१ तिमोथी 1:2 - घले नयाँ करार

² विश्‍वासने ङैजे तम्दम् च तिमोथीने: प परमेश्‍वर मेस्ये ङीनजे ख्रीष्‍ट येशू प्रभुट्‍यादे अनुग्रह, कृपा मेस्ये शान्ति प्रेस्स्‍य।

१ तिमोथी 1:2 Iomraidhean Croise

रोमी 1:7

परमेश्‍वरदे छेब नम रोमजे मीयू क्‍वाने ङूजे पवित्र मीयू क्‍यूरने क्व ख्यङ्: ङीनजे प परमेश्‍वर मेस्‍ये प्रभू येशू ख्रीष्‍टदे नमयूने अनुग्रह मेस्‍ये शान्ति पीन्‍स्‍य।

गलाती 1:3

प-परमेश्‍वर मेस्‍ये ङीनजे प्रभु येशू ख्रीष्‍टदे नमयूने अनुग्रह मेस्‍ये शान्ति पीन्‍स्‍य।

१ थेसलोनिकी 3:2

मेस्‍ये नमयूजे विश्‍वास बूल्ल्‍यो चेने होर्‌दे अर्ती-बुद्धि पीनने, ङीदे तिमोथीने नमयूट्‌याने कूल्‍बीदे। ङू ङीनजे च्‍योन् होर्‌दे परमेश्वरने ख्रीष्‍टजे सूगब खबरजे सेवा चेब मी ख्यङ्।

१ तिमोथी 1:12

ख्रीष्‍ट येशू ङीनजे प्रभुने ङ धन्यवाद पीन्क्‍य, ङूदे ङैने आँट पीन्‍दे, चेनेयलो विश्‍वास चे ख्‍वब ठर्‌दीदे रङ्सेजे सेवाने ङैने चून्‍तीदे।

१ तिमोथी 1:18

च तिमोथी, ङ नने अम्‍ब आज्ञा पीन्‍न ख्यङ्, यी नैजे बारेने खूम् येयेब अगमवाणी अनुसार विश्‍वास प्रे ज्‍य विवेक येत्‍देबे न प्रभुजे लागि चेलाबे जीङ खूला ची।

१ तिमोथी 6:20

तिमोथी, नैजे जिम्माने चैसे पीने ख्‍य, हम्‍ब चेलाबे चीम्। परमेश्‍वर अम्मन्देब कन्‍थनयू मेस्ये बिरोध चेब पोयू ब लूच्‍च ज्ञान ख्यङ्। येर पो‍यू क्‍वाने क्‍यापी।

२ तिमोथी 1:2

ङैजे छेब च तिमोथीने: प परमेश्‍वर मेस्ये ङीनजे प्रभु येशू ख्रीष्‍टजे अनुग्रह, कृपा मेस्‍ये शान्‍ति क्‍यूस्स्‍य।

२ तिमोथी 2:1

येरेक्‍यूत्‍देबे, ङैजे च तिमोथी, ख्रीष्‍ट येशूने ख्यब अनुग्रहने बोल्‍यो क्‍यूरो।

तीतस 1:4

विश्‍वासने त्‍याप्र ख्‍यब ङैजे तम्दम्‍जे च तीतसने- प परमेश्‍वर मेस्ये ङीनने मुक्ति पीनब येशू ख्रीष्‍टजे अनुग्रह मेस्ये शान्ति।

तीतस 2:2

कम्‍बयू रङ्सेने काबूने येनब, गेसेन् प्रेब लायकजे, पो क्‍व, विश्‍वास ज्‍य चेब, प्रेम चेब मेस्‍ये मीसा ठ्वा क्यूत्देबे सैदे ख्‍व क्यूरब शिक्षा लोम्‍मी।

तीतस 3:15

ङैप्रे ख्‍यब क्‍वादेने नने नमस्‍कार येबे ख्यङ्। विश्‍वासने ङीनने प्रेम चेबयूने नमस्‍कार येमी। नमयू क्‍वाप्रेने परमेश्‍वरजे अनुग्रह क्यूस्स्य।

१ पत्रुस 1:2

येशू ख्रीष्‍टजे आज्ञा मन्‍देब मेस्‍ये ङूजे कादे शुद्ध क्‍यूरजे लागि पवित्र आत्‍मादे शुद्ध क्‍यूत्‍देबे परमेश्‍वर पदे रङ्सेजे इच्‍छा अनुसार रङ्से मी चेने सेलब मीयूने: अनुग्रह मेस्‍ये शान्ति बेस्से क्‍यूप्‍पीनूस्‍य।

२ यूहन्‍ना 1:3

प परमेश्‍वर, मेस्‍ये ङूजे च येशू ख्रीष्‍टदे पीनब अनुग्रह, कृपा मेस्‍ये शान्‍ति ङीनप्रे सत्य मेस्‍ये प्रेमने क्‍यूक्य।

३ यूहन्‍ना 1:4

ङैजे च-चीमीयू परमेश्‍वरजे सत्य लम्‍ने प्रेन ख्यङ् यब पो त-प्रेप्‍प अम्ब यली सूजो थेप् आनन्द क्यूरब पो ङैजे लागि सूजो चला क्‍यूर ख्व स्व?

यहूदा 1:2

परमेश्‍वरदे नमयूने सोरो कूम कृपा, शान्‍ति मेस्‍ये प्रेम चीन्‍नूस्‍य।