प्रकाशितवाक्य 7:4 - सोरियाली नय्या नियम

⁴ जब स्वर्गदूतून ले मुहर लगूनो पुर कर लीछ, त केले मैंस बताछ कि उन लोग जिनारा कपाल में स्वर्गदूतून ले परमेश्वरै की मुहर ले निशान लगाछ, उनेरि संख्या एक लाख चौवालीस हजार छी। यो लोग इस्राएल का सब बारा कुलून में भटे छ्या।

प्रकाशितवाक्य 7:4 Iomraidhean Croise

मत्ती 19:28

फिर यीशु ले उनूनथैं क्योछ, “मैं तुमूनथैं सच्ची कुछूँ कि तुम जो म्यारा बातुन मानछा, उ बखत जब सब कुछ नय्या हो जालो और मैं आदिमी को च्योलो अपून महिमामय सिंहासन में बैठोलो त तुम ले बार सिंहासनून में बैठभेरन इस्राएल देशा का बार गोत्रून को न्याय करला।

लूका 14:22

दासले फिर क्योछ, हे मालिक, जस तुमूले कै राखछ्यो, ऊसोई करि ग्योछ; और फिरले जाग बच रैछ।

लूका 22:30

ताकि तुम म्यारा राज्य में मेरि दावत में बैठभेरन म्यारा दगाड़ संगति करा, और सिंहासन में बैठभेरन इस्राएल लोगून को बारा गोत्रून को न्याय करला।”

प्रेरितून का काम 26:7

उई वादाक पुर हुना की आश में, हमार बारा कुल अपून पुर मनले दिन-रात परमेश्वरै की सेवा करनै र्यान, हे राजा, म्यारा योई वादाक कारण आज, यो यहूदी मैं-में दोष लगून मर्यान।”

रोमियून 9:27

और परमेश्वरो को संदेश दिनवालो यशायाह इस्राएल देशा का लोगून का बारिमें धध्याभेरन कुंछो, “चाहे इस्राएल लोगून संख्या समुदर रेत का नियाती भौत हो, तब ले उनून भटे थ्वाड़ा बचाला।

याकूब 1:1

मैं याकूब, यो चिठ्ठी लिखूनमरयूँ, जो परमेश्वर और प्रभु यीशु मसीह को सेवक छूँ। मैं यो चिठ्ठी इस्राएली लोगून जो बार गोत्ररून में भटे छन उनून लिखूनमरयूँ, जो पुर संसार में तितर-बितर होभेरन रूनान उनून मेरो नमस्कार।

प्रकाशितवाक्य 14:1

येक बाद, मैंले कुछ और देखछ्य, मैंले सिय्योन पहाड़ में मेम्ना स ठाड़ होईना को देखछ्य, और उक दगाड़ एक लाख चौवालीस हजार लोग छ्या, उनार कपाल में मेम्ना को नाम और उक बबा को नाम लिखीना को छ्यो।

प्रकाशितवाक्य 14:3

एक लाख चौवालीस हजार (144,0000) लोग सिंहासना और चारू प्राणी और प्रचीनून का सामुनि ठाड़ छ्या; उन एक नय्या गीत गान मरेछ्या, जैस सिर्फ उनी सिख सकछ्या। सिर्फ उनी छन जिनून परमेश्वर ले संसार में रूनवाला लोगून का बीच में भटे छुड़ाईना को छ्यो।

प्रकाशितवाक्य 7:5

स्वर्गदूतून ले यहूदा का कुल में भटे बारा हजार लोगून में मुहर लगाछ, रूबेन क कुल में भटे बारा हजार लोगून में मुहर लगाछ, गाद के कुल में भटे बारा हजार लोगून में मुहर लगाछ,

प्रकाशितवाक्य 9:16

उनूनले वाँ घुड़ान में सवार सिपाईन की एक भौत ठूली सेना जमा भैछ, जिनेरी गिनती मैंले बीस करोड़ सुणछ्य।