प्रकाशितवाक्य 8:2 - सोरियाली नय्या नियम

² और मैंले उन सात स्वर्गदूतून जो परमेश्वरा का सामुनि ठाड़ रूनान, देखछ्य, और उनून सात तुरी दीई ग्यान।

प्रकाशितवाक्य 8:2 Iomraidhean Croise

मत्ती 18:10

देखा, तुम इन नान है-नान स कैसे ले तुच्छ जन समझया; क्याखिनकि मैं तुमूनथैं कुंछू कि स्वर्ग में उक स्वर्गदूत हमेशा म्यारा पिता का सामुनि ठाड़ रूनान।

मत्ती 24:31

और तब मैं आदिमी को च्योलो तुरी का तेज आवाज का दगाड़ अपून स्वर्गदूतून भेजोलो, और उन आकाशा का चारो दिशाउन में भटे परमेश्वरा का चुनिना का लोग जाम कराला।

लूका 1:19

स्वर्गदूत ले ऊस जबाब दीछ, “मैं जिब्राईल स्वर्गदूत छूँ, जो परमेश्वरा का सामुनि ठाड़ रूछूँ। और परमेश्वर ले मैंस तैथैं बात करून खिन और तैंस यो सुसमाचार दिन खिन भेज रैछ।

लूका 21:36

येक कारण जागनै रौ और हर बखत प्रार्थना करनै रौ कि तुम इन सब ऊँन वाला संकटून है बचिना का रौ, और मैं आदिमी का च्याला का सामुनि ठाड़ हुना का योग्य बना।”

1 कुरिन्थियून 15:52

यो अचानक होलो, इतुक जल्दी ले जतुक देर कोई अपूनो आँख की पलक झपकून में करछो। जब आखरी तुरी बजाई जालि, त जो लोग मर चुक ग्यान उन हमेशा खिन जीवन जीन खिन दुबारा ज्यून करि जाला और हम जो ज्यूना छा, हमार शरीर बदल जाला।

1 थिस्सलुनीकियों 4:16

क्याखिनकि प्रभु यीशु खुद स्वर्ग भटे तलि उतरोलो; उ बखत जोरले आवाज दीभेरन हुकुम द्योलो और एक प्रधान स्वर्गदूत जोरले आवाज दीभेरन बोलोलो और परमेश्वर की तुरी फूँकी जालि; और उ बखत जो मसीह में विश्वास करभेरन मर ग्यान उन पैलि ज्यून होला।

प्रकाशितवाक्य 1:4

मैं, यहूना, यो चिठ्ठी उन सातों विश्वासीन की मण्डलीन खिन लिखून मरैयू जो आसिया प्रदेश में छन। मैं प्रार्थना करछूँ कि तुमून परमेश्वरै की तरफ भटे अनुग्रह और शान्ति मिलो, और उ उई परमेश्वर छै जो छै जो हमेशा छ्यो और जो ऊँनवालो छै। और उन सात आत्मान का तरफ भटे, जो परमेश्वरा का सिंहासन का सामुनि छन।

प्रकाशितवाक्य 11:15

जब सतू स्वर्गदूत ले सतू तुरी बजाछ, त मैंले स्वर्ग में जोरले धध्यून सुणछ्य, संसारो में अब और कोई नाहातिन जो राज करो। केवल हमोरो प्रभु परमेश्वर और उको चुनिना को मसीह राज्य करोलो और उ हमेशा-हमेशा खिन राज्य करोलो।

प्रकाशितवाक्य 15:1

येक बाद फिर मैंले स्वर्ग में एक और अलग चिन देखछ्य जो कि भौत अद्धभुत और भौत डरूनो वालो छ्यो। वाँ सात स्वर्गदूत छ्या जो सात अलग-अलग तरीका का बिपत्ति लीईना का छ्या। उन आखिरी बिपत्ति छन, क्याखिनकि जब उन खत्म हो ज्याला तब परमेश्वरोको गुस्सा खत्म हो जालो।

प्रकाशितवाक्य 16:1

उक बाद फिर मैंले मन्दिर में भटे एक तेज आवाज में उन सात स्वर्गदूतून थैं यो कुन सुणछ्य, “जा, संसारा का लोगून में परमेश्वरा का तरफ भटे दण्ड स खड़िया दी जो उन सात कटोरान में छै।”

प्रकाशितवाक्य 8:13

जब मैंले फिर देखछ्य, त मैंले एक बाज स आकाश में ऊँचा में उड़ून और जोरले यो कुंन सुणछ्य, उन दुष्ट लोगून में बिपत्ति आलि जो धरती में रूनान, किलैकी जब आखरी तीन स्वर्गदूतून ले तुरी बजाला, तब तीन बिपत्ति बाकि छन जो उनून मारली, धरती में रूनवालान में हाय, हाय, हाय।

प्रकाशितवाक्य 8:6

और उन सात स्वर्गदूत जिनारा पास सात तुरी छ्या, उनून बजून खिन तैय्यार भ्यान।

प्रकाशितवाक्य 9:1

जब पाँचवा स्वर्गदूत ले पचूँ तुरी बजाछ, त मैंले स्वर्ग भटे धरती में एक तारो खितीन देखछ्य, त यो तारा स उ चाँबी दीई गैछ जो उ गैरा गड्डा खोल सकछी जैको गैराईक के अन्त नाहातिन।