Kapyiiŋkii 4:4 - Senoufo Supyire

⁴ Ŋka lire ná li wuuni mú i, mpii pi mpyi na Pyɛri ná Yuhana jwumpe núru ke, pire niɲyahamil'à dá Yesu na, ka lire si dánafeebii kuruŋke shiinbii pyi pi à kampwɔhii kaŋkuro (5.000) kwɔ̀.

Kapyiiŋkii 4:4 Iomraidhean Croise

Ziiŋi 49:10

*Saanre kàbiini sì n-fworo Zhuda pyɛnge e mɛ, ɲùŋufente kàbiini sí n-kwôro u tùluge cye e, *supyishiŋi sanŋi sí raa làampuŋi kaan u á, si ŋkúu u á.

Yuhana 12:24

Maa núr'a jwo: «Sèeŋi na mii sí n‑sìi yi jwo yii á, sùmabilini ká mpyi li ɲyɛ a jyè ɲìŋke e maa fwɔ́nhɔ mɛ, li maha ŋkwôro liye niŋkin, ŋka l'aha jyè ɲìŋke e maa fyîn a fworo, li maha yasɛrɛ niɲyahara pyi.

Kapyiiŋkii 2:41

Sùpyire t'à dá u jwumpe na ke, ka pire si batize. Mpii pi à bâra dánafeebii kuruŋke na kuru canŋke ke, pire mpyi a shiin kampwɔhii taanre (3.000) kwɔ̀.

Kapyiiŋkii 2:47

Pi mpyi maha Kile kêre, pi kyaa mpyi a táan sùpyire pun'á. Mpii Kafooŋi à shwɔ ke, u mpyi maha pire bârali pi kuruŋke na canŋa maha canŋa.

Kapyiiŋkii 28:24

Ka pìi si dá Poli jwumpe na, ŋka pìi ɲyɛ a dá pu na mɛ.