प्रकाशितवाक्य 7:10 - सोरियाली नय्या नियम

¹⁰ और यो भीड़ जोर-जोरले बोलभेरन कुंन मरैछी, “आ हम अपून परमेश्वरै की स्तुति करा, जो सिंहासन में विराजमान छै और आ हम उकी ले स्तुति करा, जैस मेम्ना कयी जाछो किलैकी उनी छन जिनूनले हमून हमार पापून का न्याय भटे बचाईना को छै।”

प्रकाशितवाक्य 7:10 Iomraidhean Croise

लूका 3:6

और सब लोग मुक्तिदाता को दर्शन करला, जैस परमेश्वरा का तरफ भटे मुक्ति दीन खिन भेजि रैछ।

यहूना 1:29

दुसारा दिना यहूना ले यीशुस अपून तरफ ऊँन देखिभेरन क्योछ, “देखा यो परमेश्वरो को मेम्ना छै, जो संसारा का पापून उठा लिजाछो।

यहूना 1:36

तब यहूना ले यीशु वाँ भटे जान देखिभरेन क्योछ, “देखा, यो परमेश्वरो को मेम्ना छै।”

यहूना 4:22

तुम सामरी लोग नै जाणना, उको अराधना करछा; और हम यहूदी लोग जैस जाणनू उको अराधना करनू; क्याखिनकि लोगून को उद्धार करून वालो यहूदीन में भटे आलो।

इफिसियून 2:8

क्याखिनकि जब तुमूनले विश्वास करछ्य त परमेश्वरले अपून अनुग्रह ले तुमोरो उद्धार करछ्य, और यो तुमेरि तरफ भटे नाहातिन, बल्कि परमेश्वरो को दान छै।

प्रकाशितवाक्य 12:10

फिर मैंले स्वर्ग भटे कैसे जोरले यो कुंन सुणछ्य, “अब हमोरो परमेश्वर अपून लोगून बचाल! और अब उ अपूनी सामर्थ को इस्तमाल करोलो और राजा की नियाती राज्य करोलो! अब उनोरो मसीह संसार में अपूनो अधिकारो को दावा करोलो! अब शैतान हमार परमेश्वरा का सामुनि ठाड़ हो भेरन हमार दगाड़ का भाईन में दिन-रात दोष नी लगालो। क्याखिनकि ऊस स्वर्ग भटे भ्यार खित दी हैछ।”

प्रकाशितवाक्य 19:1

जब उ शक्तिशाली स्वर्गदूत ले बोलून बन्द करछ्य, तब मैंले सुणछ्य, उ इसो जसो छ्यो जसकैं स्वर्ग में भौत लोग गीत गान मर्यान हुन! हालेलूय्याह “अब हमोरो परमेश्वर अपूनी महिमा और सामर्थ को इस्तमाल करभेरन अपून लोगून बचालो।”

प्रकाशितवाक्य 21:5

तब सिंहासन में बैठिना का आदिमी ले क्योछ, “देखा, मैं सब कुछ नय्या करून मर्यू।” फिर उले मैंथैं क्योछ, “इन बातुन लिख लै, क्याखिनकि जो मैं कुछूँ तैं उमें विश्वास कर सकछै, यो बात जरूर पुरी होलि।”

प्रकाशितवाक्य 22:3

कोई ले जो परमेश्वरा का श्राप का अधीन में छै उ शैहर में नी होलो, लेकिन परमेश्वर और मेम्ना को सिंहासन उ शैहर में होला, और परमेश्वरा का सेवक उकी सेवा कराला।

प्रकाशितवाक्य 4:6

उ सिंहासना का सामुनि एक फर्श छ्यो जो समुन्द्रो को जसो चौड़ो और काँच जसो साफ छयो। और उ ठूलो सिंहासन उन सबून का बिल्कुल बीच में छ्यो, और उक चारू तरफ मैंले चार प्राणी देख्यान, जिनारा आंग पुर तरीका ले आँखान ले ढकीना का छ्या।

प्रकाशितवाक्य 5:7

मेम्ना ले अघिल आभेरन जो सिंहासन में बैठिनाको छ्यो, उक दैंन हात भटे, उ किताब स ली लीछ।