२ तिमोथी 1:8 - घले नयाँ करार

⁸ होरेक्‍यूत्‍देबे ङीन प्रभुजे गवाही पीनने, ङ कैदने टूङब पो स्‍य्‍वेने कलङ्बेये अन्‍त्‍वालाची, तर परमेश्‍वरजे बोङ्दे सूगब खबर स्‍य्‍वेने प्रब छरङ् प्रेल्‍लीने हम्‍ब काम चीन्‍नू।

२ तिमोथी 1:8 Iomraidhean Croise

मर्कूस 8:38

अम्‍ब पापी मेस्‍ये वेश्य पुस्ताने सूदे ङ मेस्‍ये ङैजे शिक्षाने त्‍वाय, मीजे चदेये पजे महिमा टेल्‍देबे पवित्र स्‍वर्गदूतयूप्रे रब ङूने रङ्से मी यने त्‍वाय।”

लूका 9:26

तर सू ङ मेस्‍ये ङैजे वचनप्रे त्‍वाय यलो मीजे चये ङूजे महिमाप्रे पजे मेस्‍ये पवित्र स्वर्गदूतयूजे महिमाने रब ङूप्रे त्‍वाय।

यूहन्‍ना 15:27

नमयूये ङैजे गवाही ख्यङ्, चेनेयलो नमयू खूम्मेस्‍येने ङैप्रे ख्यङ्।”

यूहन्‍ना 19:35

नमयूदेये विश्‍वास चीस्‍य यदेबे अम्‍ब घटनायू रङ्सेजे म्‍यादेने तङ्ब मीदे गवाही पीने ख्यङ् मेस्‍ये ङूजे गवाही तम्दम् ख्यङ् यदेबे ङूने था ख्यङ्।

मूल स्यूस्स्यायूजे कामजे किताब 5:41

हन्‍छ्वाब येशूजे मीन्‍ने ह्‍यल सैदेब खल्‍जे ठर्‌दीदे यब पोने आनन्द मन्‍दीदेबे थमयू पात्‍ता केन् सभादे योङ्‍गीदे।

रोमी 1:16

ङ अम्‍ब सूगब खबर स्‍य्‍वेने अन्‍त्‍वा। विश्‍वास चेबयू नङ्ने पात्‍ता खूम् यहूदी होर्‌दे यहूदी तेब मीयूजे लागिये अम्‍ब मुक्ति पीनब परमेश्‍वरजे शक्ति ख्यङ्।

रोमी 16:25

ङीन परमेश्‍वरजे महिमा चीदे। ङैजे सूगब खबरदे स्य्वेप्रने परमेश्‍वरदे नमयूने बोल्यो चीम्मे खूइय। हम्‍ब ख्रीष्‍ट येशूजे बारेने क्‍यूरब वचनदे नम यहूदी देब मीयूजे लागि जूग्-जूग्मेस्‍येने नङ्सूने फूयेब परमेश्‍वरजे योजना तम्मे ख्यङ्।

रोमी 8:36

धर्मशास्त्रने येरे लिख्दीये ख्यङ्, “नैजे लागि ङी येतार्‌ने सेक्‍कीय। ङी तूपने-मेब स्वान्‌प्र क्‍यून्‍न ख्यङ्।”

रोमी 9:33

येर्‌बे धर्मशास्त्रने लिख्दीय ख्यङ्, “ले, ङैदे सियोन्‍ने च्‍या थूङ्ब लूङ् त्‍या येक्‍क्‍य, हम्‍ब लूङ्ने मीयू च्‍या थूङ्बीय, लूङ् पोलोम् त्‍या, हम्‍बदे थमयूने फी क्‍यर्‌बीय, तर सूदे ङू फ्‍याने विश्‍वास चीक्‍क्‍य हम्‍ब कलङ्बेये त्‍वा अम्पर्‌दी।”

१ कोरिन्थी 1:6

ख्रीष्‍टजे बारेने ङीदे पीनब गवाही तम्दम् ख्यङ् यदेबे नमयूजे सेम्‍ने पक्क क्यूर ख्यङ्-

२ कोरिन्थी 6:7

तम्दम्जे पोने, मेस्‍ये परमेश्‍वरजे शक्तिने, स्‍येत्‍ते मेस्ये योन्‍देयोर्‌ धार्मिकताजे लास्‍यायू टेल्देबे,

एफिसी 3:1

येरेक्‍यूत्‍देबे नम यहूदी तेब मीयूजे पक्षने ख्रीष्‍ट येशूजे सेवा चेब ङ पावल कैदी क्‍यूर ख्यङ्।

एफिसी 3:13

येरेक्‍यूत्‍देबे ङ नमयूने बिन्ती चीक्‍क्‍य, यी नमयूजे लागि ङैदे भोक्‍तीनब सकस् तङ्देबे नमयू अन्-‍आतीलाची। अम्‍ब नमयूजे लागि फाइदजे पो ख्यङ्।

एफिसी 4:1

ङ प्रभुजे लागि झ्यालखान‍ने टूङब कैदी त्‍या ख्यङ्, नमयूने बिन्ती चीक्‍क्‍य, यी प्रभुदे चेकामजे लागि नमयूने क्‍व ख्यङ् हम्‍ब मफीजे जीया च।

एफिसी 4:17

जेम्से ङ नमयूने बोङ् चीत्‍देबे प्रभुजे मीन्‍ने यीय मेस्‍ये गवाही पीन्‍क्‍य, नमयू जेम्से यहूदी तेबयूप्र क्‍यूत्‍देबे चे-कामये अन्‍लादेब सीत्‍तीजे पोयूने लादीदेबे जीया अन्‍च‍लाची।

फिलिप्पी 1:7

नमयू क्‍वाजे लागि येरे मनब ङैने ज्‍य थेको, ङैदे नमयू क्‍वाने रङ्से सेम्ने ये ख्यङ्, चेनेयलो ङ चूजो जेल नङ्ने क्यूप्प या फीने सूगब खबर तम्दम् ख्यङ् यदेबे स्‍योप्‍प मेस्‍ये विश्‍वासने बोल्यो चीम्‍मेब कामने नमयू ङैप्रे-प्रे परमेश्‍वरजे अनुग्रहने सामेल् क्‍यूर ख्यङ्।

फिलिप्पी 3:10

ङैदे ख्रीष्‍टने मेस्‍ये ङूने सीइदेबे फेरि सोम्‍बो क्‍यूरब शक्तिने चेलाबे स्‍ये खूस्‍य। ङ ङूजे दु:खने सामेल् क्यूत्देबे ङू सीयेब बीलसेमेने ङ ख्रीष्‍टप्रने क्यूत्दीङ् र ख्यङ्।

फिलिप्पी 4:13

सूदे ङैने शक्ति पीन्‍क्‍य, ङूप्रे क्‍यूत्‍देबे ङ साप्‍ताकूरूने चे खूइय।

कलस्सी 1:11

नमयू आनन्द क्यूत्देबे कूम सैदीन ख्‍वब मेस्ये रेन्‍न ख्‍वब क्यूरने परमेश्‍वरदे पीनब महिमाजे शक्ति अनुसार‌ बोल्यो क्यूर यबने ङीजे प्रार्थना ख्यङ्।

कलस्सी 1:24

जेम्‍से नमयूजे लागि ङैदे छरङ् प्रेल्‍लीने ङ सूग्‍क्‍य, मेस्‍ये ख्रीष्‍टदे भोक्‍ते पर्‌तेब खास्या ख्यब सकस्यू ङूजे ङ्व या मण्डलीजे लागि ङ ङैजे ङ्वने भोक्‍तीदे पूरा चीक्‍क्‍य।

१ थेसलोनिकी 3:4

चेनेयलो कन्‍छ्वाब ङी नमयूप्रे ख्‍य, हन्‍छ्वाब नमयूदे सकस् भोक्‍ते पर्‌दीय यदेबे ङीदे खूम्‍ने येक ख्यङ्। अम्‍ब पो तम्दम्‍ने क्यूट्‍टदे, हम्‍ब नमयूने था ख्यङ्।

१ तिमोथी 2:6

येशू ख्रीष्‍टदे मीयू क्‍वानेने पापदे छूर्‌दीमेने लूजे रूप्ने रङ्सेजे प्राण पीन्‍दे, हम्‍ब पोजे प्रमाण ठीक बीलने पीन्‍दे।

२ तिमोथी 1:10

तर ङीनने मुक्ति पीनब ख्रीष्‍ट येशू रदेबे हम्‍ब उदेश्य मेस्ये अनुग्रह तम्‍मीक ख्यङ्। येशूदे सीबब काल नाश चीत्‍देबे कलङ्बेये अन्सीबब जीयाने सूगब खबर स्योत्देबे तङ्लाबे चीम्‍मीदे।

२ तिमोथी 1:12

अम्‍ब कारण ङैदे हम्‍ब छरङ् प्रेन्‍न ख्यङ्। तर ङ अन्त्‍वा, चेनेयलो ङैदे सू फ्याने विश्‍वास चे ख्यङ् हम्‍ब ङैदे स्‍ये ख्यङ्, मेस्‍ये ङैने पक्‍क ख्यङ्, कम्‍ब ङैदे परमेश्‍वरने सूम्‍दीये ख्‍य। हम्‍ब पो रब दिनसेमे चेलाबे चीम्‍देबे येन ख्‍वब ङू ख्यङ्।

२ तिमोथी 1:16

प्रभूदे ओनेसिफरसजे म्हीतीने कृपा चीम्‍मीस्‍य, चेनेयलो ङूदे ङैने कूमफे बोङ् पीन्‍दे, मेस्‍ये ङ जेलने पर्‌तेब पोने ङू अन्त्‍वा ख्य।

२ तिमोथी 2:3

ख्रीष्‍ट येशूजे ज्‍य सिपाईप्र क्‍यूरने ङीप्रे छरङ् चेने तयार क्‍यूरो।

२ तिमोथी 2:8

सीइदेबे सोम्‍बो क्‍यूरेब दाऊद वंशजे येशू ख्रीष्‍टने ह्‍वे ची, ङैदे स्‍य्‍वेब सूगब खबर अम्‍बने ख्यङ्।

२ तिमोथी 2:9

हम्‍ब सूगब खबरजे लागि ङैदे सकस् भोक्‍तीन ख्यङ् मेस्‍ये अपराध चीक्‍कब मीप्र सङ्लोदे ख्‍याये ख्यङ्। तर परमेश्‍वरजे वचन सङ्लोदे ख्‍या अन्खू।

२ तिमोथी 4:17

तर यहूदी तेब मीयू क्‍वादेने ङ्‍यीन प्रेस्‍स्‍य यदेबे प्रभू ङैप्रे-प्रे क्‍यूत्‍दे, मेस्‍ये पूरा रूप्ने वचन प्रचार चेब शक्ति ङैने पीन्‍दे। येर्‌बे ङूदे ङैने डेन्‍याजे ङूरदे जूक्‍दीमीदे।

२ तिमोथी 4:5

तर साप्‍ता पोने न बोल्‍यो क्‍यूरो। छरङ् सैदी, वचन स्‍य्‍वेब काम ची, नदे चे पर्‌देब सेवाजे काम पूरा ची।

१ पत्रुस 1:5

नमयूदे चेब विश्‍वासदे मूक्ति अम्‍प्रेत्‍दासेमे परमेश्‍वरजे शक्तिदे नमयूने जूक्‍तीमीय, हम्‍ब मुक्ति नमयूजे लागि पीनने छ्‌योदे ख्यङ्, अम्‍ब पात्‍ता ङ्येजे दिन म्‍याजे खूम्‍ने तङ्‍रमल्‍न ख्यङ्।

१ यूहन्‍ना 4:14

प परमेश्‍वरदे अम्‍ब संसारजे मुक्ति पीनब क्‍यूरने रङ्सेजे च कूल्‍बे ख्यङ् यदेबे ङीदे तङ ख्यङ्, मेस्‍ये अम्‍बजे गवाही पीन्‍क्‍य।

यहूदा 1:24

नमयू पापने फस्तीस्‍ये अम्‍पीन्‍लाबे बच्‍दीमे ख्वबने, मेस्‍ये नमयूने आनन्द पीन्‍देबे ङूजे महिमाजे खूम्‍ने चैये पाप त्‍वब शुद्ध चीम्‍मे ख्वबने,

प्रकाश 1:2

परमेश्‍वरजे वचन मेस्‍ये येशू ख्रीष्‍टदे चेब कामयूजे बारेने तङब साप्‍ता पोयूजे गवाही यूहन्‍नादे पीन ख्यङ्।

प्रकाश 1:9

ङ यूहन्‍ना, नमयूजे अत, नमयूदे प्रने येशूने विश्‍वास चीत्‍देबे सकस् भोक्‍तीब धेरेन् टूङ्दे मेस्‍ये परमेश्‍वरजे राज्‍यने सामेल् क्‍यूर ख्यङ्। परमेश्‍वरजे वचन मेस्‍ये येशू ख्रीष्‍टजे गवाही मीयूने स्‍य्‍वेब क्‍यूत्‍देबे ङैने पत्‍मोस यब टापूने हीते ख्‍य।

प्रकाश 12:11

थुमाजे का मेस्‍ये परमेश्‍वरजे वचन अनुसार रङ्सेदे गवाही पीन्‍देबे थमयूदे शैतान फ्‍याने ट्‌याप्रे ख्यङ्, मेस्‍ये सीब पर्‌दीलीने थमयूदे रङ्से ज्‍यानजे माया अन्‍ची।

प्रकाश 19:10

होर्‌दे ङूने स्‍यूव पीनजे लागि ङ ङूजे तोप्ने पून्‍छ्‌यल् क्‍यूत्‍दे। तर ङूदे ङैने यदे, “नदे येरे चे अन्‍क्‍यूर्‌। ङैये येशूजे गवाही पीनब, न मेस्ये नैजे अत अची च्योन्‌यूप्रने परमेश्‍वरजे त्वो त्‍यामे ख्यङ्। परमेश्‍वरने स्‍यूव पीन्! चेनेयलो येशूजे बारेने पीनब गवाही अगमवाणीजे आत्‍मा ख्यङ्।”