२ तिमोथी 3:3 - घले नयाँ करार

³ सूनेये माया अन्‍चेब मेस्ये क्षमा अम्पीन, न प्वे, रङ्सेने काबूने येन अङ्‍ख्वब, ज्‍य पोने घिन चेब,

२ तिमोथी 3:3 Iomraidhean Croise

मत्ती 10:21

“मीयूदे रङ्से अत-च्‍योन्‍ने सेने सूम्‍दीपीय, पदे रङ्से च चीमीने, प-मयूजे विरुद्धने च चीमीयू लङ्‍रीय मेस्‍ये थमयूने सेस्‍स्ये पीन्क्‍य।

मत्ती 4:1

होर्‌दे शैतानदे येशूने जाँच चेजे लागि पवित्र आत्मादे मी अन्‍टोङब चनमन नेने कूदीदे।

लूका 10:16

“नमयूजे पो ङ्‍यीनबदे ङैजे पो ङ्‍यीन्क्‍य। नमयूजे पो अम्‍मन्‍देबदे ङैनेये अम्मन्दी, होर्‌दे ङैने अम्मन्‍देबदे ङैने कूल्‍बेब परमेश्‍वरनेये अम्मन्दी।”

लूका 16:14

धनजे लोभी फरिसीयूदे अम्‍ब पोयू क्वाने ङ्‍यीन्‍देबे येशूने फ्‍योदे।

यूहन्‍ना 6:70

येशूदे थमयूने जवाफ पीन्‍दे, “ङैदेने नमयू बाह्र जनाने सेल तेया? मेस्‍ये नमयू नङ्ने त्‍याब शैतान ख्यङ्।”

रोमी 1:29

साप्‍ता थर्‌जे बदमाश चेब, अन्‍ज्‍य चेब, लोभ, खी फाब पोयूदे थमयूजे सेम् फ्‍यान ख्यङ्। ठेन, मी सेब, च्‍य-फा, छल्, मीजे पो चेब पोदे थमयूजे सेम् फ्‍यान ख्यङ्, मेस्‍ये थमयू पोच्‍येन्,

रोमी 1:31

मूर्ख, मीने लूच्‍च चेब, माया त्‍वब, मीने अन्‍ङ्येमब क्‍यूक्‍क्‍य।

१ कोरिन्थी 7:5

प्‍ल्‍यङ्-मज प्रे ङ्यूमजे लागि त्‍यादे त्‍याने छ्‌यो अन्-यस्‍य। कादेये छ्‌यो यलीने ङ्हीजे मोतोदेने तेदिनजे लागित्‍यामे क्यूस्स्य मेस्‍ये प्रार्थना चीन्‍नखूस्‍य। होर्‌देङ्‍येदे फेरि प्रे-टूङ् नत्र सेम् थ्‍या-अङ्‍खूदेबे शैतानदे नमयूने पाप काम चेने फस्ते खूइय।

१ कोरिन्थी 7:9

तर थमयूदे रङ्से सेम् काबूने येअङ्‍खूदेबे ङ्येन् चीतीङ् रदेयलो थमयूदे ङ्येन् चीस्‍य। चेनेयलो ङ्येन्चेने सेम् प्ल्याङ्नयली बरू ङ्येन्चेब सोरो ज्‍य ख्यङ्।

१ थेसलोनिकी 4:8

येरेक्‍यूत्‍देबे सूदे अम्‍ब पोने स्वीकार अन्चीक्‍क, हम्‍बदे मीने दी, तर परमेश्‍वरने स्वीकार अन्चेब क्‍यूक्क्‍य, हम्‍ब परमेश्‍वरदे नमयूने रङ्सेजे पवित्र आत्मा पीन्क्‍य।

१ तिमोथी 3:11

मदीयूये हम्‍बप्रने गेसेन् प्रेब लायकजे, मीयूजे न अम्प्वेब, तर साप्‍ता पोने सैदे ख्‍वब मेस्‍ये विश्‍वास चे ख्‍वब क्यूरपर्‌तीय।

तीतस 1:8

तर ङ्योव रब गेसेन् चेब, मीने भलो चेब, रङ्सेने काबूने येन, इमान्-जेमेन् ख्‍यब, पवित्र मेस्ये नियम नङ्ने टूङब क्यूर पर्‌दीय।

तीतस 2:3

येर्‌बेने यूमयूजे बनी व्यवहार ज्‍य क्यूर पर्‌दीय, सूजोजे न अम्प्वेब, कूम ची-नादू अन्‍थूङब क्यूर पर्‌दीय यदेबे आज्ञा पीन्। कम्‍ब ज्‍य ख्यङ्, ङूने हम्‍बने लोम्‍मीस्‍य।

याकूब 2:6

तर नमयूदेब दूख्‍प्रेबयूने ह्‍यल चे ख्यङ्। च फ्‍योबोयूदे नमयूने सतनम् पीन ते या? च थमयूदे नमयूने अड्डने अन्‍सबया?

२ पत्रुस 2:14

थमयूजे म्‍यादे कलङ्नेयली वेश्य काम चेब लम्त्‍यामे लेन्‍नीय, पापजे काम अन्‍चीत्‍दासेमे थमयूजे सेम् सूग्‍स्‍ये त्‍वो। थमयूदे कमजोर मीयूने पाप चेने फस्तीपीय। लोभ चीत्‍देबे चत्‍यासे प्रेजे लागि थमयू ख्‍यक्‍कू ख्यङ्, थमयू फ्याने परमेश्‍वरदजे श्राप पीन्‍क्‍य।

२ पत्रुस 2:19

थमयूने स्‍वतन्‍त्र चीम्‍मीय यदेबे कबुल चीक्‍क्‍य, तर रङ्सेब अन्‍ज्‍य बनीजे त्वो क्‍यून्‍नीय। चेनेयलो कम्‍ब पोदे मीने कबू चीक्‍क्‍य हम्‍ब पोजेने थमयू त्वो क्‍यूक्‍क्‍य।

२ पत्रुस 3:3

पात्‍ता खूम् नमयूदे अम्‍ब पो क्‍व पर्‌दीय, आखिरीजे दिनने खिसी चेबयू रीय, थमयूदे खिसी चीक्‍क्‍य मेस्‍ये थमयूदे रङ्सेजे अन्‍ज्‍य इच्‍छा अनुसार‌ येर पोयू यदेबे प्रीय,

यहूदा 1:16

गन्गन् चेबयू, सून्‍ताकी त्‍वबयू, रङ्से सूर् चीत्‍देबे अन्‍ज्‍य लम्‍दे प्रबयू, केन् त्‍वेब पो क्‍यमयू मेस्‍ये रङ्से मतलब पूराचेजे लागि मीयूने च्‍यूप्‍ल्‍या चेब अम्‍ब मीयू ख्यङ्।

यहूदा 1:18

थमयूदे य ख्यङ्, “आखिरीजे दिनने ठट्टा चेब मीयू क्‍यूक्‍क्‍य। थमयू रङ्सेदे च चीत्‍तीङ् रीको हम्‍बने चीक्‍क्‍य।”

प्रकाश 13:15

समुद्रदे योङ्‍रब रोलाजे मूर्तिदे क्‍यम खूस्‍य यदेबे हम्‍ब मूर्ति ने स चङ ख्वब शक्ति हम्‍ब पृथ्‍वीदे योङ्‍रब रोलाने पीन्‍दे। येरे सू-सूदे हम्‍ब मूर्तिने पूजा अन्‍ची थमयूने सेक्‍कस्य।

प्रकाश 13:17

होर्‌दे हम्‍ब छाप अन्‍क्‍यूत्‍दासेमे सूदेये चैत्‍याये कीन अम्‍प्रे मेस्ये सोङ अम्‍प्रे क्‍यूत्‍दे। हम्‍ब छापब समु‍द्रदे योङ्‍रब रोलाजे मीन् या हम्बजे मीन्‍जे नम्‍बर्‌ ख्‍य।

प्रकाश 16:6

चेनेयलो थमयूदे परमेश्‍वरजे पवित्र मीयूने मेस्‍ये अगमवक्तायूने सेक्‍क ख्यङ्, मेस्‍ये नदे थमयूने का थूङ्से पीन ख्यङ्। हम्‍बजे दण्ड थमयूदे प्रेने पर्‌दे ख्यङ्।”

प्रकाश 17:6

होर्‌दे परमेश्‍वरजे पवित्र मीयूजे का मेस्‍ये येशूजे मीन्‍ने सेक्‍कब मीयूजे का थूङ्देबे हम्‍ब मदी स्‍योनब ङैदे तङ्दे। हम्‍ब मदी तङ्देबे ङ सोरो हार्‌मन्‍दीकदे।