फिलिप्पी 1:21 - घले नयाँ करार

²¹ चेनेयलो ङैजे जीया चब ख्रीष्‍टजे लागि ख्यङ्, मेस्‍ये ङ सीबली ङैने फाइदा ख्यङ्।

फिलिप्पी 1:21 Iomraidhean Croise

१ कोरिन्थी 1:30

परमेश्‍वरदे नमयूने येशू ख्रीष्‍टप्रे त्या चीम्मे ख्यङ्, मेस्ये ङूदे ख्रीष्‍टने ङीनजे ज्ञान बन्दीमीदे। ख्रीष्‍टदे ङीनने परमेश्‍वरजे खूम्ने धर्मी चीम्मीदे, ङूदे ङीनने परमेश्‍वरजे पवित्र मी चीम्मीदे, मेस्ये पाप ट्‍यादे उद्धार चीम्मीदे।

१ कोरिन्थी 3:22

पावल, अपोल्‍लोस, केफास सूने क्‍यूल्‍ली, या संसार, जीया, सीब, दीनीजे बील, या ङ्येदेरब बील साप्‍ताने परमेश्‍वरदे नमयूजे लागि पीने ख्यङ्,

२ कोरिन्थी 5:1

चेनेयलो अने पृथ्वीने टूङब पल्‍जे कीम्प्र ङीजे अम्‍ब नाश क्यूप्पब ङ्व नाश क्‍यूत्‍देबे प्रलीने स्वर्गने कलङ्नेयली टूनब कीम् परमेश्‍वरदे ङीने पीन ख्यङ्, हम्‍बब मीजे लादे थ्‍यायेब कीम् दी यदेबे था ख्यङ्।

२ कोरिन्थी 5:6

येरेक्‍यूत्‍देबे येतार्‌ने ङी भरचीन्‍न ख्यङ्। कन्‍छ्वासेमे ङी अम्‍ब नाश क्यूप्पब ङ्वजे तेदिनत्या टूङब कीम्‍ने टूनीय, हन्‍छ्वासेमे प्रभुजे कीम्‍दे चीन्‍तङ् क्‍यूक्‍क्‍य यदेबे ङीने था ख्यङ्।

२ कोरिन्थी 5:8

ङीने पक्‍क ख्यङ्, क्‍यूत्‍देयलो ङी अम्‍ब नाश क्यूप्पब ङ्व पोङ्यीदेबे स्वर्गने प्रभुप्रे टूङ्बस्ये मन ख्यङ्।

गलाती 2:20

ङ ख्रीष्‍टप्रेने क्रूसने खील् ठोक्‍दीदेबे पीले ख्यङ्, जेम्‍सेमेस्‍ये सोम्‍बो क्‍यूरब ङ दी, तर ख्रीष्‍ट ङै नङ्ने सोम्‍बो क्‍यूत्‍देबे टून ख्यङ्। चूजो ङ कम्‍ब जीया ङ्वजे रूप्‍ने सोम्‍बो क्‍यून्‍न ख्यङ् हम्‍ब परमेश्‍वरजे च-फ्‍याने विश्‍वास चीत्‍देबे अम्ब जीया चैय, ङूदे ङैने प्रेम चीत्‍दे, मेस्‍ये ङैजे लागि रङ्सेजे प्राण पीन्‍दे।

गलाती 6:14

ङीनजे प्रभु येशू ख्रीष्‍टजे क्रूसने त्यामे ङ केन् त्‍वोक्‍क्‍य, सूजो चत्या पो फ्‍याने केन् ‍त्‍वे ख्यङ्लो हम्ब ङैट्‍यादे चीन्तङ् क्यूप्पस्य, ङूजे क्रूसदे चीत्देबे ङब संसारजे लागि, मेस्ये संसारब ङैजे लागि क्रूसने पील्‍क ख्यङ्।

फिलिप्पी 1:20

ङ केर्‌बेनेयली त्‍वा पर्‌तीस्‍ये त्‍वो यदेबे ङैदे केन् इच्छा मेस्ये आशा चे ख्यङ्, तर ङैदे कूम आँट प्रेक्क्य मेस्ये येतारनेप्र चूजो ङ सीली सूलीये ङैजे जीयाने ख्रीष्‍टजे गेसेन् क्यून्‍नीय।

फिलिप्पी 1:22

कादेये अम्‍ब ङ्वनेने सोम्‍बो क्‍यून्‍नूदेयलो ख्रीष्‍टजे लागि थेप् फल पीनब काम चे खूइय। होरेक्‍यूत्‍देबे ङ सोम्‍बो क्‍यून्‍नब ज्‍य ख्यङ्, यी सीबब ज्‍य ख्यङ् यब पो सेल्देबे य अङ्‍खू।

फिलिप्पी 1:23

ङ अल्मल्‍ने पर्‌तीन ख्यङ्। क्‍यूत्‍देयलो अम्‍ब ङ्व पोङ्‍यीदेबे ख्रीष्‍टप्रे टूङ प्रेल्‍लो क्यूर ख्यङ्दे, चेनेयलो ङैजे लागि अम्‍ब सोरो ज्‍य ख्यङ्,

फिलिप्पी 2:21

सूजोयू क्‍वाने येशू ख्रीष्‍टजे पोने सेम् अम्‍पीन्‍लाबे रङ्सेजे सूर्‌त्‍या चीन्‍न ख्यङ्।

कलस्सी 3:4

नमयूजे तम्दम् जीया ब ख्रीष्‍टने ख्यङ् होर्‌दे ङू फेरि रब नमयूये ङूप्रे-प्रे महिमाने क्‍यूक्‍क्‍य।

प्रकाश 14:13

होर्‌दे स्वर्गदे रब येर के त्‍या ङैदे तदे, “अम्‍ब लिख्दी: जेम्सेमेस्‍ये प्रभुने विश्‍वास चीत्‍देबे सीबब मीयूदे असी प्रेक्‍क्‍य।” पवित्र आत्‍मादे य ख्यङ्, “अँ, थमयूदे रङ्से रङ्सेजे छेम्प्रेदे सम्च प्रे‍क्क्य, चेनेयलो थमयूदे चेब काम थमयूप्रे-प्रेने प्रीय।”