२ तिमोथी 2:3 - घले नयाँ करार

³ ख्रीष्‍ट येशूजे ज्‍य सिपाईप्र क्‍यूरने ङीप्रे छरङ् चेने तयार क्‍यूरो।

२ तिमोथी 2:3 Iomraidhean Croise

मूल स्यूस्स्यायूजे कामजे किताब 23:31

होरेक्‍यूत्‍देबे आज्ञा प्रेमेस्‍ये सिपाईयूदे पावलने मून्‍देने एन्‍टिपाट्रिसने सयीदे।

१ कोरिन्थी 13:7

प्रेम चेब मीदे साप्‍ताने सैदीय, साप्‍ता पोने पत्‍तीय, साप्‍ता पोने ज्‍य क्‍यूरब आशा चीक्‍क्‍य, होर्‌दे साप्‍ता पोने धेरेन् टूङ्क्‍य।

१ कोरिन्थी 9:7

सूदे रङ्सेजे थान्‍ता चदेबे सिपाईजे काम चीक्क्या स्व? अङ्‍गुरजे बली प्‍वेबदे हम्‍बजे सी अन्‍चया? रोलायू स्वोत्देबे सूदे हम्‍बजे ङ्यलम् अन्थूङ् स्व?

२ कोरिन्थी 1:6

कादेये ङीदे दु:ख प्रेत्‍देयलो हम्‍ब नमयूजे सान्त्वना मेस्‍ये उद्धारजे लागि ख्यङ्। कादेये ङीदे सान्त्वना प्रेत्‍देयलीने हम्‍ब नमयूजे सान्त्वनाजे लागि ख्यङ्। ङीदे भोक्‍ते जेङ्‍कप्र हम्‍ब दु:खयूने धेरेन् क्‍यूत्‍देबे सैदीनूलो नमयूदेये हम्‍ब सान्त्वना प्रेक्‍क्‍य।

१ तिमोथी 1:18

च तिमोथी, ङ नने अम्‍ब आज्ञा पीन्‍न ख्यङ्, यी नैजे बारेने खूम् येयेब अगमवाणी अनुसार विश्‍वास प्रे ज्‍य विवेक येत्‍देबे न प्रभुजे लागि चेलाबे जीङ खूला ची।

२ तिमोथी 1:1

ख्रीष्‍ट येशूने ख्‍यब जीयाजे कबुल अनुसार परमेश्‍वरजे सेम् क्‍यूत्‍देबे ख्रीष्‍ट येशूने ङ, पावल मूल स्यूस्स्या क्‍यूर ख्यङ्,

२ तिमोथी 1:8

होरेक्‍यूत्‍देबे ङीन प्रभुजे गवाही पीनने, ङ कैदने टूङब पो स्‍य्‍वेने कलङ्बेये अन्‍त्‍वालाची, तर परमेश्‍वरजे बोङ्दे सूगब खबर स्‍य्‍वेने प्रब छरङ् प्रेल्‍लीने हम्‍ब काम चीन्‍नू।

२ तिमोथी 2:10

येरेक्‍यूत्‍देबे सेल्कबयूजे लागिने ङ साप्‍ता पोने सैदीय, मेस्‍ये थमयूदेये कलङ्बेये अन्जेनब महिमा प्रेने ख्रीष्‍ट येशूने ख्‍यब मुक्ति प्रेखूस्य।

२ तिमोथी 2:9

हम्‍ब सूगब खबरजे लागि ङैदे सकस् भोक्‍तीन ख्यङ् मेस्‍ये अपराध चीक्‍कब मीप्र सङ्लोदे ख्‍याये ख्यङ्। तर परमेश्‍वरजे वचन सङ्लोदे ख्‍या अन्खू।

२ तिमोथी 3:11

एन्टिओखियाने, आइकोनियनने मेस्‍ये लुस्त्राने ङैदे प्रेब सतनम् मेस्ये सकस्यू नने था ख्यङ्, येरेक्यूल्‍लीने प्रभुदे अम्ब साप्‍ता सतनम् मेस्ये सकस्यूट्‍यादे ङैने जूक्‍तीमीदे।

२ तिमोथी 4:5

तर साप्‍ता पोने न बोल्‍यो क्‍यूरो। छरङ् सैदी, वचन स्‍य्‍वेब काम ची, नदे चे पर्‌देब सेवाजे काम पूरा ची।

फिलेमोन 1:2

ङीनजे छेब प्रे-प्रे काम फरब फिलेमोन, स्‍यङ् अप्‍फीया, ङीन प्रे-प्रे काम फरब सिपाई अर्खिप्पस होर्‌दे नैजे कीम्‍जे मण्डलीने रब मीयू क्वानेने अम्‍ब चिट्ठी लिख्दीन ख्यङ्:

हिब्रू 10:32

हम्‍ब खूम्‍जे दिनयूने ह्‍वे ची। परमेश्‍वरजे ओथ्याङ् प्रेक्‍कङ्‍येदे नमयू फ्याने अन्ज्य सकस्यू पर्‌तीरलीने कूम धेरेन् क्यूत्देबे टूङ्दे।

हिब्रू 11:27

मूरुम्जे छीप्रे अम्‍फलाबेने ङूदे विश्‍वास चीत्‍देबे मिश्रदेश पङ्‍गीदे। चेनेयलो म्‍यादे तङ अङ्-ख्‍वब परमेश्‍वरने तङप्रने ङूदे सेम् बोल्यो चीत्‍देबे टूनूदे।

हिब्रू 6:15

येरे धेरेन् क्‍यूत्‍देबे अब्राहामदे रेन्‍दे मेस्ये परमेश्‍वरदे चेब कबुल अनुसार ङूदे प्रेत्‍दे।

याकूब 1:12

भबी-तबी पर्‌तीरब पात्‍ताङ्‍येसेमे सैदे ख्‍वब मीदे असी प्रेक्‍क्‍य, चेनेयलो येर जाँचयू सैदीकब मीदे जीयाजे मुकुट प्रेक्‍क्‍य, हम्‍ब मुकुट परमेश्‍वरने प्रेम चेब मीयूने पीन्‍क्‍य यदेबे परमेश्‍वरदे चेब कबुल ख्यङ्।