Luka 11:10 - Senoufo Supyire

¹⁰ Ɲaha kurugo yɛ shin maha shin u ɲyɛ na Kile ɲáare ke, Kile sí urufoo kan. Ŋgemu u ɲyɛ na ɲcaa ke, urufoo sí n-ta. Ŋgemu ká a bàrage kúuli ke, ku sí múgo urufol'á.

Luka 11:10 Iomraidhean Croise

Macwo 5:42

Wà ha mu ɲáare, urufoo kan. Wà ha mu cyeyaaga ɲáare si là pyi ná k'e si núru mpa ku kan mu á, ma hà ɲcyé mɛ.

Macwo 7:8

Yii li cè na shin maha shin u ɲyɛ na ɲáare ke, uru maha ntaa. Shin maha shin u ɲyɛ na ɲcaa ke, uru maha ɲaa. Shin maha shin ká bàrage kúu ke, ku sí múgo urufol'á.

Luka 11:11

Jofoo u ɲyɛ yii shwɔhɔl'e, ŋgemu u sí ɲɛɛ wwò kan u pyàŋ'á mà li ta fya u à ɲáare u á yɛ?

Luka 11:9

Mii sí yi jwo yii á, yii a Kile ɲáare, u sí yii kan, yii a ɲcaa, yii sí n‑ta, yii a bàrage kúuli, ku sí múgo yii á.

Luka 18:1

Ka Yesu si bàtaaga jwo u cyelempyiibil'á maa li cyêe pi na na pi à yaa pi kwôro Kileɲarege na tèrigii puni i, pi àha sàa le mɛ.

Yakuba 4:3

Yii mɛ́ɛ ká Kile ɲáare si yaage kà ta, u ɲyɛ na kuru kaan yii á mɛ, ɲaha na yɛ yii ɲyɛ na Kile ɲáare ná funɲcɛnŋi i mɛ. Yii maha u ɲáare yii yabilimpii ɲyii karigii nimpegigii kurugo.

Yakuba 5:11

Mpii pi à jà a cû piye na yyefuge e, maa ntɛ̀ɛn Kile kuni i ke, pire wuun'à ɲwɔ. Yii à yi lógo pyiŋkanni na Zhobu à cû uye na yyefuge e, ná nde Kafooŋi Kile à pyi u á yyefuge kàntugo ke. Sèeŋi na, Kafooŋi Kile maha ɲùɲaara taa sùpyire na sèe sèl'e.