‍यूर ख्‍य, मेस्‍ये मील्‍लीदेबे कीम्-कीम्‍ने प्रदेबे थमयू सूग्‍लाबे शुद्ध सेम्‍दे भत्यार् च ख्‍य,

मूल स्यूस्स्यायूजे कामजे किताब 24:24

ते-दिनङ्येदे फेलिक्‍स ङूजे यहूदी मज द्रुसिल्‍ला‍ने प्रेटेल्‍देबे रदे, मेस्‍ये ङूदे पावलने कोदेबे ख्रीष्‍ट येशू फ्‍याने चेब विश्‍वासजे बारेने ङूदे क्‍यमब पोयू सेम् पीन्देबे ङ्यीन्‍दे।

मूल स्यूस्स्यायूजे कामजे किताब 4:32

विश्‍वास चेब मीहुल क्वाने सेम्-‍लो त्‍या क्‍यूर ख्‍य, मेस्ये थमयू सूदेये रङ्से सीर-सम्पत्तिजे चै थोक‍ये अम्‍ब ङैजेन अन्‌-य ख्‍य, तर थमयूजे साप्‍ता थोक कोमस ख्‍य।

रोमी 1:16

ङ अम्‍ब सूगब खबर स्‍य्‍वेने अन्‍त्‍वा। विश्‍वास चेबयू नङ्ने पात्‍ता खूम् यहूदी होर्‌दे यहूदी तेब मीयूजे लागिये अम्‍ब मुक्ति पीनब परमेश्‍वरजे शक्ति ख्यङ्।

रोमी 1:5

ङूजे मीन्‍जे लागि यहूदी तेब मीयू क्‍वादेने विश्‍वास चीत्‍देबे आज्ञा मन्‍देब चेजे लागि येशू ख्रीष्‍टने परमेश्‍वरदे ङीने मूल स्यूस्स्याजे काम चेब अनुग्रह पीन ख्यङ्।

रोमी 1:9

ङ सेम्-‍नङ्देमेस्‍येने ङूजे चजे सूगब खबर स्‍योत्‍देबे ङूजे सेवा चीक्‍क्‍य। ङ प्रार्थना चीप्प येतार्‌ने नमयू ह्‍वे चीन्‍न ख्यङ् यब पोजे गवाही परमेश्‍वर ख्यङ्।

रोमी 10:8

तर अम्‍बदे च यीय? “परमेश्‍वरजे वचन नमयू ट्‌याने ख्यङ्, अम्‍ब नमयूजे ङूर्‌नेने मेस्‍ये सेम्‍ने ख्यङ्”, या विश्‍वासजे वचन, हम्‍ब ङीनदे प्रचार चीक्‍क्‍य।

रोमी 15:16

अम्‍ब अनुग्रह परमेश्‍वरदे यहूदी देब मीयूने सूगब खबर स्‍य्‍वेजे लागि पूस्‍र्‌या क्‍यूत्‍देबे ङैने सेवा चीस्‍ये पीन्‍दे। येर्‌बे यहूदी देब मीयूये पवित्र आत्मादे शुद्ध क्‍यूत्‍देबे परमेश्‍वरदे सेम् पर्‌तेब बलि क्‍यूर खूस्‍य।

रोमी 15:29

मेस्‍ये ङैने था ख्यङ्, कन्‍छ्वाब ङ नमयू ट्‌याने रीय, हन्‍छ्वाब ङ येशू ख्रीष्‍टदे पीनब कूम असी टेल्‍देबे रीय।

१ कोरिन्थी 1:10

अत-अची च्योन्‌यू ङीन्जे प्रभु येशू ख्रीष्‍टजे मीन्‍ने ङ नमयूने बिन्‍ती चीक्क्‍य, नमयू क्‍वाने सेम्त्‍या क्‍यूर्‌, मेस्‍ये नमयूजे अन्‍द्रने अन्‍थून अन्क्यूस्स्य। तर नमयूजे सेम्‍प्रे विचारयू त्‍या क्‍यूस्‍स्‍य।

१ कोरिन्थी 15:58

येरेक्‍यूत्‍देबे ङैजे छेब अत च्योनयू, सेम् केन् चीत्‍देबे ढल्मल् अन्‍क्‍यूल्‍लाबे टूङ्। प्रभुजे कामने येतार्‌ने सेम् पीन्‍देबे फर्‌नू, चेनेयलो प्रभुजे कामने चेब छेम्‍प्रे सीत्‍तीने खेर अम्‍प्र यदेबे नमयूदे स्‍ये ख्यङ्।

२ कोरिन्थी 13:11

अत-अची च्योन्‌यू, जेम्‍से अम्‍ब पोयू यदेबे लिख्‍देने बन्‍द चीक्‍क्‍य। सिद्ध क्यूरने बोङ् चीदो, ङैजे पो ङ्यीनो, त्‍या त्‍याप्रे थून्‍देबे टूङो, शान्तिने टूङो, मेस्‍ये प्रेम, शान्ति पीनब परमेश्‍वर नमयूप्रे क्‍यूक्‍क्‍य।

२ कोरिन्थी 4:4

अम्ब संसारजे देऊता, शैतानदे विश्‍वास अन्चेबयूजे सेम्ने म्या अन्तङब मीप्र बन्द चीप्पे ख्यङ्। थमयूदे सूगब खबरजे महिमाजे ओथ्याङ् तङ अङ्‍खू। थमयूदे परमेश्‍वरजे खास रुप् ख्यब ख्रीष्‍टजे महिमाजे बारेने ख्यब अम्ब खबर क्व अङ्‍खू।

२ कोरिन्थी 9:13

नमयूदे ख्रीष्‍टजे सूगब खबरने मन्‍दीदे मेस्‍ये सेम् यङ्से क्‍यूत्‍देबे यरूशलेमजे पवित्र मीयूने मेस्‍ये सूजो नेजे विश्‍वासीयूने दान पीन्देबे नमयूदे आज्ञा मन्‍दे ख्यङ् यब पोजे प्रमाण पीन्‍दे, अम्‍बदे परमेश्‍वरजे महिमा क्‍यूक्‍क्‍य।

गलाती 1:7

पक्‍क रूप्‍दे सूजो सूगब खबर त्‍वो, तर कोइ-कोइ येर ख्यङ्, थमयूदे ख्रीष्‍टजे सूगब खबरने बीयूङ् चेमे ख्यङ्।

एफिसी 1:13

होरप्रने नमयूदेये तम्दम्‍जे खबर, मुक्तिजे सूगब खबर तदेबे ख्रीष्‍टने विश्‍वास चीत्‍दे। परमेश्‍वरदे नमयूने कबुल चेब पवित्र आत्माजे छाप पूत्‍देबे ङूदे नमयूने रङ्से मी बन्‍देब गवाही पीन्दे।

एफिसी 1:15

प्रभु येशूप्रे ख्‍यब नमयूजे विश्‍वास मेस्‍ये परमेश्वरजे पवित्र मीयू क्वाप्रेने नमयूजे प्रेमजे बारेने ङैदे तब कारणदेने,

एफिसी 4:1

ङ प्रभुजे लागि झ्यालखान‍ने टूङब कैदी त्‍या ख्यङ्, नमयूने बिन्ती चीक्‍क्‍य, यी प्रभुदे चेकामजे लागि नमयूने क्‍व ख्यङ् हम्‍ब मफीजे जीया च।

फिलिप्पी 1:5

चेनेयलो पात्‍ता खूम्‍ब दिन‍दे-छो चूजोसेमे सूगब खबर स्‍य्‍वेबने नमयूदे तोङ्मीन ख्यङ्।

फिलिप्पी 2:12

येरेक्‍यूत्‍देबे ङैजे छेब ख्‍योन्‌यू, ङ नमयूप्रे क्‍यूप्‍प नमयूदे परमेश्‍वरजे आज्ञा येतार्‌ने मन्‍दीदे, तर ङ नमयूप्रे अन्‍क्‍यूल्‍ली नमयूदे रङ्सेजे मुक्ति चेलाबे पूरा चेने सोरो थेप् फदेबे छेम्प्रे चीत्‍देबे काम फर्‌।

फिलिप्पी 2:24

ङ विश्‍वास चीक्‍क्‍य कादेये प्रभुजे इच्छा क्‍यूल्‍लो छ्‌योट्‍टोने नमयू ट्‌याने ङैये फ्‍योर खूइय।

फिलिप्पी 3:18

ङैदे कूमफे स्‍योक्‍कब हम्‍ब मीयूजे पो फेरि ङूये ङूये नमयूने यीय, थमयूदे क्रूसने सीयेब ख्रीष्‍टजे शत्रुयूप्र क्‍यूत्‍देबे जीया च ख्यङ्।

फिलिप्पी 3:20

तर ङीनजे नागरिकता स्वर्गने ख्यङ्। मुक्ति पीनब प्रभु येशू ख्रीष्‍ट स्वर्गदे रीय यदेबे ङीन लम् लेन्‍न ख्यङ्।

फिलिप्पी 4:1

येरेक्‍यूत्‍देबे ङैजे अत-अची च्योन्‌यू, ङ नमयूने माया चीक्‍क्‍य, मेस्‍ये नमयूने सोरो ह्‍वे चीन्‍न ख्यङ्, नमयूदे ङैने सोरो सेम् सूग्‍लाबे चीम्‍मीदे मेस्‍ये नमयू ङैजे कामजे इनाम ख्यङ्। ङैजे छेब अत अची च्‍योन्‍‍यू येरप्रने प्रभुने बोल्यो क्यून्‍नू।

कलस्सी 1:10

येरे ङूने बेस्‍से सूग्‍ला चेने नमयूदे प्रभुने सेम् पर्‌देब जीया चदेबे सोरो ज्‍य कामयूने फलीफप् क्‍यूत्‍देबे परमेश्‍वरजे ज्ञानने नमयू बोल्यो क्‍यूक्‍के खूस्‍स्‍य।

कलस्सी 1:4

चेनेयलो ख्रीष्‍ट येशूने नमयूदे चेब विश्‍वास मेस्‍ये परमेश्‍वरजे पवित्र मीयू क्‍वाप्रेने नमयूदे चेब प्रेमजे पोयू ङीदे त ख्यङ्,

१ थेसलोनिकी 3:6

तर चूजो तिमोथी नमयूट्‌यादे ङीट्‌याने फ्‍योरदेबे नमयूजे विश्‍वास मेस्ये प्रेमजे सोरो ज्य-खबर ङीने स्‍योक्‍को। नमयूदे ङीने सोरो तूतीङ्‍रब सेम् चीत्‍देबे येतार्‌ने मायाने ङी ह्‍वेचीन्‍नटोङ् यब खबर ङूदे पीन्‍दे। ङीये होरप्रने नमयूने त्‍वस्‍ये मन्‍न ख्यङ्।

१ थेसलोनिकी 4:1

आखिरीने अत-अची च्योन्‌यू प्रभु येशूने क्‍यूत्‍देबे ङी नमयूने बिन्‍ती चीक्क्‍य, मेस्‍ये अर्ती पीन्क्‍य, यी परमेश्‍वरने केरे सूग्‍ला चे पर्‌दे मेस्‍ये केरे रङ्से जीया च पर्‌दे, हम्‍ब नमयूदे ङीप्रे लोम्‍दे, मेस्‍ये होरप्रने चीन्‍नये ख्यङ्। अम्‍ब पोने नमयू थेप्थेप् ज्‍य क्‍यूप्‍पीनू।

१ तिमोथी 1:11

अम्ब तम्दम्जे शिक्षाब स्वर्गजे परमेश्‍वरदे ङैने सूम्‍दीयेब महिमा पीनब सूगब खबर अनुसार ख्यङ्।

१ तिमोथी 1:19

विश्‍वास मेस्ये सोरो ज्‍य विवेक येन्‍नेनू। कोइ मीयूदे विवेक अनुसार अन्चील्‍लीदेबे रङ्सेजे विश्‍वासजे जहाज डूब्दीबे ख्यङ्।

२ तिमोथी 4:7

ङैदे चेलाबे लडाइँ जीङ्‍क ख्यङ्, होर्‌दे ग्‍यब काम पूरा चीक्‍क ख्यङ्। ङैदे ङैजे विश्‍वासने चेलाबे जूक्‍तीदे हीते ख्यङ्।

तीतस 2:10

थमयूदे अङ्‍खूलाचीस्‍स्‍य, तर पूरा रूप्‍दे विश्‍वास चे खल्‍जे क्यूस्स्य। येरेने साप्‍ता पोने थमयूदे ङीनने मुक्ति पीनब परमेश्‍वरजे शिक्षाजे न-मीन् येस्‍स्‍य।

फिलेमोन 1:5

चेनेयलो प्रभु येशू फ्‍याने नदे चेब विश्‍वासजे बारेने मेस्‍ये परमेश्‍वरजे पवित्र मीयूने नदे चेब मायाजे बारेने मीयूदे यब ङैदे त ख्यङ्।

याकूब 3:18

शान्‍ति रेने काम फरबयूदे शान्‍तिजे लू थर्‌क्‍य मेस्‍ये धार्मिकताजे बलि तोल्‍क्‍य।

२ पत्रुस 3:11

अम्‍ब साप्‍ता सेयू येर्‌बे ङ्योल्‍बीय यब पो स्‍येदेबे नमयू कर खल्‍जे मी क्‍यूर पर्‌दे? पवित्र क्‍यूरब मेस्‍ये परमेश्‍वरने मन्‍देब जीया च-पर्‌तीय।

२ पत्रुस 3:14

येरेक्‍यूत्‍देबे ङैजे छेब ख्योन्‌यू, नमयू अम्‍ब पोजे लम् लेन्‍नबयू क्‍यूत्‍देबे परमेश्‍वरजे खूम्‍ने नमयू दाग या खोट् त्‍वबयू, होर्‌दे शान्तिने टूङबयू क्‍यूरने बोङ् ची।

यहूदा 1:3

ङैजे छेब ख्योन्‌यू, ङीन क्‍वादेने प्रेब मुक्तिजे बारेने ङ सोरो लिख्दीतीङ् रथेको, होरेक्‍यूत्‍देबे रङ्सेजे पवित्र मीयूने परमेश्‍वरदे येतार्‌ने पूग्‍दीलाबे त्‍याफेने पीनब विश्‍वासजे लागि नमयूने बोङ् पीनने पर्‌दीय यप्र थेको।