प्रकाशितवाक्य 7:9 - सोरियाली नय्या नियम

⁹ येका बाद मैंले देखछ्य कि लोगून की एक इतुक ठूली भीड़ छी कि कोई ले उनून नी गिन सकछ्यो। उन संसारै की हर जाति भटे, हर कुल में भटे, हर राज्य में भटे और भाषा का लोग छ्या। उन सिंहासन और मेम्‍ना का सामुनि ठाड़ छ्या। उनूनले सफेद कपाड़ा पैनिना का छ्या और हरेक आदिमी ले अपून-अपून हात में खजूरा हांगा पकड़िनाक छ्या जो कि एक उनार सम्मान को चिन छ्यो।

प्रकाशितवाक्य 7:9 Iomraidhean Croise

लूका 12:1

इदुक में जब हजारून की भीड़ लाग जाछी, या तक की उन एक दुसारा में खितीन मसनान, तैं यीशु ले सबून है पैलि अपून शिष्यून थैं क्योछ, फरीसी लोगून का कपट फैलून वाला खमीर भटे सर्तक रया,

लूका 21:36

येक कारण जागनै रौ और हर बखत प्रार्थना करनै रौ कि तुम इन सब ऊँन वाला संकटून है बचिना का रौ, और मैं आदिमी का च्याला का सामुनि ठाड़ हुना का योग्य बना।”

यहूना 12:13

तब लोगून ले खजूरा का हांगा लियान, और उक स्वागत करून खिन और ऊस मिलून खिन निकल्यान और जोर चिल्ला-चिल्ला भेरन कुन लाग्यान, “होशाना; धन्य छै, इस्राएल देशो को राजा उ जो परमेश्वरा का नाम ले उछो।”

रोमियून 11:25

हे म्यारा विश्वासी भाईयों, मैं नै चांनू की तुम यो भेद भटे अनजान रौ, इसो नै हो की तुम अपून मलि में घमंड करून लागा, यो सच्ची छै की इस्राएला का लोग विश्वास करून खिन तैय्यार नाहातिन, लेकिन जब परमेश्वर में विश्वास करूनवाला गैर-यहूदी लोगून की संख्या पुर है जालि, त इस्राएला का लोग विश्वास कराला और परमेश्वरा का पास वापस आ जाला।

इब्रानियों 11:12

जब अब्राहम भौत बूढ़ो हो गैछ्यो कि उ मौत का करीब छ्यो, फिरले आकाश का तारा और समुन्द्राक रेताक नियाती, अनगिनत वंश पैद भ्यान।

इब्रानियों 12:22

तुम सिय्योन पहाड़ा का पास आईना का छा, जो स्वर्गीय यरूशलम शैहर छै, और जीवित परमेश्वरो को शैहर छै, जाँ लाखू स्वर्गदूत खुशी को पर्व मनूनान।

प्रकाशितवाक्य 11:15

जब सतू स्वर्गदूत ले सतू तुरी बजाछ, त मैंले स्वर्ग में जोरले धध्यून सुणछ्य, संसारो में अब और कोई नाहातिन जो राज करो। केवल हमोरो प्रभु परमेश्वर और उको चुनिना को मसीह राज्य करोलो और उ हमेशा-हमेशा खिन राज्य करोलो।

प्रकाशितवाक्य 22:3

कोई ले जो परमेश्वरा का श्राप का अधीन में छै उ शैहर में नी होलो, लेकिन परमेश्वर और मेम्ना को सिंहासन उ शैहर में होला, और परमेश्वरा का सेवक उकी सेवा कराला।

प्रकाशितवाक्य 3:18

येक कारण ले, मैं तैंस आग ले शुद्ध करिना को सुना स मैंथै मोल लीना की सलाह दीछूँ ताकि तै सच्ची में धनवान बन सके। तैंस अपून पैनून खिन सफेद कपाड़ा मैंथै मोल लीन चैंछो ताकि तै लोगून का द्वारा तैंस नंगो देखना की शर्मिदगी भटे बच सके। तैंस अपून आँखान में डालून खिन थ्वाड़ा सुरमा ले मैंथै मोल लीन चैछो, ताकि तै देख सके।

प्रकाशितवाक्य 4:4

उ सिंहासन का चारू तरफ चौबीस और सिंहासन छन। और इन सिंहासनून में चौबीस प्राचीन सफैद कपाड़ा पैन भेरन बैठिना का छन, और उनार ख्वारान में सुनाक मुकुट छन।

प्रकाशितवाक्य 5:11

जब मैंले फिर भटे देखछ्य, त अचानक मैंले लाखू और करोणू स्वर्गदूतून की आवाज सुणछ्य, उनेरि गिनती नै की जा सकनी। उन राजा का उ सिंहासन का, उन चार ज्यून प्राणिन का और उन चौबीस प्राचीनून का चारों-ओर छ्या।

प्रकाशितवाक्य 5:9

उन यो गीत मेम्ना मतलब यीशु मसीह का बारिमें गान मरेछ्या, “यो किताब की मोहर तोड़ून और यैस खोलना को अधिकार त्यारा पास छै। किलैकी तैंस मार डाली ग्योछ और तैंले अपून खून ले हर गोत्र, भाषा, लोग और राज्य है परमेश्वर खिन लोगून मोल लीछ।”

प्रकाशितवाक्य 6:11

उनूनमें भटे हरेक स एक सफेद कपाड़ा दीई ग्यो। और परमेश्वरेले उनूनथैं क्योछ, “एल आराम करा, किलैकी आजि ले तुमार कुछ दगड़िया और तुमार विश्वासी भाई छन जिनून तुमार नियाती मार डाली जालो। जब मारी जानवालान की संख्या पुरी हो जालि, तभै मैं बदला ल्यूलो।”

प्रकाशितवाक्य 7:8

जबूलून कुल में भटे बारा हजार लोगून में मुहर लगाछ, यूसुफ कुल में भटे बारा हजार लोगून में मुहर लगाछ, और बिन्यामीन कुल में भटे बारा हजार लोगून में मुहर लगा दी गै।