२ तिमोथी 1:12 - घले नयाँ करार

¹² अम्‍ब कारण ङैदे हम्‍ब छरङ् प्रेन्‍न ख्यङ्। तर ङ अन्त्‍वा, चेनेयलो ङैदे सू फ्याने विश्‍वास चे ख्यङ् हम्‍ब ङैदे स्‍ये ख्यङ्, मेस्‍ये ङैने पक्‍क ख्यङ्, कम्‍ब ङैदे परमेश्‍वरने सूम्‍दीये ख्‍य। हम्‍ब पो रब दिनसेमे चेलाबे चीम्‍देबे येन ख्‍वब ङू ख्यङ्।

२ तिमोथी 1:12 Iomraidhean Croise

मत्ती 12:21

जात जातजे मीयू क्वादेने ङूजे मीन्‍ने आशा चीक्क्‍य।

मत्ती 24:36

“हम्‍ब दिन मेस्ये बीलजे बारेने परमेश्‍वर पदेत्या स्ये ख्यङ् सूजो सूदेये अन्स्‍ये, या स्वर्गदूतयूदेये अन्‍स्‍ये, चदेये अन्‍स्‍ये।

मत्ती 7:22

हम्‍ब दिनने ङैने कूम मीयूदे यीय, ‘प्रभु, प्रभु, ङीदे नैजे मीन्‍ने अगमवाणी क्‍यम तेया?, नैजे मीन्‍ने छेत्‌यू ताल्‍बे तेया। मेस्‍ये नैजे मीन्‍ने शाक्तिशाली कामयू चेतेया?’

लूका 10:12

ङ नमयूने यीय, न्यायजे दिन‍ने हम्‍ब सहरजे मीयूजे हालात यली पापदे फ्‍यायेब सदोम सहरजे मीयूजे हालात ते-सैदे ख्‍वब क्‍यूक्‍क्‍य।

लूका 23:46

बोङ्बे के योन्‍देबे येशूदे यदे, “प, ङ ङैजे आत्‍मा नैजे लाने सूम्‍दीपीय।” हन्‍छ्वा यदेबे ङूदे दियो पूत्‍दे।

यूहन्‍ना 17:15

थमयूने संसारदे योन्‍देबे कूब यदेबे ङ नने प्रार्थना अन्‍ची, तर दुष्‍टजे शक्तिदे चैये चे अङ्ख्‍व चीत्‍देबे जूक्‍तीमी यब प्रार्थना चीक्‍क्‍य।

यूहन्‍ना 6:44

ङैने कूल्‍बेब पदे ङै ट्‌याने रब सेम् अम्‍पीन्‍लो सूये ङै ट्‌याने र अन्खू, मेस्‍ये ङ हम्‍बने आखिरीजे दिनने सोम्‍बो चीक्‍क्‍य।

मूल स्यूस्स्यायूजे कामजे किताब 13:46

तर पावल मेस्‍ये बारनाबासदे सेम् केन् चीत्‍देबे यदे, “परमेश्‍वरजे वचन पात्‍ता खूम् नमयूने स्‍य्‍वे पर्‌दे ख्‍य। तर नमयू अम्‍ब पो ङ्यीन्तीङ् अन्‍र। नमयूदे अम्बने अम्मेन्दीदेबे रङ्सेदेने कलङ्बेये अन्सीबब जीयाजे लागि लायकजे त्वब ठर्‌दीपीदे। होरेक्यूत्देबे जेम्से ङी यहूदी तेब मीयूट्‌याने प्रीय।

मूल स्यूस्स्यायूजे कामजे किताब 13:50

तर यहूदीयूदे परमेश्‍वरने मन्‍देब, गेसेन् प्रेब मदीयू मेस्‍ये सहरजे मी केन्-केन्‌युने पावल मेस्ये बारनाबासजे विरुद्धने उक्सीतीदे, होर्‌दे पावल प्रे बारनाबासने रङ्से नेजे सेन् चदेबे फीने ताल्पीदे।

मूल स्यूस्स्यायूजे कामजे किताब 21:13

तर पावलदे जवाफ पीन्‍दे, “नमयू येर्‌बे ङूदेबे ङैजे सेम् चैने ङूसे पीन स्व? चेनेयलो प्रभु येशूजे मीन्‍जे कारण कैद प्रपर्‌देत्‍या दी, तर यरूशलेमने सीबनेये ङ तयार ख्यङ्।”

मूल स्यूस्स्यायूजे कामजे किताब 7:59

थमयूदे स्तिफनस फ्‍याने लूङ् छान ख्‍य, ङूदे प्रार्थना चीत्‍दे, “ओ प्रभु येशू, ङैजे आत्मा ग्रहण चीदो।”

मूल स्यूस्स्यायूजे कामजे किताब 9:16

चेनेयलो ङैजे मीन्जे कारण ङूदे कोला सकस् भोक्‍ते पर्‌दीय, हम्‍ब ङ ङूने तम्‍मीय।”

रोमी 1:16

ङ अम्‍ब सूगब खबर स्‍य्‍वेने अन्‍त्‍वा। विश्‍वास चेबयू नङ्ने पात्‍ता खूम् यहूदी होर्‌दे यहूदी तेब मीयूजे लागिये अम्‍ब मुक्ति पीनब परमेश्‍वरजे शक्ति ख्यङ्।

रोमी 9:33

येर्‌बे धर्मशास्त्रने लिख्दीय ख्यङ्, “ले, ङैदे सियोन्‍ने च्‍या थूङ्ब लूङ् त्‍या येक्‍क्‍य, हम्‍ब लूङ्ने मीयू च्‍या थूङ्बीय, लूङ् पोलोम् त्‍या, हम्‍बदे थमयूने फी क्‍यर्‌बीय, तर सूदे ङू फ्‍याने विश्‍वास चीक्‍क्‍य हम्‍ब कलङ्बेये त्‍वा अम्पर्‌दी।”

१ कोरिन्थी 1:8

ङीनजे प्रभु येशू ख्रीष्‍ट रब बीलने नदे नमयूने दोष त्वब चीम्‍मेने आखिरीसेमेने बोल्‍यो चीत्‍देबे येम्‍मीय।

१ कोरिन्थी 3:13

मी क्‍वाजेने ज्‍यप्रे अन्‍ज्‍य काम परमेश्‍वरदे न्याय चेब दिनने जाँच‍दीय, चेनेयलो हम्‍ब दिनने थमयूदे चेब काम कर टूङ् यदेबे जाँच‍तेजे लागि मी-भोप्‍प्रोने पूत्‍देबे लेक्‍क्‍य।

फिलिप्पी 1:20

ङ केर्‌बेनेयली त्‍वा पर्‌तीस्‍ये त्‍वो यदेबे ङैदे केन् इच्छा मेस्ये आशा चे ख्यङ्, तर ङैदे कूम आँट प्रेक्क्य मेस्ये येतारनेप्र चूजो ङ सीली सूलीये ङैजे जीयाने ख्रीष्‍टजे गेसेन् क्यून्‍नीय।

फिलिप्पी 3:10

ङैदे ख्रीष्‍टने मेस्‍ये ङूने सीइदेबे फेरि सोम्‍बो क्‍यूरब शक्तिने चेलाबे स्‍ये खूस्‍य। ङ ङूजे दु:खने सामेल् क्यूत्देबे ङू सीयेब बीलसेमेने ङ ख्रीष्‍टप्रने क्यूत्दीङ् र ख्यङ्।

फिलिप्पी 3:21

ङूदे रङ्सेजे शक्तिदे साप्‍ता कूरूने रङ्सेजे हक नङ्ने रे खूइय, हम्ब शक्तिदे ङीनजे चैकम्‍तेब ङ्वनेये रङ्सेजे महिमा क्‍यूरेब ङ्वप्रने चीम्‍मीय।

फिलिप्पी 3:8

अन्छूत्यात्या दी, ख्रीष्‍ट येशू ङैजे प्रभुने स्‍ये प्रेब सोरो फत्‍या केन् पोप्रे कर्‌देयलो सूजो पोयू क्‍वाने हानी क्‍यूर टोङ् यदेबे ङ मन्‍क्‍य। ङैदे येशू ख्रीष्‍टने प्रेखूस्‍य यदेबे साप्‍ताकूरूने पोङ्ये ख्यङ् मेस्‍ये अम्‍बयू क्‍वाने छाबेब फोहोर-मैलाप्रत्‍या ख्यङ् यदेबे मन्‍क्‍य,

१ थेसलोनिकी 2:16

यहूदी तेब मीयूजे उद्धार क्‍यूस्‍स्‍य यदेबे थमयूप्रे क्‍यमने ङीने बाधा पीन्दे। येर्‌बे येतार्‌ने थमयू रङ्सेजे पापने थेप्थेप् नप्‍ते अङ्ख्‍ब चीक्‍कीदे, तर आखिरीने परमेश्‍वरजे छी थमयू फ्‍याने पर्‌तीरदे।

१ थेसलोनिकी 5:4

तर अत-अची च्योन्‌यू नमयू मून्‍दूङने त्‍वो, होरेक्‍यूत्‍देबे हम्‍ब दिनदे नमयूने खूमान्दे चेप्र हार्‌मन्‍दीलाबे चीस्‍स्‍ये त्‍वो।

१ तिमोथी 6:20

तिमोथी, नैजे जिम्माने चैसे पीने ख्‍य, हम्‍ब चेलाबे चीम्। परमेश्‍वर अम्मन्देब कन्‍थनयू मेस्ये बिरोध चेब पोयू ब लूच्‍च ज्ञान ख्यङ्। येर पो‍यू क्‍वाने क्‍यापी।

२ तिमोथी 1:14

नने जिम्मा लैदीयेब तम्दम् पोने ङीन नङ्ने बास चेब पवित्र आत्माजे शक्तिदे चीम्‍देबे यीन्।

२ तिमोथी 1:16

प्रभूदे ओनेसिफरसजे म्हीतीने कृपा चीम्‍मीस्‍य, चेनेयलो ङूदे ङैने कूमफे बोङ् पीन्‍दे, मेस्‍ये ङ जेलने पर्‌तेब पोने ङू अन्त्‍वा ख्य।

२ तिमोथी 1:18

प्रभुजे दिनने प्रभुदे ङूने कृपा चीम्‍मीस्‍य। एफिससने ङ ख्‍यब बीलने ङूदे ङैजे पूरा सेवा चेब नने चेलाबे थाने ख्यङ्।

२ तिमोथी 1:8

होरेक्‍यूत्‍देबे ङीन प्रभुजे गवाही पीनने, ङ कैदने टूङब पो स्‍य्‍वेने कलङ्बेये अन्‍त्‍वालाची, तर परमेश्‍वरजे बोङ्दे सूगब खबर स्‍य्‍वेने प्रब छरङ् प्रेल्‍लीने हम्‍ब काम चीन्‍नू।

२ तिमोथी 2:9

हम्‍ब सूगब खबरजे लागि ङैदे सकस् भोक्‍तीन ख्यङ् मेस्‍ये अपराध चीक्‍कब मीप्र सङ्लोदे ख्‍याये ख्यङ्। तर परमेश्‍वरजे वचन सङ्लोदे ख्‍या अन्खू।

२ तिमोथी 4:8

जेम्‍सेमेस्‍ये ङैजे लागि धार्मिक्ताजे मुकुट तयार चीत्‍देबे हीते ख्यङ्। ठीक न्याय चेब प्रभुदे हम्‍ब दिन‍ने ङैने अम्ब मुकुट कूमीय। ङैनेत्‍या दी, तर फेरि ङू रब लम् लेन्‍नब जीती क्‍वानेने पीन्क्य।

तीतस 3:8

अम्‍ब तम्दम् पो ख्यङ्। नदे अम्‍ब पोयूने बोङ् ची, थमयू सुदे परमेश्‍वरने विश्‍वास चे ख्यङ्, रङ्सेदे ज्‍य काम चेने येतार्‌ने चङ्‍ख क्‍यून्‍नू, चेनेयलो अम्‍ब पो मीयूजे लागि सोरो ज्‍य मेस्‍ये फाइदाजे ख्यङ्।

हिब्रू 12:2

ङीनजे विश्‍वासने सुरु मेस्‍ये पूरा चीम्‍मेब येशूने लेन्‍नूदे, ङूजे खूम्‍ने हीम्‍मेब आनन्दजे लागि न प्‍वेब पोने चैत्‍याये अम्‍मन्‍लाबे ङूदे क्रूसजे सकस् भोक्‍तीदे, मेस्‍ये परमेश्‍वर देन् छ्‍यानब सिंहासनजे स्येत्‍देयोर्‌ देन् छ्‌यान ख्यङ्।

हिब्रू 2:18

ङू रङ्सेये जाँचने पर्‌तीदेबे दु:ख भोक्‍तेब क्यूत्देबे जेम्से जाँचने पर्‌तेबयूने ङूदे तोङ्मे खूइय।

हिब्रू 7:25

होरेक्‍यूत्‍देबे येशूने विश्‍वास चीत्‍देबे परमेश्‍वर ट्‌याने रबयू क्‍वानेने येतार्‌जे लागि ङूदे उद्धार चीम्मे खूइय। चेनेयलो थमयूजे लागि परमेश्‍वरप्रे प्रार्थना चीम्मेने ङू येतार्‌ने सोम्बो क्यून्‍नीय।

१ पत्रुस 1:5

नमयूदे चेब विश्‍वासदे मूक्ति अम्‍प्रेत्‍दासेमे परमेश्‍वरजे शक्तिदे नमयूने जूक्‍तीमीय, हम्‍ब मुक्ति नमयूजे लागि पीनने छ्‌योदे ख्यङ्, अम्‍ब पात्‍ता ङ्येजे दिन म्‍याजे खूम्‍ने तङ्‍रमल्‍न ख्यङ्।

१ पत्रुस 4:16

तर कोइदे ख्रीष्‍टने विश्‍वास चेब क्‍यूत्‍देबे सकस्यू भोक्‍तीय यलो ङूदे त्‍वा अम्‍पर्‌दी, तर ङूदे ख्रीष्‍टजे मीन् गोम्‍देबे परमेश्‍वरने महिमा पीन्‍स्‍य।

१ पत्रुस 4:19

येरेक्‍यूत्‍देबे परमेश्‍वरजे इच्छा अनुसार सकस् भोक्‍तेबयूदे भलो क्‍यूरब ज्‍य काम फर्‌स्‍य मेस्‍ये थमयूजे सृष्‍टि चेब परमेश्‍वरजे लाने रङ्से आत्‍मा सूम्‍दीस्‍य, ङूदे रङ्सेजे कबुल येतार्‌ने पूरा चीक्‍क्य।

यहूदा 1:24

नमयू पापने फस्तीस्‍ये अम्‍पीन्‍लाबे बच्‍दीमे ख्वबने, मेस्‍ये नमयूने आनन्द पीन्‍देबे ङूजे महिमाजे खूम्‍ने चैये पाप त्‍वब शुद्ध चीम्‍मे ख्वबने,