२ तिमोथी 2:7 - घले नयाँ करार

⁷ ङैदे च यीय हम्‍ब विचार ची, चेनेयलो साप्‍ता पोने क्‍व ख्‍वब दीमाग प्रभुदे नने पीन्क्‍य।

२ तिमोथी 2:7 Iomraidhean Croise

लूका 21:15

चेनेयलो नमयूने ङैदे यर क्‍यमब पो मेस्ये बुद्धि पीन्क्‍य, अम्‍ब पोजे लागि नैजे शत्रुयूदेये चैत्‍याये य अन्‍खू होर्‌दे पो च अन्‍ख्व क्यूक्‍क्य।

लूका 24:45

होर्‌दे येशूदे थमयूने धर्मशास्त्रजे पो क्‍वब बुद्धि खूल्‍लीमीदे।

लूका 9:44

“अम्‍ब पो नमयूजे नने कोनूस्‍य, चेनेयलो मीजे च मीयूजे लाने चूङ्‍के मै ख्यङ्।”

यूहन्‍ना 14:26

तर पदे ङैजे मीन्‍ने मोतो पीनब, या पवित्र आत्मा कूल्‍बीय, ङूदे साप्‍ता पो नमयूने लोम्‍मीय, मेस्‍ये ङैदे नमयूने येयेब साप्‍ता पो नमयूने ह्‍वेरलाबे चीम्‍मीय।

यूहन्‍ना 16:13

कन्‍छ्वाब ङू, या सत्‍यजे आत्मा रीय, हन्‍छ्वाब ङूदे नमयूने तम्दम्जे पो क्‍वाने लोम्‍मीय। ङू रङ्सेजे तर्फदे अन्‍क्‍यम्। ङूदे च तैय, हम्‍ब नमयूने यीय, मेस्‍ये ङ्येदे क्‍यूरब पोयूये नमयूने चेलाबे येमीय।

मूल स्यूस्स्यायूजे कामजे किताब 7:10

परमेश्‍वरदे ङूजे साप्‍ता दु:ख-सकस्दे छूर्‌दीदे मिश्र देशजे मूरूम् फारोजे खूम्ने ङूने कृपा चीत्‍दे मेस्‍ये बुद्धि पीन्‍दे, मेस्‍ये फारोदे ङूने मिश्र देश, होर्‌दे ङूजे कीम् म्हीती क्वा फ्याजेने हाकिम चीम्‍मीदे।

१ कोरिन्थी 12:8

कोइने पवित्र आत्मादे बुद्धिजे पो क्‍यमब, कोइने पवित्र आत्मादे य अनुसार ज्ञानजे पो क्‍यमब,

फिलिप्पी 4:8

आखिरीने, अत अची च्‍योन्‌यू, चै से तम्दम् ख्यङ्, चै से गेसेन् चे लायकजे ख्यङ्, चै से ठीक ख्यङ्, चै से शुद्ध ख्यङ्, चै से प्रेम चेब लायकजे ख्यङ्, चै से सोरो छेब ख्यङ्, सोरो हार्‌मन्‍देत्‍या ज्‍य से मेस्ये चत्‍यासे सार्‌या चेब लायकजे ख्यङ्लो होर सेयूने सेम् पीनो।

कलस्सी 1:9

होरेक्‍यूत्‍देबे अम्‍ब पो तब दीन्‍दे छोमेस्‍ये प्रभुजे इच्छा नमयू फ्‍याने च ख्‍य हम्‍बने पवित्र आत्‍मादे पीनब पूरा बुद्धि मेस्‍ये क्‍व ख्‍वब ज्ञान नमयूने फ्‍यानीस्‍य यदेबे नमयूजे लागि ङी येतार्‌ने प्रार्थना चीन्‍न ख्यङ्,

१ तिमोथी 4:15

अम्‍ब चे पर्‌देब कामयूने पूरा सेम् पीन्देबे येतार्‌ने चीन्‍नू, मेस्‍ये नैजे उन्‍नती मी क्‍वादेने तङ्स्‍य।

२ तिमोथी 2:6

छर्‌ङ चीत्‍देबे खेती फरब मीदेने बलीजे पात्‍ता खूम्‍जे भा प्रेपर्‌दीय।

२ तिमोथी 2:8

सीइदेबे सोम्‍बो क्‍यूरेब दाऊद वंशजे येशू ख्रीष्‍टने ह्‍वे ची, ङैदे स्‍य्‍वेब सूगब खबर अम्‍बने ख्यङ्।

हिब्रू 12:3

पापीयूदे ङूजे विरुद्धने चेब सोरो कूम अन्‍ज्‍य पोयू सैदीनबने ह्‍वे ची, मेस्‍ये नमयू थेल्‍लीदेबे सेम् चीद अन्‍चलाची।

हिब्रू 13:7

नमयूदे रङ्से अगुवायूने ह्‍वे ची। थमयूदे केरे जीया चदे मेस्‍ये केरे सीइदे हम्‍ब ह्‍वे ची, होर्‌दे थमयूदे चेप्र विश्‍वास नमयूदेये ची।

हिब्रू 3:1

येरेक्‍यूत्‍देबे परमेश्‍वरदे क्‍वब पवित्र अत-अची च्योन्‌यू, ङीदे स्वीकार चेब मूल स्यूस्स्या मेस्‍ये पात्‍ता केन् पूस्‍र्‌या येशूने विचार ची।

हिब्रू 7:4

जेम्‍से सेम्‍ने ह्‍वे ची, ङू कर फत्‍या मी केन् ख्यङ्दे! ङूने अब्राहाम मेमेदेये ट्‌यारेब सेजे भा च्‍यूने भात्‍या पीन्‍दे।

याकूब 1:5

तर कादेये नमयू कोइने बुद्धिजे हर्‌जो ख्यङ्लो हम्‍बदे प्रो-अन्‍लङ्लाबे मेस्‍ये सेम्-यङ्ला पीनब परमेश्‍वरने स्‍यस्‍य, मेस्‍ये हम्‍ब ङूने पीन्‍क्‍य।

याकूब 3:15

येर बुद्धि परमेश्‍वरदे पीनब दी। तर अम्‍ब संसारजे ख्यङ्, परमेश्‍वरजे आत्‍माजे दी, तर शैतानजे बुद्धि ख्यङ्।

याकूब 3:17

तर कम्‍ब बुद्धि स्वर्गदे रीय हम्‍ब खूम्ने शुद्ध ख्यङ्, होर्‌दे हम्‍बदे शान्ति पीन्‍क्‍य, स्यूलूक्कै, मील्‍लीदे टूङब क्यूक्‍क्य। येर बुद्धि दयादे फ्यानब क्यूक्‍क्य मेस्ये सोरो ज्य कामजे फल पीन्क्य। अम्ब बुद्धि साक्पूजा मेस्ये कप्‍टी अन्क्यूर्।

१ यूहन्‍ना 5:20

परमेश्‍वरजे च रेक ख्यङ् यदेबे ङीनने था ख्यङ्, मेस्ये सत्य परमेश्‍वरने स्‍ये खूस्‍य यदेबे ङूदे ङीनने ज्ञान पीन ख्यङ्। ङी ङूजे च येशू ख्रीष्‍टप्रे क्यूत्देबे सत्य परमेश्‍वरप्रे ख्यङ्। ङू सत्य परमेश्‍वर मेस्‍ये कलङ्बेये अन्सीबब जीया ख्यङ्।