फिलिप्पी 1:26 - घले नयाँ करार

²⁶ ङ फेरि नमयू ट्‌याने रब ङैजे कारणदे ख्रीष्‍ट येशूजे महिमा नमयूदे थेप् चे खूइय।

फिलिप्पी 1:26 Iomraidhean Croise

यूहन्‍ना 16:22

येरप्रने चूजो नमयूने रप् क्‍यूक्‍क्‍य, तर फेरि ङैदे नमयूने तूय, मेस्‍ये नमयूजे सेम् आनन्द क्‍यूक्‍क्‍य। होर्‌दे नमयूदे प्रेब आनन्द सूदेये लेन्‍कीस्‍ये त्‍वो।

यूहन्‍ना 16:24

चूजो सेमे नमयूदे ङैजे मीन्‍ने चैये अन्‍स्‍य। स्‍य, मेस्‍ये नमयूदे प्रेक्‍क्‍य। येरप्रने नमयूजे आनन्द पूरा क्‍यूक्‍क्‍य।

२ कोरिन्थी 1:14

केर्‌बे दीनी नमयूदे ङीयूने तेतेत्‍यामे स्‍येख्यङ्, होर्‌प्रने ङीनजे प्रभु येशू ल्‍वारब दिनने नमयूदे ङीयूने चेलाबे स्‍येखूइय, मेस्‍ये ङीयूदे नमयूजे लागि केर्‌बे त्‍वे प्रेक्‍क्‍य, होरप्रने नमयूदे ङीयूजे लागि त्‍वे प्रेक्‍क्‍य।

२ कोरिन्थी 5:12

नमयूजे खूम्‍ने ङी फेरि रङ्सेजे सार्‌या अन्‍ची, तर नमयूदे ङीजे पोने त्‍वे खूस्‍य यदेबे मौका पीन ख्यङ्, येरे सूदे मीजे सेम्ने ख्‍यब पोने दी, तर फीने तङब सेयूने त्‍वेक्‍क्‍य, होर मीयूने नमयूदे जवाफ पीन खूस्‍य।

२ कोरिन्थी 7:14

चेनेयलो नमयूजे पो स्‍योत्‍देबे तीतसजे खूम्‍ने ङ केन् त्‍वोक्‍कलीने, हम्‍ब पोने नमयूदे चीत्‍देबे ङ त्‍वा अम्‍पर्‌ती। तर ङीयूदे नमयूने यब साप्‍ता पो केर्‌बे तम्दम् ख्‍य, होर्‌बेने तीतसजे खूम्‍ने ङीदे केन् त्‍वेब पोये तम्दम् ठर्‌तीक ख्यङ्।

२ कोरिन्थी 7:4

ङैदे नमयू फ्‍याने सोरो भर्‌परते ख्यङ्। नमयूदे चीत्‍देबे ङ केन् त्‍वे प्रेख्यङ्। नमयूदे ङैजे सेम्‍ने कूम सान्त्वना पीन ख्यङ्। ङीदे कूम सकस्यू प्रेप्‍प ङैजे सेम् सोरो सूग ख्यङ्।

२ कोरिन्थी 7:6

तर सेम् अन्सूग क्‍यून्‍नबयूजे सेम्‍ने परमेश्‍वरदे बोङ् पीन्‍क्‍य, तीतस ङी ट्‌याने फ्‍योरब परमेश्‍वरदे ङीजे सेम्ने बोङ् पीन्‍दे,

गलाती 6:4

क्‍वादेने रङ्से काम कर क्‍यूत्‍दे यदेबे करब क्‍यूस्‍स्‍य, होर्‌देङ्‍येदेम ङूदे रङ्सेने सूजोप्रे अङ्-‍कर्‌लाबे रङ्सेने रङ्सेदेने त्वे खूइय।

फिलिप्पी 3:1

आखिरीने अत-अची च्योन्‌यू, प्रभुप्रे क्‍यूत्‍देबे सेम् सूग्नू। मालाङ् नमयूने लिख्दीकब पोयू फेरि लिख्‍देने ङ अन्‍छर्‌, चेनेयलो अम्‍ब पोदे नमयूने ज्‍य चीक्‍क्‍य।

फिलिप्पी 3:3

तम्दम् खतना चीक्‍कब मीयू ङी ख्यङ् चेनेयलो पवित्र आत्‍मादे पीनब शक्तिदे परमेश्‍वरने ङी पूस्‍तीय मेस्‍ये ख्रीष्‍ट येशूदे च-चीम्‍मीदे हम्‍बजे लागि ङी केन् त्‍वोक्‍क्‍य, मेस्‍ये फीने तङब छ्‍यप्‌यूने ङी भर् अम्पर्‌ती।

फिलिप्पी 4:10

कूम दिन ङ्येदे ङैने ह्‍वे चीत्‍देबे फेरि तोङ्मेब सेम् नमयूने क्यूट्‍ट तङ्देबे ङैजे सेम् प्रभुने सूग्‍न ख्यङ् तम्दम्ने नमयूदे ङैजे लागि सूर्‌त चीन्‍न ख्‍य, तर हम्‍ब तनब मौका अम्‍प्रे ख्‍य।

फिलिप्पी 4:4

येतार्‌ने प्रभुप्रे बेस्‍से सूग्नू। ङ फेरि यीय, बेस्‍से सूग्‍नू।