प्रकाशितवाक्य 5:12 - सोरियाली नय्या नियम

¹² उन जोर-जोर की आवाज ले गाँ छ्या, “धन्य छै उ मेम्‍ना जैस मार दीई ग्यो, उ महिमा का योग्य छै। उको अधिकार महान छै। उको ज्ञान गैरो छै। उ भौत शक्तिशाली छै और उ भौत धनवान छै। आ हम उको आदर और स्तुति करा।”

प्रकाशितवाक्य 5:12 Iomraidhean Croise

मत्ती 28:18

लेकिन यीशु ले उनार पास आभेरन क्योछ, “स्वर्ग और धरती को पुरो अधिकार मैंस दी ग्योछ।

यहूना 1:29

दुसारा दिना यहूना ले यीशुस अपून तरफ ऊँन देखिभेरन क्योछ, “देखा यो परमेश्वरो को मेम्ना छै, जो संसारा का पापून उठा लिजाछो।

यहूना 17:2

क्याखिनकि तैंले मैंस सब लोगून में अधिकार दीछ, कि जिनून तैले मैंस दी रैछ, उन सबून मैं अनन्त जीवन दीयू।

2 कुरिन्थियून 8:9

तुम हमार प्रभु यीशु मसीह को अनुग्रह जाणछा, कि उ अमीर होभेरन ले तुमून खिन कंगाल बनग्यो ताकि उक कंगाल हुना तुम अमीर हो ज्या।

1 तीमुथियुस 1:17

उ राजा जो हमेशा राज्य करछो, जो हमेशा खिन ज्यूनो रूछो, और जैस कोई नै देख सकूनो, और उई एकमात्र सच्चो परमेश्वर छै, उको आदर और महिमा हमेशा-हमेशा हुनै रौ। आमीन।

प्रकाशितवाक्य 13:8

संसारा का सब लोग उकी पूजा करून लाग्यान। सिर्फ उनी लोगून ले उकी पूजा नै करि जिनारा नाम संसारा बनून है पैलि जीवन की किताब में लिखीना का छ्या। यो जीवन की किताब उ मेम्ना की किताब छै जैस बलिदान का रूप मारिना को छ्यो।

प्रकाशितवाक्य 15:3

उन एक इसो गीत गान मरैछ्या जसो परमेश्वरा का दास मूसा भौत पैलि गाईना को छ्यो। उनूनले यीशु की महिमा करून खिन, जो कि एक मेम्ना को जसो छै, इसा तरीका ले गाछ, “हे सर्वशक्तिमान प्रभु परमेश्वर, जो तैले करिना को छै उ महान और अद्धभुत छन। तै सब देशून को राजा छै, तै जो ले करछै उ सच्चो और धर्मी छै।”

प्रकाशितवाक्य 19:1

जब उ शक्तिशाली स्वर्गदूत ले बोलून बन्द करछ्य, तब मैंले सुणछ्य, उ इसो जसो छ्यो जसकैं स्वर्ग में भौत लोग गीत गान मर्यान हुन! हालेलूय्याह “अब हमोरो परमेश्वर अपूनी महिमा और सामर्थ को इस्तमाल करभेरन अपून लोगून बचालो।”

प्रकाशितवाक्य 4:11

“हे हमार प्रभु परमेश्वर, तैले सब चीजून बनाईना को छै। तेरि इच्छा का अनुसार, उन बनाई ग्यान और उन अस्तित्व में छन। योई कारण तैं महिमा और आदर और सामर्थ का योग्य छै।”

प्रकाशितवाक्य 5:13

फिर मैंले स्वर्ग में, और धरती में, और धरतीका तलि, और समुद्र की सब बनाईना की चीजून, और सब कुछ जो उनूनमें छै, यो कुन सुणछ्य, “आ हम उकी महिमा करा जो सिंहासन में बैठिना को छै। आ हम मेम्ना की महिमा करा। आ हम हमेशा खिन उको आदर करा और ऊस सम्मान दी, किलैकी उ सबून है ज्यादा शक्तिशाली छै।”

प्रकाशितवाक्य 5:6

तब मैंले एक मेम्‍ना स देखछ्य जो सिंहासन और चार ज्यून प्राणिन और चौबीस प्राचीनून का बीच में ठाड़ छ्या। मेम्‍ना का शरीर में इसा चिन्न छ्या कि ऊस पैलि मारिना को छ्यो; उक सात सींग और सात आँखा छ्या; इन परमेश्वरे की सात आत्मा छन, जो सारी धरती में भेजिना की छन।

प्रकाशितवाक्य 5:8

जब उले किताब ली लीछ, तो उन चारों प्राणी और चौबीसूं प्राचीन उ मेम्‍ना का सामुनि झुक ग्या; हरेक प्राचीन ले एक वीणा और सुना ले बनिना को कटरो पकड़ीनाको छ्यो। कटरो धूप ले भरिना को छ्यो, और उ धूप की सुगंध उन लोगून की प्रार्थनान को चिन्न छै जो परमेश्वरे की सेवा करनान।

प्रकाशितवाक्य 5:9

उन यो गीत मेम्ना मतलब यीशु मसीह का बारिमें गान मरेछ्या, “यो किताब की मोहर तोड़ून और यैस खोलना को अधिकार त्यारा पास छै। किलैकी तैंस मार डाली ग्योछ और तैंले अपून खून ले हर गोत्र, भाषा, लोग और राज्य है परमेश्वर खिन लोगून मोल लीछ।”

प्रकाशितवाक्य 6:1

फिर मैंले देखछ्य कि मेम्‍ना ले उन सात मुहरून में भटे एक स खोलछ्य; और मैंले चार ज्यून प्राणिन में भटे एक स ध्यदूनै सुणछै। उकी आवाज गर्जन की नियाती तेज छी। उले क्योछ,“अब जा, अघिल बढ़।”

प्रकाशितवाक्य 7:12

“आमीन। हमार परमेश्वर, हम हमेशा तेरि महिमा करनू, तैंस धन्यबाद और आदर दीनू! हम माननू कि तै पुरी रीति ले ज्ञानवान छै, और शक्तिशाली छै, जो हमेशा खिन सब कामून करून में योग्य छै। आमीन।”