२ तिमोथी 2:8 - घले नयाँ करार

⁸ सीइदेबे सोम्‍बो क्‍यूरेब दाऊद वंशजे येशू ख्रीष्‍टने ह्‍वे ची, ङैदे स्‍य्‍वेब सूगब खबर अम्‍बने ख्यङ्।

२ तिमोथी 2:8 Iomraidhean Croise

मत्ती 1:1

अब्राहाम मेस्‍ये दाऊदजे छगूम्-पूर्‌गूम् येशू ख्रीष्‍टजे वंशजे मीन्‌यू येरे छीप्-छीप् ख्‍यङ्:

लूका 24:46

ङूदे थमयूने यदे, “येरे लिख्दीये ख्यङ्, ख्रीष्‍टदे छरङ् प्रे पर्‌दीय मेस्‍ये सीबदे फेरि सोम्म्‍या-नीदे सोम्‍बो क्यूरपर्‌तीय।

मूल स्यूस्स्यायूजे कामजे किताब 13:23

“रङ्सेजे कबुल पूरा चीत्‍देबे परमेश्‍वरदे इस्राएलजे मीयूजे लागि मुक्ति पीनब, येशूने रेत्दे।

मूल स्यूस्स्यायूजे कामजे किताब 2:24

तर परमेश्‍वरदे येशूने सोम्‍बो चीत्‍दे। चेनेयलो मृत्‍यूजे हक नङ्‍ने ङू टूङब सम्‍भव त्‍व ख्‍य।

मूल स्यूस्स्यायूजे कामजे किताब 2:30

हम्‍ब कारणदे अगमवक्ता त्‍या क्यूत्देबे, ङूजे छगूम्-पूर्‌गूम्‍ने ङूजे सिंहासानने परमेश्‍वरदे टूङ्स्ये पीन्क्‍य यब कबुल चेब दाऊदने था ख्‍य।

रोमी 16:25

ङीन परमेश्‍वरजे महिमा चीदे। ङैजे सूगब खबरदे स्य्वेप्रने परमेश्‍वरदे नमयूने बोल्यो चीम्मे खूइय। हम्‍ब ख्रीष्‍ट येशूजे बारेने क्‍यूरब वचनदे नम यहूदी देब मीयूजे लागि जूग्-जूग्मेस्‍येने नङ्सूने फूयेब परमेश्‍वरजे योजना तम्मे ख्यङ्।

रोमी 2:16

येर हम्‍ब दिनने क्‍यूक्‍क्‍य कन्‍छ्वाब ङैदे स्य्वे सूगब खबर अनुसार येशू ख्रीष्‍टप्रे क्‍यूत्‍देबे परमेश्‍वरदे मीयूजे नङ्सू पोजे न्याय चीक्‍क्‍य।

१ कोरिन्थी 15:1

अत-अची च्योन्‌यू, ङैदे नमयूने प्रचार चीक्‍कब सूगब खबर फेरि नमयूने ह्‍वे चीम्‍मीतीङ् र ख्यङ्, ङैदे स्‍य्‍वेब सूगब खबर नमयूदे सेम्‍ने येत्‍दे, मेस्‍ये हम्‍बने नमयूदे बोङ्बे विश्‍वास चीत्‍दे।

१ कोरिन्थी 15:4

ङूने पोप्‍पीदे, मेस्‍ये पवित्र धर्मशास्त्र अनुसार सोम्म्‍यानीदे फेरि ङूने सोम्‍बो चीम्‍मीदे।

२ थेसलोनिकी 2:14

अम्‍बजे लागिने ङीयूदे स्‍य्‍वेब सूगब खबरजे लम् क्‍यूत्‍देबे नमयूदे ङीन्जे प्रभु येशू ख्रीष्‍टजे महिमा प्रेस्‍स्‍य यदेबे परमेश्‍वरदे नमयूने कोदे।

१ तिमोथी 1:11

अम्ब तम्दम्जे शिक्षाब स्वर्गजे परमेश्‍वरदे ङैने सूम्‍दीयेब महिमा पीनब सूगब खबर अनुसार ख्यङ्।

१ तिमोथी 2:7

अम्‍बजे लागि ङ प्रचार चेब मी मेस्ये मूल स्यूस्स्याजे रूप्‍ने चून्‍दीदे, विश्‍वास मेस्‍ये तम्दम्‍जे पोने यहूदी तेब मीयूजे लागि लोम्‍मेब मी क्‍यूत्‍दे। ङ तम्दम्‍ने यीय, लूच्‍च अन्क्यम्।

२ तिमोथी 1:8

होरेक्‍यूत्‍देबे ङीन प्रभुजे गवाही पीनने, ङ कैदने टूङब पो स्‍य्‍वेने कलङ्बेये अन्‍त्‍वालाची, तर परमेश्‍वरजे बोङ्दे सूगब खबर स्‍य्‍वेने प्रब छरङ् प्रेल्‍लीने हम्‍ब काम चीन्‍नू।

२ तिमोथी 2:7

ङैदे च यीय हम्‍ब विचार ची, चेनेयलो साप्‍ता पोने क्‍व ख्‍वब दीमाग प्रभुदे नने पीन्क्‍य।

प्रकाश 5:5

होर्‌दे धर्म-गुरुयू नङ्जे त्‍यादे ङैने यदे, “अङ्-ङूलाची! ले, यहूदा खलकजे डेन्‍या, होर्‌दे दाऊदजे छगूम्-पूर्‌गूम् नङ्जे न-मीन् चील्‍लेब त्‍यादे अम्‍ब मूठ मेस्‍ये लगजे अम्‍ब छाप ङ्यी पूकजे लागि ट्‌या ख्यङ्।”