२ तिमोथी 3:8 - घले नयाँ करार

⁸ यान्‍नेस मेस्ये याम्‍ब्रेसदे मोशाजे विरोध चेप्र, अम्‍ब मीयूदेये सत्यजे विरोध चीक्क्य। अम्‍ब मीयू बुद्धि नोङ्ये ख्यङ् होर्‌दे थमयूजे विश्‍वास लूच्‍च ख्यङ्।

२ तिमोथी 3:8 Iomraidhean Croise

मूल स्यूस्स्यायूजे कामजे किताब 15:24

ङीदे त ख्यङ्, ङीजे अन्‍द्रदे गीलेब कोइ कोइयूदे बीयूङ् शिक्षा पीन्‍देबे नमयूने छरङ् पीन्दे यब पो ङीदे त ख्यङ्। तर ङीदे हम्‍ब मीयूने कूल्‍बे दी।

रोमी 1:28

येर्‌बे थमयूदे परमेश्‍वरने तम्दम् पोने ठीक अन्‍थेदेबे परमेश्‍वरदे थमयूने चे अन्‍क्‍यूरब काम चेने अन्‍ज्‍य भस्‍त्व चेब सेम् क्‍यून्‍नूस्‍य यदेबे क्‍यापीदे।

रोमी 16:18

चेनेयलो येर मीयूदे ख्रीष्‍ट ङीन प्रभुजे दी, तर रङ्से ख्‍वाजेजे सेवा चीक्‍क्‍य। सोरो खेत्‍दे क्‍यम्‍क्‍य मेस्‍ये च्‍यूप्‍ल्‍या चीत्‍देबे सोझो मीयूने भड्कैदीय।

एफिसी 4:14

होर्‌दे छट्‍टू मीजे पीरीपीरीजे शिक्षाजे छल्दे कने प्‍लेके होनेने कूबब चीद-चीद पीचयूप्र ङीन अन्‍क्यूल्‍लाचीदे। थमयूदे योनब ठग शिक्षादे सूजो मीयूने अन्‍ज्‍य लम्‍तेले कूबीय।

१ तिमोथी 1:19

विश्‍वास मेस्ये सोरो ज्‍य विवेक येन्‍नेनू। कोइ मीयूदे विवेक अनुसार अन्चील्‍लीदेबे रङ्सेजे विश्‍वासजे जहाज डूब्दीबे ख्यङ्।

१ तिमोथी 4:2

लूच्‍च क्‍यमब मीयूजे छल्दे येर पोयू क्‍यूस्‍से पीन्क्‍य, येर मीयूजे विवेक जङ् लूम्दे डम्‍दीकब-प्र क्‍यूक्क्‍य।

१ तिमोथी 6:5

मेस्‍ये बुद्धि नोङ्येब मेस्ये सत्यदे आलाक्के क्‍यूरेब मीयूजे अन्‍द्रने कचेला चीक्‍क्‍य, होर्‌दे परमेश्‍वरने मन्‍दे यब फाइदा लङ काम त्‍या ख्यङ् यदेबे थमयूदे मन्क्‍य।

२ तिमोथी 4:15

ङीनदे स्‍य्‍वेब पोने ङूदे सोरो विरोध चेख्यङ्, होरेक्‍यूत्‍देबे नमयूये ङूप्रे चङ्‍ख क्‍यूत्‍देबे टूङ्।

तीतस 1:10

चेनेयलो कूम मीयू सूजो मीजे नङ्ने अन्‍टोङ्, सीती-सीतीजे पोयू चे, छल्‍लेबयू ख्यङ्। थेप्‍प्र खतना चेबयू ब येरने क्‍यूक्‍क्‍य।

तीतस 1:16

थमयूदे परमेश्‍वरने स्‍ये ख्यङ् यदेबे स्‍वाङ् त्‍या चीक्‍क्य, तर थमयूजे रङ्से कामदे‍ब परमेश्‍वरने अम्‍मन्देब तङ्क्य। थमयू अन्ज्‍य घिन मेस्ये आज्ञा अम्‍मन्‍दे क्यूक्क्य, मेस्‍ये कम्बनेये ज्‍य काम चेब लायकजे त्वो।

२ पत्रुस 2:14

थमयूजे म्‍यादे कलङ्नेयली वेश्य काम चेब लम्त्‍यामे लेन्‍नीय, पापजे काम अन्‍चीत्‍दासेमे थमयूजे सेम् सूग्‍स्‍ये त्‍वो। थमयूदे कमजोर मीयूने पाप चेने फस्तीपीय। लोभ चीत्‍देबे चत्‍यासे प्रेजे लागि थमयू ख्‍यक्‍कू ख्यङ्, थमयू फ्याने परमेश्‍वरदजे श्राप पीन्‍क्‍य।

१ यूहन्‍ना 2:18

ङैजे पीचयू, अम्‍ब आखिरी सेमे ख्यङ्। ख्रीष्‍टजे विरोध चेब रेन ख्यङ् यब पो नमयूदे त ख्यङ्। होरेक्‍यूत्‍देबे ङीनदे स्‍ये ख्यङ्, अम्‍ब आखिरीजेसेमे ख्यङ्।

१ यूहन्‍ना 4:1

छेब ख्योन्‌यू, कम्‍ब क्‍यूक्‍को हम्‍ब आत्माने विश्‍वास अन्‍चील्‍लाची, तर आत्मायू परमेश्‍वरदे पीनब टोङ् यी सूजो टोङ् यदेबे हम्‍बजे जाँच ची। चेनेयलो कूम लूच्‍च अगमवक्तायू अम्‍ब संसारने योङ्‍र ख्यङ्।

प्रकाश 2:20

तर नैजे विरुद्धने ङैप्रे अम्‍ब पो ख्यङ्: ईजेबेल यब मदीदे चेब अन्‍ज्‍य काम नदे सैदीन ख्यङ्। ङू रङ्सेदे रङ्सेने अगमवाणी क्यमब मदी य ख्यङ्, अम्‍ब मदीदे ङैजे सेवा चेब मीयूने वेश्य काम चील्‍ली क्‍यूक्‍क्‍य, मूर्तियूने चेर्‌दीयेब चसे चली क्‍यूक्‍क्‍य यब पो लोम्‍मीदेबे उक्‍सीतीन ख्यङ्।

प्रकाश 2:6

तर नमयूप्रे अम्‍ब ज्‍य पो ख्यङ्, ङैदे चेप्रने नमयूदेये निकोलाईटसयूजे कामने घीन चे-ख्यङ्।