प्रकाशितवाक्य 6:4 - सोरियाली नय्या नियम

⁴ और फिर एक और चमकदार लाल घोड़ो उ जाग भटे भ्यार आछ जाँ सिंहासन छ्यो। परमेश्वरे ले उक सवार स धरती में शान्ति उठूना को हुकुम दीछ, ताकि उन युद्ध में एक दुसरा स मार डालून। यो उद्देश्य खिन परमेश्वरे ले यो सवार स एक ठूली तलवार ले दीछ।

प्रकाशितवाक्य 6:4 Iomraidhean Croise

मत्ती 10:34

यो जन सोचा कि मैं धरती में लोगून का बीच में मेल-मिलाप करून खिन आरयूँ। मैं लोगून का बीच में मेल-मिलाप करून खिन नै बल्कि लड़ाई करून खिन आरयूँ।

मत्ती 24:6

और जब तुम लड़ै-झगड़ान की खबर सुणला, तब तुम डरिया जन, क्याखिनकि पैलि इसो हुन जरूरी छै, लेकिन उ बखत दुनिया का अन्त नी होलो।

यहूना 19:11

यीशु ले जवाब दीछ, अगर तैंस परमेश्वरा का तरफ भटे नी दिईजानो, त तेरो मैंमें के अधिकार नै हुनो; येक कारण जेलै मैंस त्यार हवाला करछ्य, उको पाप ज्यादा छै।

प्रकाशितवाक्य 12:3

एक आजि चिन आकाश में दिखाई दीछ; एक लाल रंगोको ठूलो अजगर छ्यो, उक सात ख्वारा छ्या और दस सींग छ्या, और उक सातू ख्वारान में सात मुकुट छ्या।

प्रकाशितवाक्य 13:10

जिन लोगून को कैद में जानो तय छै, उन जरूर कैद में डाली जाला, और जिन लोगून तलवार ले मारी जान छै, उनून तलवारे ले मारी जालो। येक कारण परमेश्वरा का लोगून को दुख सहन में धैर्य राखून चैछो और उमें विश्वास करून जारी राखून चैछो।

प्रकाशितवाक्य 17:3

तब पवित्र आत्मा की मद्दत ले, स्वर्गदूत मैंस बिरान जागा खिन ली ग्योछ, मैंले वाँ एक स्यैनि स देखछै जो लाल रंगा का जानवर में बैठिनाको छी। उक सात ख्वारा और दस सींग छ्या। उको आंग उन नामेंले ढ़किनाक छ्या जो परमेश्वरो को अपमान करनान।

प्रकाशितवाक्य 17:6

और मैंले देखछै कि उ स्यैनि परमेश्वरा का पवित्र लोगून को खून और जो लोग यीशु का गवा छ्या उनोरो खून पीनाले नशा में छी जिनून लोगून ले मार डालछ्य किलैकी उन यीशुका प्रति विश्वासयोग्य छ्या। मैं ऊस देखभेरन हैरान हो गयुं।