१ तिमोथी 4:4 - घले नयाँ करार

⁴ परमेश्‍वरदे बन्‍दीयेब साप्‍ता थोक‍ने ज्‍य ख्यङ्, मेस्ये परमेश्‍वरने धन्‍यवाद पीन्‍देबे साप्‍ता सेने च क्‍यूक्क्‍य, कम्‍ब सेये अन्‍च य अन्क्‍यूर्।

१ तिमोथी 4:4 Iomraidhean Croise

मूल स्यूस्स्यायूजे कामजे किताब 10:15

हम्‍ब आवाज फेरि ङ्‍ही खेप् पलोनेये ङूदे तदे, “परमेश्‍वरदे कम्‍ब शुद्ध चीक्‍क ख्यङ् हम्‍बने नदे अशुद्ध अम्‍मन्‍लाची।”

मूल स्यूस्स्यायूजे कामजे किताब 15:29

अम्‍ब मूख्‍य पोयू ख्यङ्- मूर्तिने बलि चेर्‌देब चसे अन्‍चलाची, का मेस्ये नीजी चेर्‌देबे सेब रोलाजे स्‍य अन्चलाची मेस्‍ये वेश्य काम अन्‍चील्‍लाची। अम्‍ब पोयू मन्‍दीदेयलो नमयूने ज्‍य क्‍यूक्य। बिदा।”

मूल स्यूस्स्यायूजे कामजे किताब 21:25

तर यहूदी तेब मीयू सूदे विश्‍वास चे ख्यङ्, थमयू मूर्तिने बलि चेर्‌देब से, का, नीजी चेर्‌देबे सेब रोलाजे स्‍य अन्‍चलाची मेस्‍ये वेश्य काम अन्‍चील्लाची यदेबे ङीदे पक्क चेब पो चिट्ठीने लिख्दीदेबे चङ्बे ख्यङ्।”

रोमी 14:14

ङ प्रभू येशूप्रे क्‍यूरब कारणदे, चसेयू रङ्सेदेने चूर अन्‍क्‍यूर यब पो पक्क ख्यङ्, तर सूदे हम्‍ब चसे चूर मन्‍क्‍य, ङूने हम्‍ब चसे चूर क्‍यूक्‍क्‍य।

रोमी 14:20

चसेजे लागि परमेश्‍वरजे काम नाश अन्‍चील्‍लाची। तम्दम्ने यलो साप्‍ता सेने चोखो ख्यङ्, तर रङ्सेदे चब सेदे सूजो मीने बाधा पीनब ज्‍य दी।

रोमी 14:6

सूदे दिन त्‍याने सोरो केन् मन्‍दीय, ङूदे परमेश्‍वरने गेसेन् पीनजे लागिने मन्‍दीय। सूदे चीय, ङूदे परमेश्‍वरने गेसेन् पीनजे लागिने चीय, चेनेयलो ङूदे चसे च यली खूम् परमेश्‍वरने धन्‍यवाद पीन्‍क्‍क्‍य। सूदे अन्‍च, ङूदेये परमेश्‍वरने गेसेन् पीनजे लागिने अन्‍च मेस्‍ये परमेश्‍वरने धन्‍यवाद पीन्‍क्‍य।

१ कोरिन्थी 10:23

“साप्‍ता थोकने चेक्यूक्क्य”, तर साप्‍ता थोकदे भलो अन्‍ची। “साप्‍ता थोकने चेक्यूक्क्य”, यदेबे यीय तर साप्‍ता पोदे ङीनने सूधार चेब काम अन्‍ची।

१ कोरिन्थी 10:25

स्‍य सोङब नेने च सोङ्क्‍य हम्‍ब ज्‍य प्रे अन्‍ज्‍य छूर्‌ते ख्‍वब रङ्से बुद्धिजे लागि चैये ल्‍वे-स्‍य्‍वे अन्‍चील्‍लाबे च खूइय।

१ कोरिन्थी 10:26

चेनेयलो “पृथ्वी मेस्‍ये अम्‍ब पृथ्वीने ख्‍यब साप्‍ता थोकयू परमप्रभुजेने ख्यङ्।”

१ कोरिन्थी 10:30

कादेये धन्‍यवाद पीन्‍देबे चसे चेन ख्यङ्यलो, धन्‍यवाद पीन्‍देबे चब चसेजे लागि सूजो मीदे ङैने चैने दोष चे?

१ तिमोथी 4:3

थमयूदे ङ्येन् चे अन्क्‍यूर्, कोइ सेयू च अन्क्‍यूर् यदेबे मीयूने लोम्‍मे ख्यङ्। तर विश्‍वास चेबयू मेस्‍ये सत्य स्येबयूदे धन्‍यवाद पीन्‍देबे अम्‍ब चसेयू च क्‍यूक्‍क्‍य, चेनेयलो परमेश्‍वरदेने अम्‍ब साप्‍ता थोक‍ने बन्‍दीये ख्यङ्।