प्रकाशितवाक्य 5:8 - सोरियाली नय्या नियम

⁸ जब उले किताब ली लीछ, तो उन चारों प्राणी और चौबीसूं प्राचीन उ मेम्‍ना का सामुनि झुक ग्या; हरेक प्राचीन ले एक वीणा और सुना ले बनिना को कटरो पकड़ीनाको छ्यो। कटरो धूप ले भरिना को छ्यो, और उ धूप की सुगंध उन लोगून की प्रार्थनान को चिन्न छै जो परमेश्वरे की सेवा करनान।

प्रकाशितवाक्य 5:8 Iomraidhean Croise

यहूना 1:29

दुसारा दिना यहूना ले यीशुस अपून तरफ ऊँन देखिभेरन क्योछ, “देखा यो परमेश्वरो को मेम्ना छै, जो संसारा का पापून उठा लिजाछो।

इब्रानियों 1:6

फिर परमेश्वर अपून प्रिय च्याला स संसार में भेजभेरन कुंछो, “परमेश्वरा का सब स्वर्गदूत उकी अराधना करून।”

प्रकाशितवाक्य 13:8

संसारा का सब लोग उकी पूजा करून लाग्यान। सिर्फ उनी लोगून ले उकी पूजा नै करि जिनारा नाम संसारा बनून है पैलि जीवन की किताब में लिखीना का छ्या। यो जीवन की किताब उ मेम्ना की किताब छै जैस बलिदान का रूप मारिना को छ्यो।

प्रकाशितवाक्य 15:2

तब मैंले कुछ देखछ्य जो समुद्रो जसो देखीछ्यो जो काँच का नियाती चमकून मरैछ्यो और उमें आगो ले मिलीना को छ्यो मैंले उन लोगून ले देखछ्य जो जानवर भटे हारिना का नी छ्या। उनूनले पैल जानवर और उकी मूर्ति की पूजा नी करिना की छी, और उनूनमें जानवर को नामोको अंको चिन नी लगाई ग्योछ्यो। वाँ उन उ समुद्रा का किनार में ठाड़ छ्या और उन सब एक वीणा पकड़िनाक छ्या जो परमेश्वरै ले उनून दीईना की छी।

प्रकाशितवाक्य 19:4

तब चौबीस प्राचीन और चारू प्राणी ले झुकभेरन परमेश्वरै की अराधना करछ्य; जो सिंहासन में बैठिना को छ्या, और क्योछ, “आमीन! हालेलूय्याह।”

प्रकाशितवाक्य 4:4

उ सिंहासन का चारू तरफ चौबीस और सिंहासन छन। और इन सिंहासनून में चौबीस प्राचीन सफैद कपाड़ा पैन भेरन बैठिना का छन, और उनार ख्वारान में सुनाक मुकुट छन।

प्रकाशितवाक्य 4:6

उ सिंहासना का सामुनि एक फर्श छ्यो जो समुन्द्रो को जसो चौड़ो और काँच जसो साफ छयो। और उ ठूलो सिंहासन उन सबून का बिल्कुल बीच में छ्यो, और उक चारू तरफ मैंले चार प्राणी देख्यान, जिनारा आंग पुर तरीका ले आँखान ले ढकीना का छ्या।

प्रकाशितवाक्य 4:8

और चारू प्राणिन का छः-छः पंख छन, और उनार आंग में चारू तरफ आँखा छ्या, याँ तक कि उनार पंखून का भितर ले आँखा छ्या और उन रात-दिन बिना आराम करिना का यो कुनै रूनान, “पवित्र, पवित्र, पवित्र प्रभु सर्वशक्तिमान परमेश्वर! और उ उई परमेश्वर छै जो हमेशा भटे छयो और ऐल तक जो ऊँनवाला छै।”

प्रकाशितवाक्य 5:11

जब मैंले फिर भटे देखछ्य, त अचानक मैंले लाखू और करोणू स्वर्गदूतून की आवाज सुणछ्य, उनेरि गिनती नै की जा सकनी। उन राजा का उ सिंहासन का, उन चार ज्यून प्राणिन का और उन चौबीस प्राचीनून का चारों-ओर छ्या।

प्रकाशितवाक्य 5:12

उन जोर-जोर की आवाज ले गाँ छ्या, “धन्य छै उ मेम्‍ना जैस मार दीई ग्यो, उ महिमा का योग्य छै। उको अधिकार महान छै। उको ज्ञान गैरो छै। उ भौत शक्तिशाली छै और उ भौत धनवान छै। आ हम उको आदर और स्तुति करा।”

प्रकाशितवाक्य 5:14

और चारों प्राणिन ले “आमीन” क्योछ, और उन प्राचीनून ले झुकभेरन उकी अराधना करून लाग्यान।

प्रकाशितवाक्य 5:6

तब मैंले एक मेम्‍ना स देखछ्य जो सिंहासन और चार ज्यून प्राणिन और चौबीस प्राचीनून का बीच में ठाड़ छ्या। मेम्‍ना का शरीर में इसा चिन्न छ्या कि ऊस पैलि मारिना को छ्यो; उक सात सींग और सात आँखा छ्या; इन परमेश्वरे की सात आत्मा छन, जो सारी धरती में भेजिना की छन।

प्रकाशितवाक्य 6:1

फिर मैंले देखछ्य कि मेम्‍ना ले उन सात मुहरून में भटे एक स खोलछ्य; और मैंले चार ज्यून प्राणिन में भटे एक स ध्यदूनै सुणछै। उकी आवाज गर्जन की नियाती तेज छी। उले क्योछ,“अब जा, अघिल बढ़।”