प्रकाशितवाक्य 4:9 - सोरियाली नय्या नियम

^9-10 जो सिंहासन में बैठिना को छै, उई छै जो हमेशा-हमेशा खिन ज्यूना छै। उ ज्यूनो प्राणी ऊस महिमा और आदर और धन्यवाद दीनान। त चौबीस प्राचीन उनार सामुनि खिती जानान और उकी अराधना करनान। उन यो कैभेरन अपूनो-अपूनी मुकुट खोलभेरन सिंहासन का सामुनि डाल दीनान,

प्रकाशितवाक्य 4:9 Iomraidhean Croise

इब्रानियों 7:25

येक कारण जो यीशु मसीह का द्वारा परमेश्वरा का पास उनान, उ उनोरो पुरो-पुरो उद्धार कर सकछो, किलैकी उ उनून खिन बिनती करून खिन हमेशा ज्यूनो छै।

इब्रानियों 7:8

याजक दसवाँ हिस्सा लीनान, हालाकि उन सिर्फ आदिमी छन जो ज्यूना रूनान और फिर मर जानान। लेकिन यो याजक मलिकिसिदक जैले दसवाँ हिस्सा लीईना को छ्यो, उक बारिमें पवित्रशास्त्र में गवाही दी गैछ कि उ एल ले ज्यूनो छै।

प्रकाशितवाक्य 1:18

मैं एक बार मर गैछ्यू। लेकिन अब मैं ज्यूनो छूँ और मैं हमेशा ज्यूनो रूलो। म्यारा पास उ चाँबी छन जो मैंस उ जाग स खोलना की ताकत दीछी जाँ मरिनाका लोग छन और उनून दुबारा है ज्यूना करना की ताकत छै।

प्रकाशितवाक्य 10:6

और जो हमेशा-हमेशा खिन ज्यून छन, जेले स्वर्ग, धरती और समुन्द्र और उमें रून वाला सब चीजून बनाछ, उकी नामेकी कसम खाभेरन उले क्योछ, की “अब कोई ले बात खिन और ज्यादा इन्तजार नी करून पड़ोलो। अब उन सब पुरी हो जाला।”

प्रकाशितवाक्य 21:5

तब सिंहासन में बैठिना का आदिमी ले क्योछ, “देखा, मैं सब कुछ नय्या करून मर्यू।” फिर उले मैंथैं क्योछ, “इन बातुन लिख लै, क्याखिनकि जो मैं कुछूँ तैं उमें विश्वास कर सकछै, यो बात जरूर पुरी होलि।”

प्रकाशितवाक्य 4:2

त उई बखत पवित्र आत्मा मैंमें आग्यो, और मैंले स्वर्ग में एक सिंहासन में कैसे बैठिना को देखछ्य।

प्रकाशितवाक्य 4:8

और चारू प्राणिन का छः-छः पंख छन, और उनार आंग में चारू तरफ आँखा छ्या, याँ तक कि उनार पंखून का भितर ले आँखा छ्या और उन रात-दिन बिना आराम करिना का यो कुनै रूनान, “पवित्र, पवित्र, पवित्र प्रभु सर्वशक्तिमान परमेश्वर! और उ उई परमेश्वर छै जो हमेशा भटे छयो और ऐल तक जो ऊँनवाला छै।”

प्रकाशितवाक्य 5:1

जो सिंहासन में बैठिना को छ्यो, मैंले उक दैंन हात में एक किताब देखछ्य जो भितर और भ्यार भटे लिखीना की छी, और उ सात मुहर लगाभेरन बन्द करि गैछी।

प्रकाशितवाक्य 6:16

और पहाड़ून, और काठान थैं कुंन लाग्यान, “हमून में खिती जा और हमून उ है लुका ली; ताकि उ जो सिंहासन में बैठिना को छै, हमून देख नै सको और मेम्ना का दण्ड भटे बच सका।”

प्रकाशितवाक्य 7:15

येक कारण उन परमेश्वरा का सिंहासना का सामुनि ठाड़ छन और उन हर बखत दिन और रात परमेश्वरा का घर में उकी सेवा करनान। उ जो सिंहासन में बैठिना को छै, उनार बीच रोलो और उनेरि देखभाल करोलो।