प्रकाशितवाक्य 5:9 - सोरियाली नय्या नियम

⁹ उन यो गीत मेम्ना मतलब यीशु मसीह का बारिमें गान मरेछ्या, “यो किताब की मोहर तोड़ून और यैस खोलना को अधिकार त्यारा पास छै। किलैकी तैंस मार डाली ग्योछ और तैंले अपून खून ले हर गोत्र, भाषा, लोग और राज्य है परमेश्वर खिन लोगून मोल लीछ।”

प्रकाशितवाक्य 5:9 Iomraidhean Croise

मत्ती 20:28

जसीकैं मैं आदिमी को च्योलो अपूनी सेवा करून खिन यो संसार में नै आरयूँ। बल्कि मैं दुसरान की सेवा करून खिन आरयूँ। येक कारण आरयूँ कि मैं अपूनी जान की कीमत दीभेरन भौतून लोगून का पापून है बचुन खिन आरयूँ।”

मत्ती 26:28

क्याखिनकि यो म्येरो नय्या वाचा को खून छै जो भौतून का पापून की माफी खिन बगाई जाछो।

प्रेरितून का काम 20:28

तुम सब लोग अपूनो ख्याल राखा और उ दलको ले जैक देख-भाल करून खिन पवित्र आत्मा ले तुमून चुन रैछ। की तुम परमेश्वरा का विश्वासीन की सबै मण्डलीन की देख-भाल करा जैस यीशु ले खुद अपूनो खून दीभेरन छुड़ै रैछ।

1 कुरिन्थियून 6:20

क्याखिनकि परमेश्वरे ले यीशु मसीहक बलिदानाक द्वारा तुमून मोल ली हैछ, येक कारण अपून शरीराक द्वारा परमेश्वरे की महिमा करा।

1 कुरिन्थियून 7:23

परमेश्वरेले तुमून खिन एक भौत ज्यादा कीमत चुकाईना की छै, आदिमीन का दास जन बना, बल्कि परमेश्वरा का दास बना।

इफिसियून 1:7

यीशु ले अपूनो खून बगा भेरन बलिदान दीछ, ताकि हम छुटकार पा सकां, जैको मतलब यो छै, की अब हमार पाप माफ हो ग्यान। परमेश्वरा का अनुग्रह भौते महान छै जो उले हमून में दिखाछ।

इफिसियून 5:19

और जब तुम एक जाग जामा हुछा, त भजन और स्तुति और आत्मिक गीत गाया करा, और अपून-अपून मन में प्रभु का सामुनि गानै और स्तुति करनै रौ।

कुलुस्सियून 1:14

अपूनो च्याला का बलिदान का द्वारा परमेश्वर ले हमून शैतान की शक्ति भटे आजाद करछ्य और हमार पापून माफ करछ्य।

कुलुस्सियून 1:23

अगर तुम मसीह में विश्वास करछा, त तुमोरो विश्वास उमें मजबूत रून चैछो, ठीक उ घरा का नियाती जो मजबूत बुनियाद में बनिना को छै। और हमून उ सुसमाचार में विश्वास करभेरन जो उमीद हमून मिलछी उ जन छोड़ा। जैको प्रचार पुर संसार का लोगून में करि ग्योछ, और सुसमाचार को प्रचार करून खिन, मैं पौलुस सेवक बन्यूँ।

तीतुस 2:14

यीशु मसीह ले अपून आपस हमून खिन सूली में बलिदान कर दीछ ताकि हमून हर प्रकार का बुराई भटे छुड़ा ले और हमून पापून भटे आजाद करभेरन अपून खिन एक इसी प्रजा बना ले जो भल काम करून खिन पुर जोश दगाड़ तैयार रौ।

इब्रानियों 11:14

यो उन लोगून का बारिमें बतूछो जो कुंना कि उन यो संसार में अजनबी और परदेशी छन। उन दिखनान कि उन एक इसा देश स पाना की उम्मीद करून मर्यान जो उनोरो होलो।

2 पतरस 2:1

जसा तरीका ले तुम भौत पैलि झूठ्ठा संदेश दीन वाला लोग इस्राएली लोगून का बीच में दिखाई दीईयान, उसीकैं तुमार बीच में झूठ्ठा शिक्षा दीन वाला दिखाई द्याला। उन झूठ्ठी शिक्षान चुपचाप ले फैला द्याला, जो लोगून मसीह में विश्वास करून है रोक देली। यो झूठ्ठा शिक्षा दीन वाला मसीह स अपून स्वामी मानून है ले इन्कार कर द्याला जो उनोरो मालिक छै और जैले उनून पाप की शक्ति है आजाद करिना को छै। इसीकैं उन अपनास अचानक नाश करवा द्याला।

1 यहूना 1:7

लेकिन अगर जसिकै परमेश्वर उज्याला में छै, उसीकैं हम ले उज्याला में हिटा, त हम ले एक-दुसारा दगाड़ संगति राखनू; और उको च्योलो यीशु मसीह को खून हमून सब पापून भटे शुद्ध करछो।

1 यहूना 2:2

और उलेई हमार पापून की माफी खिन अपूनो बलिदान दीछ, और केवल हमून खिन नै बल्कि पूरा संसारा का लोगून का पापून खिन ले अपूनो दीछ।

प्रकाशितवाक्य 10:11

तब मैंथै यो कईग्यो, “तैंस अलग-अलग समूह और देशा का लोगून, अलग-अलग भाषा बोलून वाला लोगून और राजान एक बार फिर है बतून होलो, जो परमेश्वर तैंस बतून खिन कुंछो।”

प्रकाशितवाक्य 11:9

और सब कुल, और भाषा, और जातिन का सब लोग उन द्वी गवान की लाशून साढ़े तीन दिनून तक देखनै रौला, और उ कैसे ले उनेरि लाशून दफनूना को हुकुम नी दीन।

प्रकाशितवाक्य 13:7

ऊस यो ले अधिकार दीई ग्योछ कि उ परमेश्वरा का लोगून का दगाड़ लड़ौ, और उनून हारा सको, और ऊस हरेक कुल और लोग, भाषान और जातिन में अधिकार दी ग्योछ।

प्रकाशितवाक्य 13:8

संसारा का सब लोग उकी पूजा करून लाग्यान। सिर्फ उनी लोगून ले उकी पूजा नै करि जिनारा नाम संसारा बनून है पैलि जीवन की किताब में लिखीना का छ्या। यो जीवन की किताब उ मेम्ना की किताब छै जैस बलिदान का रूप मारिना को छ्यो।

प्रकाशितवाक्य 14:6

फिर मैंले एक स्वर्गदूत स आकाश का बीच में उड़ून देखछ्य, उ स्वर्गदूता का पास उ सुसमाचार छ्यो जो कभै नै बदलनो, उ संसार में रूनवालान लोगून खिन, हरेक जाति, और हरेक कुल, और सब भाषान में येकी घोषणा करछ्य।

प्रकाशितवाक्य 15:3

उन एक इसो गीत गान मरैछ्या जसो परमेश्वरा का दास मूसा भौत पैलि गाईना को छ्यो। उनूनले यीशु की महिमा करून खिन, जो कि एक मेम्ना को जसो छै, इसा तरीका ले गाछ, “हे सर्वशक्तिमान प्रभु परमेश्वर, जो तैले करिना को छै उ महान और अद्धभुत छन। तै सब देशून को राजा छै, तै जो ले करछै उ सच्चो और धर्मी छै।”

प्रकाशितवाक्य 17:15

फिर स्वर्गदूत ले मैंथैं यो ले क्योछ, “जो पानि तैले पैलि देख्यान, जैमें उ ठूली वेश्या बैठिना की छी, उन पुर जाति का लोगून, और देशून और भाषान देखूनान।”

प्रकाशितवाक्य 4:11

“हे हमार प्रभु परमेश्वर, तैले सब चीजून बनाईना को छै। तेरि इच्छा का अनुसार, उन बनाई ग्यान और उन अस्तित्व में छन। योई कारण तैं महिमा और आदर और सामर्थ का योग्य छै।”

प्रकाशितवाक्य 5:12

उन जोर-जोर की आवाज ले गाँ छ्या, “धन्य छै उ मेम्‍ना जैस मार दीई ग्यो, उ महिमा का योग्य छै। उको अधिकार महान छै। उको ज्ञान गैरो छै। उ भौत शक्तिशाली छै और उ भौत धनवान छै। आ हम उको आदर और स्तुति करा।”

प्रकाशितवाक्य 5:6

तब मैंले एक मेम्‍ना स देखछ्य जो सिंहासन और चार ज्यून प्राणिन और चौबीस प्राचीनून का बीच में ठाड़ छ्या। मेम्‍ना का शरीर में इसा चिन्न छ्या कि ऊस पैलि मारिना को छ्यो; उक सात सींग और सात आँखा छ्या; इन परमेश्वरे की सात आत्मा छन, जो सारी धरती में भेजिना की छन।