प्रकाशितवाक्य 8:7 - सोरियाली नय्या नियम

⁷ पैल स्वर्गदूत ले पैलि तुरी बजाछ, त तुरन्त खून में मिलीना का भौत मारो पड़छ्य और आगो धरती में पड़छ्य। येक कारण धरती को एक तिहाई हिस्सा जल ग्यो, और रूखून को एक तिहाई जल ग्या, और सब हरिया घास ले जल गै।

प्रकाशितवाक्य 8:7 Iomraidhean Croise

याकूब 1:11

जब सूरजक निकलून तक तेज घाम पड़छो और घास स सुखा दीछी, और फूल पत्ता झड़ जानान, और उकी खुबशुरती खतम हो जाछी। इसीकैं एक अमीर आदिमी ले अपून जीवनाक कामून में ब्यस्त रूनाक कारण मर जालो।

1 पतरस 1:24

पवित्रशास्त्र यो कुंछो, “सब लोग घास का नियाती छन और उनेरि सब खुबशुरती जंगली फुलून की नियाती छन। घास सुख जालो और फूल भिमें झड़ जाला।

प्रकाशितवाक्य 12:4

उले आकाश का एक तिहाई तारान अपून पूछड़ा ले खींचभेरन धरती में खित दीयान। और उ अजगर उ गर्भवती स्यैनि का सामुनि ठाड़ हो ग्यो ताकि उक नन्तिनो हुनै ऊस खा जौ।

प्रकाशितवाक्य 16:2

येक कारण पैल स्वर्गदूत ले, जो कुछ ले उ कटोर में छ्यो ऊस धरती में खड़िया दीछ। येको नतीजा यो भ्योछ कि उन लोगून में भयानक और पिड़ान वाला फोड़ा निकल्यान, जिनूनमें पैलि जानवर की छाप लगाईना छी और जिनूनले उकी मूर्ति की पूजा करिना की छी।

प्रकाशितवाक्य 16:21

ठूला-ठूला ओंला आकाश भटे लोगून में पड़ीयान, जैको हरेक ओंला को वजन लगभग पचास किलो छ्यो। येक कारण कि यो बिपत्ति भौत भारी छी, लोगून ले ओंलान की बिपत्ति का कारण परमेश्वरै की बुराई करछ्य।

प्रकाशितवाक्य 6:8

तब मैंले वाँ एक फीको पड़ीनाको हरिया रंगो को घोड़ो दिखाई दीछ; जो उमें बैठिनाको छ्यो, उको नाम मौत छ्यो, अधलोक उक पछिल-पछिल ऊँन मर्यो छ्यो, ऊस धरती में रूनवाला हरेक चौथाई लोगून मारना को अधिकार दीछ और उले उनून जैस तलवार ले, अकाल, महामारी और धरतीका जानवरून है ले मार डालून।

प्रकाशितवाक्य 7:1

येका बाद, मैंले चार स्वर्गदूतून संसाराक चारू कुंनान में ठाड़ देखछ्य। उन स्वर्गदूतून संसारे स बिपत्तिन ले नुकशान पुजूनाको परमेश्वरा का तरफ भटे अधिकार मिलीना को छ्यो, चाहे समुन्द्र में हो या धरती में। उनून संसारा का चारू कुंनान में हवा स रोक दीछ, ताकि समुन्द्र में, और धरती में और जंगला का रूखून में हवा नै चलो। मैंले एक और स्वर्गदूत स पूरब दिशा में भटे प्रकट हुन देखछ्य। उक पास जीवित परमेश्वरै की मुहर छी। उ स्वर्गदूत ले उन चार स्वर्गदूतून जोरले धध्याभेरन क्योछ,

प्रकाशितवाक्य 9:15

येक कारण तब उन चारू दुष्ट दूतून खोल दी ग्यान। उन पैलिक भटे तैय्यार छ्या और उनूनथैं कयीना को छ्यो कि यो बखत, यो दिन, यो मैना और यो साल खिन इन्तजार करा और अब यो बखत आग्योछ। उनून संसारा का एक तिहाई हिस्सा लोगून मारून छ्यो।

प्रकाशितवाक्य 9:18

इन तीनू बिपत्तिन ले जो घोड़ान का मुँख भटे निकलछ्य आगो, और धुआँ और गन्धक छ्यो, त संसारा का एक तिहाई लोग मार डाली ग्या।

प्रकाशितवाक्य 9:4

जसीकैं कैसै बिच्छू का डंक मारना ले दर्द हुछो, उसीकैं इन टिड्डिन पाँच मैना तक उन लोगून तड़पूना को हुकुम दीई ग्योछ, जिनारा कपाल में परमेश्वरै की मुहरो को निशान नी छ्यो। लेकिन उनूनथैं कयी ग्योछ कि नै त उनून धरती की घास स, नै कोई रूखून-डालान नुकशान पुजाया।