२ तिमोथी 3:2 - घले नयाँ करार

² चेनेयलो मीयू रङ्सेने-त्‍या माया चे, नोर‌्‌जे लोभ चे, केन् त्‍वे, ढीपी चे, मीजे न प्वे, प मजे आज्ञा अम्‍मन्‍दे, बैगुनी मेस्‍ये पवित्र त्‍वब,

२ तिमोथी 3:2 Iomraidhean Croise

मत्ती 15:6

नमयूदे येर्‌बे रङ्से छ्‌यप्जे लागि परमेश्‍वरजे आज्ञा काम अन्‍लादे चे ख्यङ्।

लूका 12:15

येशूदे थमयूने यदे, “होस्स्यार क्‍यूर्, लोभ रब सेयूप्रे चीन्‍तङ् टूङ्, चेनेयलो मीजे जीयाने ङूजे धन-सम्पत्ति कोलाने ख्यङ्लीने हम्‍बदे तम्दम् जीयाब अम्पीन्।”

लूका 16:14

धनजे लोभी फरिसीयूदे अम्‍ब पोयू क्वाने ङ्‍यीन्‍देबे येशूने फ्‍योदे।

लूका 6:35

तर रङ्से शत्रुयूनेये प्रेम ची, मेस्‍ये थमयूने ज्‍य ची। फेरि प्रेब आशा अन्‍चील्‍लाबे छेर् पीन्, मेस्‍ये नमयूजे इनाम केन् क्यूक्क्य, होर्‌दे न पात्‍ता फ्‍याजे छगूम्-पूर्‌गूम् ठर्‌दीय, चेनेयलो येशूदे बैगुनी मेस्ये रङ्से मतलब्‍त्या पूरा चेब फ्‍यानेये कृपा चीक्‍क्‍य।

मूल स्यूस्स्यायूजे कामजे किताब 5:36

चेनेयलो दीनीयली खूम्‌ये थूदासदे ङ मी केन् न यदेबे य ख्य मेस्‍ये थेप्‍प्र: सै स्यीलाप्र मीयू ङूजे ङ्‍ये-ङ्‍ये लादीदे। ङू सेक्‍कदे, होर्‌दे ङूजे ङ्‍ये-ङ्‍ये लादेबयूये क्वाने स्‍वा-स्‍वा थरी मेस्‍ये क्वाने थेन्‍ने क्‍यूत्‍दे।

रोमी 11:18

होरेक्‍यूत्‍देबे हम्‍ब क्यूत्देबे गीलेब हाँगायूजे खूम्‍ने केन् अन्‍त्‍वोल्‍लाची। कादेये केन्‍ने त्‍वेयलो, अम्‍ब ह्‍वे ची, नमयूदे छने थम्‍दीन दी, तर छदे नमयूने थम्‍दीन ख्यङ्।

२ कोरिन्थी 5:15

ख्रीष्‍ट क्‍वाजे लागि सीइदे, येरे जेम्‍सेमेस्‍ये सोम्‍बो ख्‍यबयू रङ्से लागि जीया च दी, तर थमयूजे लागि सीइदेबे फेरि सोम्‍बो चीक्‍कब ख्रीष्‍टजे लागि थमयू जीया चब क्‍यूस्‍स्‍य।

फिलिप्पी 2:21

सूजोयू क्‍वाने येशू ख्रीष्‍टजे पोने सेम् अम्‍पीन्‍लाबे रङ्सेजे सूर्‌त्‍या चीन्‍न ख्यङ्।

कलस्सी 3:5

होरेक्‍यूत्‍देबे नमयूने ख्‍यब खूम्‍जे अन्‍ज्‍य बानीयू क्‍वाने क्‍यापी: वेश्य, अशुद्ध पो, भस्‍त्व, दुष्‍ट इच्छा प्रे लोभ। लोभब थर्‌त्या मूर्तिपूजा ख्यङ्।

२ थेसलोनिकी 2:4

ङूदे ईश्‍वर‌ यब क्वानेने या मीदे पूज्‍दीनब सेयूजे विरोध चीक्‍क्‍य, मेस्‍ये हम्‍ब यली रङ्सेने केन् मन्क्‍य, अन्‍छ्वासेमे यी परमेश्‍वरजे मन्दिर नङने टूङ्देबे रङ्सेने परमेश्‍वर यदेबे यीय।

१ तिमोथी 1:20

हम्‍ब नङ्ने हूमेनियस मेस्ये अलेक्‍जेन्‍डर ख्यङ्, थम ङ्‍हीदे न प्वेब काम चे अन्क्‍यूर् यब पो लोम्स्‍य यदेबे ङैदे थमयूने शैतानजे लाने सूम्‍दीबे ख्यङ्।

१ तिमोथी 1:9

ङीनदे अम्‍बये स्‍ये ख्यङ् यी मोशाजे नियम ज्‍य मीयूजे लागि दी, तर अम्‍ब नियम अम्‍मन्‍देयू मेस्ये आज्ञा अन्‍ङ्‍यीनयूजे लागि, परमेश्‍वर अम्मन्‍दे, पापीयू, पवित्र त्‍वब, धर्म अम्‍मन्देयू मेस्ये प-मने सेबयूजे लागि, मी सेबयूजे लागि,

१ तिमोथी 3:3

च्‍यी-नादूदे स्य्वब मेस्ये छी लङब मी दी, तर ङू चीद क्‍यूत्‍देबे च्‍य-फा अन्‍चे, नोर‌्‌जे लोभ अन्‍चेब क्यूर पर्‌तीय।

१ तिमोथी 6:10

चेनेयलो साप्‍ता थर्‌जे खराबजे छ ब नोर‌्‌ने माया चेब ख्यङ्। कोइ-कोइ नोर‌्‌जे लोभने पर्‌दीदे विश्‍वास चेब क्‍यापीदेबे अन्ज्‍य लम्‍तेले लादीये ख्यङ्, मेस्‍ये कूम पीर्‌दे थमयूजे सेम् ठ्व ख्यङ्।

१ तिमोथी 6:4

ङूदे चैये अन्‍स्येली केन् त्‍वोत्‍देबे फूल्‍लीनीय। ङूदे काम अन्‍लादेब सीती-सीतीजे स्वाल्-जवाफ चीक्‍क्‍य, मेस्‍ये च्य-जीङ चेमेय येर पोयूदे म्यातब, च्‍य, न प्वेब मेस्‍ये अन्ज्‍य शङ्कायू चेब काम त्‍या चीक्‍क्‍य,

२ तिमोथी 3:4

धोका पीनब, उत्ताउलो, केन् त्‍वोत्‍देबे प्रब मेस्‍ये परमेश्‍वरने अम्‍मन्‍दीलाबे मोज-मज्‍जा चेने सेम् पर्‌तेब क्यूक्‍क्य।

याकूब 2:8

कादेये, “नदे रङ्सेने प्रेम चेप्रने रङ्से खीम्‍चेनेये प्रेम ची” यदेबे धर्मशास्‍त्रने लिख्दीयेब परमेश्‍वरजे राज्यजे नियमने मन्‍दीदे यलो नमयूदे सोरो ज्‍य काम चेब क्‍यूक्‍क्‍य।

याकूब 4:16

तर चूजो नमयू रङ्सेने केन् त्‍वोत्‍देबे ल तप्‍क्‍य। येर केन् त्‍वेब साप्‍ता पोयू ज्‍य दी।

याकूब 4:6

तर ङूदे झन् थेप् अनुग्रह पीन्‍क्‍य? येरेक्‍यूत्‍देबे धर्मशास्‍त्रदे यीय”, “परमेश्‍वरदे केन्त्‍वेब मीयूजे विरोध चे ख्यङ्, तर चीद स्यूलूक्कै क्‍यूरब मीयूने अनुग्रह चीक्क्य।

१ पत्रुस 5:5

येरप्रने चम्‍च-स्‍योर्‌बयू, रङ्से यली केन् मीयूजे हक नङ्ने टूङ्। त्‍यादे त्‍याजे हक नङ्ने टूङ्दे नमयू क्‍वाने स्यूलूक्कै क्‍यूत्‍देबे टोङ्। चेनेयलो, “परमेश्‍वरदे केन्-त्‍वेब मीयूजे विरोध चीक्‍क्‍य, तर स्यूलूक्कै क्‍यूरब मीयूने अनुग्रह चीक्‍क्‍य।”

२ पत्रुस 2:10

पात्‍ता केन् पोब, थमयू अशुद्ध चेब वेश्य कामयू चीन्‍नीय, मेस्‍ये परमेश्‍वरजे अधिकारने ह्‍यल चीक्‍क्‍य। अम्‍ब मीयू अर्‌बो मेस्‍ये सोरो केन् त्‍वेब क्‍यूक्‍क्‍य, होरदे स्वर्गने ख्‍यबयूजे न-प्‍वेने चैये अम्‍फ।

२ पत्रुस 2:12

तर अम्‍ब मीयू रङ्सेदे क्‍व-अङ्ख्‍वब पोयूजे न-पूक्‍क्‍य। अम्‍ब मीयू विवेक त्‍वब रोलायूप्र ख्यङ्, अन्‍ज्‍य इच्‍छादे थमयू कबूने येक्‍क्‍य। थमयू, ङ्‍येप्‍देबे सेजे लागि जन्मीदेयूप्र ख्यङ्, मेस्‍ये रोलायूप्र थमयू नाश क्‍यूक्‍क्‍य।

२ पत्रुस 2:18

थमयू मूर्‌ख क्‍यूत्‍देबे केन् त्‍वेब पोयू चीक्‍क्‍य, होर्‌दे अन्‍ज्‍य लम् पोङ्‍गीदेबे ख्रीष्‍टने विश्‍वास चेब सर्‌ मीयूने ङ्वजे अन्‍ज्‍य इच्‍छा अनुसार लोभ तन्‍देबे फेरि अन्‍ज्‍य लम्तेले होम्‍देबे कूबीय।

२ पत्रुस 2:3

थमयूदे लूच्‍च पोयू यदेब लोभ तन्‍क्‍य, होर्‌दे नमयूप्रे फाइद कीन्‍क्‍य। थमयूदे प्रेब दण्डजे पो खूम्‍ने पक्‍क क्‍यूक्‍क ख्यङ् मेस्‍ये थमयूजे नाश क्‍यूरब पो पक्‍क ख्यङ्।

यहूदा 1:16

गन्गन् चेबयू, सून्‍ताकी त्‍वबयू, रङ्से सूर् चीत्‍देबे अन्‍ज्‍य लम्‍दे प्रबयू, केन् त्‍वेब पो क्‍यमयू मेस्‍ये रङ्से मतलब पूराचेजे लागि मीयूने च्‍यूप्‍ल्‍या चेब अम्‍ब मीयू ख्यङ्।

प्रकाश 13:1

समुद्रदे रोला त्‍या योङ्‍रीनब ङैदे तङ्दे, हम्‍बजे रूक् च्‍यू मेस्‍ये ट ङ्यी ख्‍य। होर्‌दे हम्‍ब रूक्‍यू क्वानेने मुकुट त्या त्या ख्‍य, मेस्‍ये हम्बजे टयू क्वानेने परमेश्‍वरजे न-प्‍वेब मीन् ख्‍य।

प्रकाश 16:11

थमयूने सोरो सकस् मेस्‍ये सोरो नब मयू रदेबे स्वर्गने ख्‍यब परमेश्‍वरने थमयूदे ले तप्‍दे। तर थमयू रङ्सेदे चीक्‍कब अन्‍ज्‍य काम क्यादेबे पश्‍चात्ताप चे अन्ङ्‍यीन्।

प्रकाश 16:21

होर्‌दे ङ्यील्‍लङ् ङ्यील्‍लङ् किलो क्‍यूरब सोरो फत्‍या केन् केन् सोर्‌बयू मूदे मो-मीयू फ्‍याने तल्‍रदे, मेस्‍ये सोर्‌बदे सोरो फत्या सकस्यू पीन्‍देबे मीयूदे परमेश्‍वरने ले तप्‍दे, चेनेयलो अम्‍ब सकस् सोरोने फत्‍या ख्‍य।

प्रकाश 16:9

मीयूने सोरो ठ्वब मीयाजे रप्दे ल्याकदे, मेस्‍ये हम्‍ब सोरो फत्या सकस्यू फ्‍याने हक ख्‍यब परमेश्‍वरजे मीन्‍जे थमयूदे न पूत्‍दे। तर थमयूदे पश्‍चात्ताप चे अन्ङ्‍यीन् मेस्‍ये परमेश्‍वरने महिमा पीन अन्ङ्‍यीन्।