रोमियून 1:3 - सोरियाली नय्या नियम

³ यो सुसमाचार उक च्योलो हमार प्रभु यीशु मसीहाक बारिमें छै। उको जन्म एक इन्सानाक रूप में दाऊद राजा का वंश में भ्योछ।

रोमियून 1:3 Iomraidhean Croise

मत्ती 1:1

यो यीशु मसीहक पूर्वजून का नाम छन, उ राजा दाऊदाका वंशज छ्यो, जो अब्राहमो को वंशज छ्यो।

मत्ती 1:16

याकूब भटे यूसुफ पैद भ्योछ, जो मरियम को घरवालो छ्यो, और मरियम भटे यीशु पैद भ्योछ जो मसीह कहलूछो।

मत्ती 1:6

और यिशै भटे राजा दाऊद पैद भ्योछ। और राजा दाऊद भटे सुलैमान उ स्यैनि भटे पैद भ्योछ जो पैलि उरिय्याह की घरवाली छी।

मत्ती 12:23

यो देखिभेरन सब लोगून ताजुब हुछो, और कुन लागनान, कि “क्या यो आदिमी मसीहा हो सकछी जो दाऊद राजा को वंशज हो, जेको हम उनाको इन्तजार करूनमर्या।”

मत्ती 15:22

उ देश में एक कनान देश की स्यैनि आछ और धध्या-धध्याभेरन कुन लागछ्य, “हे प्रभु! दाऊद का सन्तान, मैंमें दया कर! मेरि चेलि स भुतले भौत सता रैछ।”

मत्ती 26:63

लेकिन यीशु चुप रियोछ। तब महायाजक ले उथैं क्योछ, “मैं तैंस जीवित परमेश्वर की कसम दी छूँ अगर तैं परमेश्वरो को च्योलो मसीहा छै त हमून बता दे।”

मत्ती 27:43

और कुंनान तैले परमेश्वर में भरोस राँखछ्य, अगर परमेश्वर यो है खुश छै, त येस बचाले, किलैकी तैं कुछै, कि मैं परमेश्वरो को च्योलो छूँ।”

मत्ती 3:17

और स्वर्ग भटे परमेश्वर ले यो क्योछ, “यो म्येरो लाड़िल च्योलो छै, जैस मैं प्रेम करछूँ और मैं यो भटे भौत खुश छूँ।”

मत्ती 9:27

जब यीशु वाँ भटे अघिल ग्यान, त द्वी अन्धा उनार पछिल यो चिल्ला भेरन कुन मरेछ्या “हे यीशु, राजा दाऊद की सन्तान, हमून में दया कर।”

लूका 1:35

स्वर्गदूत ले मरियम स जबाब दीछ, “तैंमें पवित्र आत्मा उतरोलो और परमप्रधान परमेश्वर की सामर्थ तैमें छाया करली; और तैंमें भटे जन्म लिनवालो बालक पवित्र होलो, और परमेश्वरोको च्योलो कहलालो।

लूका 1:69

और उले अपून सेवक दाऊदाका वंश में हमून खिन एक शक्तिशाली मुक्तिदाता स भेज छै।

यहूना 1:14

और बचन एक आदिमी बनछै; और अनुग्रह ले और सच्चाई भरिभेरन हमार बीच में डेरा करछ्य, और हमूले उकी इसी महिमा देखछ्य, जसीकैं पिता परमेश्वरा का तरफ भटे आईना का एकलौता च्याला की महिमा।

यहूना 1:34

और मैंले ऊस देख रैछ, और मैं तुमूनथैं सच्ची-सच्ची कुछूँ कि उई परमेश्वरो को च्योलो छै।”

यहूना 1:49

तब नतनएल ले ऊस जबाब दीछ, “हे गुरू तैं परमेश्वरो को च्योलो छै; तैं इस्राएल देशो को महाराजा छै।”

यहूना 10:30

मैं और पिता परमेश्वर एक्कै छा।”

यहूना 10:36

जब मैं कुछूँ, ‘मैं परमेश्वरो को च्योलो छूँ।’ त तुम मैंथैं क्याखिन कुँछा, ‘तैं निन्दा करछै।’ मैंई उई छूँ जैस पिता परमेश्वर ले अलग कर रैछ और मैंस संसार में भेज रैछ।

यहूना 20:28

यो सुणिभेरन थोमा ले जवाब दीछ, “हे म्यारा प्रभु, हे म्यारा परमेश्वर!”

यहूना 20:31

लेकिन यो येक कारण लिखी ग्यान, कि तुम विश्वास करा, कि यीशु ही परमेश्वरो को च्योलो मसीह छै, और विश्वास करभेरन उक नाम ले अनन्त जीवन पा।

यहूना 5:25

मैं तुमूनथैं सच्ची-सच्ची कुछूँ, उ बखत उछो, और ऐल छै, जैमें मरिनाका लोग परमेश्वरा का च्याला की मतलब मेरि आवाज सुणाला, और जो सुणाला उन हमेशा खिन ज्यून रौला।

यहूना 7:42

क्या पवित्रशास्त्र कुंछो कि मसीह राजा दाऊद का वंश भटे और बैतलहम गौं भटे आलो, जा राजा दाऊद रूछ्यो।”

प्रेरितून का काम 2:30

उ परमेश्वरो को संदेश देने वाला छ्यो, उ जाणछ्यो कि परमेश्वरे ले कसम खाभेरन उक दगाड़ वादा करछ्य, “मैं त्यारा वंश में भटे एक आदिमी स त्यारा राजगद्दी में बैठूलो।”

प्रेरितून का काम 3:13

हमोरो परमेश्वर जो कि अब्राहम और इसहाक और याकूबो को परमेश्वर छै, हमार पुरखान का परमेश्वर ले अपून सेवक यीशु मसीह की महिमा करछ्य, लेकिन तुमून ले ऊस मरवा डालून खिन रोमी अधिकारीन का हवाला कर दीछ, और जब पिलातुस ले ऊस छोड़ना को विचार करछ्य, तब तुमूले उक सामुनि यीशु को बिरोध करछ्य।

प्रेरितून का काम 8:36

उ बाटा में जानै-जान उन एक ताल का पास पुज्यान, तब मंत्री क्योछ, “याँ ताल में पानि छै, अब मैंस बपतिस्मा लीन में की रोक छै?”

प्रेरितून का काम 9:20

और उ तुरन्त दमिश्क शैहर यहूदीन का सभाघरून में जाभेरन यीशुक बारिमें यो प्रचार करून लागछ्य, कि यीशु ही परमेश्वरो को च्योलो छै।

रोमियून 1:9

परमेश्वर जिनरी सेवा मैं अपून पुर मन ले उनार च्यालाक बारिमें सुसमाचार लोगून सुणाभेरन करछूँ, उई मेरि गवाही छै, कि मैं तुमून अपूनी प्रार्थना में लगातार याद करछूँ।

रोमियून 4:1

अब हम यहूदी हुना का नाते अपून पुरखा अब्राहम का बारिमें कि कुंनू? उ कसकै धर्मी गिनी ग्यो?

रोमियून 9:3

क्याखिनकि मैं याँ तक चाछूँ, कि अपून यहूदी भाईन का उद्धार खिन जो म्यारा अपून जाति का लोग छन, परमेश्वर मैंस श्राप दे, और खुदै मसीह भटे अलग हो जूँ।

रोमियून 9:5

अब्राहम, इसहाक और याकूब उनार पुरखा छन, और जाँ तक उनोरो इंसानी स्वभाव को रिश्ता छै, त मसीह खुद एक इस्राएली छ्यो, और परमेश्वरे छै, जो सबून में राज्य करछो, उकी हमेशा खिन तारीफ हुनी रौ। आमीन।

1 कुरिन्थियून 1:9

परमेश्वर इसो करोलो, क्याखिनकि उ जो कुंछो ऊस उ करून में विश्वायोग्य छै, और उले तुमून अपून च्याला, हमार प्रभु यीशु मसीह का दगाड़ एक संगति में बुला रैछ।

1 कुरिन्थियून 10:18

जरा इस्राएल का लोगून का बारिमें सोचा, जब सबै लोग परमेश्वरा का चढ़ाई जानवाला खाना स खानान त परमेश्वरै की पूजा में भाग लीनू। इसीकैं जो लोग मूर्तिन को चढ़ाई जानवाला खाना स खानान उले उन मूर्तिन की पूजा में भाग लीनान।

गलातियों 4:4

लेकिन जब सही बखत आछ जैकी योजना परमेश्वर ले बनाईना छी, त परमेश्वर ले खुद अपून च्याला का यो संसार में भेजछ्य, और उले आदिमी रूप में जन्म लीछ। उ एक यहूदी परिवार में पैद भ्योछ और मूसा का नियम-कानून का पालन करछ्यो।

1 थिस्सलुनीकियों 1:10

और तुम स्वर्ग भटे परमेश्वरा का च्याला स वापस उनाकी उमीद करून मरेछा, जैस परमेश्वर ले मुर्दान में भटे ज्यून करछ्य, मतलब यीशु मसीह स, जो हमून परमेश्वरा का उनवाला क्रोध है बचूछो।

1 तीमुथियुस 2:5

केवल एक्कै परमेश्वर छै, और जो परमेश्वर और लोगून का बीच में मेल-मिलाप करा सकछो केवल एक्कै आदिमी छै, उ प्रभु यीशु मसीह छै।

1 तीमुथियुस 3:16

और येमें कोई शक नाहातिन की जो शिक्षा परमेश्वर दी राख्यान उन पुर तरीका ले सही छन, मतलब मसीह आदिमी का रूप में प्रगट भ्योछ, यो उक बारिमें पवित्र आत्मा का द्वारा साबित भ्योछ कि उ परमेश्वरो को च्योलो छै, स्वर्गदूतून ले ऊस देखछ्य, और प्रेरितून ले उक बारिमें सुसमाचार सब जातिन में सुणाछ, और संसारा का सब जातिका लोगून ले उमें विशवास करछ्य, और परमेश्वर ले ऊस स्वर्ग में उठा लीछ।

2 तीमुथियुस 2:8

हमेशा याद राख कि यीशु मसीह को छै, उ राजा दाऊद को वंशज छै, परमेश्वर ले ऊस मरिनान में भटे ज्यून करछ्य, और यो उई सुसमाचार छै जो मैं लोगून का बीच में प्रचार करछूँ।

1 यहूना 1:3

जो कुछ हमूले यीशुक बारिमें देखछ्य और सुणछ्य उकी सुसमाचार तुमूनले दीनू, येक कारण तुम ले हमार दगाड़ संगति राँखा; और हमोरो यो दगोड़ो पिता परमेश्वरा का दगाड़ और उक च्योलो यीशु मसीहक दगाड़ छै।

1 यहूना 3:23

और परमेश्वरा का हुकुम यो छै कि हम उक च्योलो यीशु मसीहक नाम में विश्वास करा, और जसो उले हमून हुकुम दी रैछ, उक अनुसार आपस में प्रेम राखा।

1 यहूना 3:8

जो कोई लगातार पाप करछो, उ शैतान का तरफ भटे छै, क्याखिनकि शैतान शुरू भटे पाप करनै आर्योछ; परमेश्वरो को च्योलो येक कारण आछ, कि शैताना का कामून नाश करो।

1 यहूना 4:15

जो कोई यो मान लीछो, कि यीशु ही परमेश्वरो को च्योलो छै परमेश्वर उमें बनिना रूछो, और उ परमेश्वर में बनिना को रूछो।

1 यहूना 5:1

जो आदिमी स यो विश्वास छै कि यीशु ही मसीह छै उ परमेश्वर सन्तान छै; और जो कोई पिता परमेश्वर स प्रेम करछो, त उ दुसारा ले प्रेम करछो, जो उकी सन्तान छै।

1 यहूना 5:20

और यो ले जाणनू, कि परमेश्वरो को च्योलो यीशु मसीह आग्योछ, और उले हमून समझ ले दी रैछ, कि हम उ सच्चा परमेश्वर स पछयाणा, हम सच्चा परमेश्वरा का दगाड़ करीबी रिशता में छा क्याखिनकि उक च्योलो यीशु मसीह का दगाड़ हमोरो करीबी रिशता छै। सच्चो परमेश्वर और अनन्त जीवन योई छै।

1 यहूना 5:5

संसार में जीत पानवालो को छै? केवल उ जेको यो विश्वास छै कि यीशु ही परमेश्वरो को च्योलो छै।

2 यहूना 1:7

मैं यो येक कारण कुनमर्यू क्याखिनकि भौत सारा झूठ्ठी शिक्षा दिनवाला लोग यो संसार में आ ग्यान, और उन कुंनान यीशु मसीह यो संसार में आदिमी शरीर में नै आयो। हो भेरन आछ, अगर कोई आदिमी इसो कुंछो, उ मसीह विरोधी छै जो लोगून हमेशा ध्वाका दीछो।

प्रकाशितवाक्य 2:18

थुआतीरा शैहर की विश्वासीन की मण्डली स स्वर्गदूत स यो लिख: मैं, परमेश्वरोको च्योलो, तुमूनथैं यो बात कुनमर्यू, जैका आँख आगा की लपटून की नियाती और खुटा पीतल की नियाती चमकून मर्यान जो तेज गर्म आगा में चमकछो। मैं जो कुनमर्यू ऊस सुणा: