प्रकाशितवाक्य 9:4 - सोरियाली नय्या नियम

^4-5 जसीकैं कैसै बिच्छू का डंक मारना ले दर्द हुछो, उसीकैं इन टिड्डिन पाँच मैना तक उन लोगून तड़पूना को हुकुम दीई ग्योछ, जिनारा कपाल में परमेश्वरै की मुहरो को निशान नी छ्यो। लेकिन उनूनथैं कयी ग्योछ कि नै त उनून धरती की घास स, नै कोई रूखून-डालान नुकशान पुजाया।

प्रकाशितवाक्य 9:4 Iomraidhean Croise

मत्ती 24:24

क्याखिनकि झूठ्ठा मसीहा और परमेश्वरो को संदेश दिनवाला झूठ्ठा लोग आला, और उन चिन और चमत्कार दिखाला, और अगर है सको त परमेश्वरा का चुनिना का लोगून भरमा द्याला

इफिसियून 4:30

अपून कामून का द्वारा परमेश्वरा का पवित्र आत्मा स दुखी जन करा, जो तुमार छुटकारा खिन बयाना का रूप में दीईना को छै।

प्रकाशितवाक्य 14:1

येक बाद, मैंले कुछ और देखछ्य, मैंले सिय्योन पहाड़ में मेम्ना स ठाड़ होईना को देखछ्य, और उक दगाड़ एक लाख चौवालीस हजार लोग छ्या, उनार कपाल में मेम्ना को नाम और उक बबा को नाम लिखीना को छ्यो।

प्रकाशितवाक्य 6:6

मैंले सुणछ्य कि उन चार ज्यून प्राणिन का बीच भटे कोई बोलून मर्यो छ्यो जो एक आदिमी का नियाती छ्यो, “ऊँन वाला बखत में धरती में अकाल होलो और येक कारण एक दिन की मजूरी केवल एक किलो ग्यूँ और तीन किलो जौ मोल खिन काफी होलि। लेकिन तेल और अंगूर को रस की कमी नै होलि।”

प्रकाशितवाक्य 7:1

येका बाद, मैंले चार स्वर्गदूतून संसाराक चारू कुंनान में ठाड़ देखछ्य। उन स्वर्गदूतून संसारे स बिपत्तिन ले नुकशान पुजूनाको परमेश्वरा का तरफ भटे अधिकार मिलीना को छ्यो, चाहे समुन्द्र में हो या धरती में। उनून संसारा का चारू कुंनान में हवा स रोक दीछ, ताकि समुन्द्र में, और धरती में और जंगला का रूखून में हवा नै चलो। मैंले एक और स्वर्गदूत स पूरब दिशा में भटे प्रकट हुन देखछ्य। उक पास जीवित परमेश्वरै की मुहर छी। उ स्वर्गदूत ले उन चार स्वर्गदूतून जोरले धध्याभेरन क्योछ,

प्रकाशितवाक्य 8:7

पैल स्वर्गदूत ले पैलि तुरी बजाछ, त तुरन्त खून में मिलीना का भौत मारो पड़छ्य और आगो धरती में पड़छ्य। येक कारण धरती को एक तिहाई हिस्सा जल ग्यो, और रूखून को एक तिहाई जल ग्या, और सब हरिया घास ले जल गै।