प्रकाशितवाक्य 4:8 - सोरियाली नय्या नियम

⁸ और चारू प्राणिन का छः-छः पंख छन, और उनार आंग में चारू तरफ आँखा छ्या, याँ तक कि उनार पंखून का भितर ले आँखा छ्या और उन रात-दिन बिना आराम करिना का यो कुनै रूनान, “पवित्र, पवित्र, पवित्र प्रभु सर्वशक्तिमान परमेश्वर! और उ उई परमेश्वर छै जो हमेशा भटे छयो और ऐल तक जो ऊँनवाला छै।”

प्रकाशितवाक्य 4:8 Iomraidhean Croise

प्रेरितून का काम 20:31

येक कारण चौकून्ना रया, और यो ले याद राख्या कि मैं इन चीजून का बारिमें तीन साल तलक भौत आँसू बगाभेरन मैं तुमून रात-दिन खबरदार करनै रयूँ।

2 कुरिन्थियून 6:18

और मैं तुमोरो पिता हूँलो, और तुम म्यारा च्याला और चेलि होला; यो सर्वशक्तिमान प्रभु परमेश्वरो को बचन छै।”

1 थिस्सलुनीकियों 2:9

हे म्यारा विश्वासी भाईयो, तुम हमार काम और मेहनत स याद राखछा; येक कारण हमूले रात-दिन काम धन्धा करभेरन तुमार बीच में परमेश्वरो को सुसमाचार को प्रचार करछ्य, कि हमून तुमूनथैं भटे के लीना की जरूरत नै पड़ौ।

1 तीमुथियुस 4:16

त यो बारिमें सतर्क रये, कि तैं कसीकैं जीवन जी छै, और विश्वासीन की सिखूछै, त्यारा इसो करना का द्वारा तैं अपून खिन और सब जो तेरि सुणनान उनून खिन उद्धार को कारण बनले।

2 तीमुथियुस 4:2

बखत बुरो या भलो हो तैं हर बखत परमेश्वरा का बचन को प्रचार कर खिन तैयार रौ। तैंस लोगून समझून चैछो कि उनूनले कि गलत करछ्य और उनार पापून खिन उनून डाँठ लागून चैछी। मगर धैर्याक दगाड़ सिखून चैछो और उत्साहित करून चैछो।

इब्रानियों 13:8

यीशु मसीह बैलिया और आज और हमेशा एक जसो छै।

प्रकाशितवाक्य 1:4

मैं, यहूना, यो चिठ्ठी उन सातों विश्वासीन की मण्डलीन खिन लिखून मरैयू जो आसिया प्रदेश में छन। मैं प्रार्थना करछूँ कि तुमून परमेश्वरै की तरफ भटे अनुग्रह और शान्ति मिलो, और उ उई परमेश्वर छै जो छै जो हमेशा छ्यो और जो ऊँनवालो छै। और उन सात आत्मान का तरफ भटे, जो परमेश्वरा का सिंहासन का सामुनि छन।

प्रकाशितवाक्य 1:8

प्रभु परमेश्वर कुंछो, “मैं अल्फा और ओमेगा छूँ, जैको मतलब छै पैलो और आखरी। मैं उई परमेश्वर छूँ जो छै, जो हमेशा भटे छयो, और जो ऊँनवाला छै, और सर्वशक्तिमान छै।”

प्रकाशितवाक्य 11:17

यो कुंन लाग्यान, “हे सर्वशक्तिमान प्रभु परमेश्वर, उ परमेश्वर छै जो हमेशा छ्यो और जो उनवालो छै, हम तेरो धन्यबाद करनू किलैकी तैले अपूनी महान सामर्थ दिखाईना की छै और तैले संसारा में अपूनो राज्य कर दी हैछ।”

प्रकाशितवाक्य 14:11

आगो को धुआँ जो उनून कष्ट द्योलो हमेशा तक आकाश में उठनै रौलो, और यो लोग जो पैलि जानवर और उकी मूर्ति की पूजा करछ्या, और उ जो उकी नाम की छाप लगूनान, उनून उ तखलीफ ले नै दिन में और नै रात चैन मिलोलो।

प्रकाशितवाक्य 14:3

एक लाख चौवालीस हजार (144,0000) लोग सिंहासना और चारू प्राणी और प्रचीनून का सामुनि ठाड़ छ्या; उन एक नय्या गीत गान मरेछ्या, जैस सिर्फ उनी सिख सकछ्या। सिर्फ उनी छन जिनून परमेश्वर ले संसार में रूनवाला लोगून का बीच में भटे छुड़ाईना को छ्यो।

प्रकाशितवाक्य 15:3

उन एक इसो गीत गान मरैछ्या जसो परमेश्वरा का दास मूसा भौत पैलि गाईना को छ्यो। उनूनले यीशु की महिमा करून खिन, जो कि एक मेम्ना को जसो छै, इसा तरीका ले गाछ, “हे सर्वशक्तिमान प्रभु परमेश्वर, जो तैले करिना को छै उ महान और अद्धभुत छन। तै सब देशून को राजा छै, तै जो ले करछै उ सच्चो और धर्मी छै।”

प्रकाशितवाक्य 16:14

इन भूतून का पास चमत्कार करना की शक्ति छी और उनूनले जाभेरन उन लोगून जामा करछ्य जो यो संसारा का सारा देशून में राज्य कर छ्या ताकि उन सर्वशक्तिमान प्रभु परमेश्वरा का महान दिन में उक खिलाफ लड़ाई लड़ून खिन जून।

प्रकाशितवाक्य 16:7

मैंले फिर कैसे वेदी भटे यो कुंन सुणछ्य, होई हे सर्वशक्तिमान प्रभु परमेश्वर, यो सच्ची छै कि जसकैं तै लोगून सजा दीछै उ सही और सच्ची छै।

प्रकाशितवाक्य 19:15

जो घोड़ा में बैठिनाको छ्यो उको मुँख भटे एक तेज तलवार निकलछी जैको इस्तमाल उन देशून हरून खिन करोलो, और उ लूवाको राजदण्ड लीभेरन उनूनमें राजा करोलो, और सर्वशक्तिमान परमेश्वरा का भयानक गुस्सा की मदिरा का कुंण्ड में अंगूर स निचोड़ोलो।

प्रकाशितवाक्य 19:4

तब चौबीस प्राचीन और चारू प्राणी ले झुकभेरन परमेश्वरै की अराधना करछ्य; जो सिंहासन में बैठिना को छ्या, और क्योछ, “आमीन! हालेलूय्याह।”

प्रकाशितवाक्य 21:22

मैंले उमें कोई मन्दिर नै देखियो, क्याखिनकि सर्वशक्तिमान परमेश्वर और मेम्ना उ शैहर में छै। येक कारण वाँ मन्दिरे की कोई जरूरत नाहातिन।

प्रकाशितवाक्य 3:7

फिलदिलफिया शैहरा का विश्वासीन की मण्डली का स्वर्गदूत स यो लिख: “मैंई उ छूँ जो पवित्र और सच्चो, जैका पास उ चाबी छन जो राजा दाऊद का छन।” जब मैं उ चाबी स लीभेरन एक द्वार स खोलछूँ त कोई ले ऊस बंद नै कर सकनो, और जब मैं चाबी लीभेरन ऊस बंद कर दीछूँ त कोई ले ऊस खोल नै सकनो, उ योई कुंछो कि,

प्रकाशितवाक्य 4:4

उ सिंहासन का चारू तरफ चौबीस और सिंहासन छन। और इन सिंहासनून में चौबीस प्राचीन सफैद कपाड़ा पैन भेरन बैठिना का छन, और उनार ख्वारान में सुनाक मुकुट छन।

प्रकाशितवाक्य 4:6

उ सिंहासना का सामुनि एक फर्श छ्यो जो समुन्द्रो को जसो चौड़ो और काँच जसो साफ छयो। और उ ठूलो सिंहासन उन सबून का बिल्कुल बीच में छ्यो, और उक चारू तरफ मैंले चार प्राणी देख्यान, जिनारा आंग पुर तरीका ले आँखान ले ढकीना का छ्या।

प्रकाशितवाक्य 4:9

जो सिंहासन में बैठिना को छै, उई छै जो हमेशा-हमेशा खिन ज्यूना छै। उ ज्यूनो प्राणी ऊस महिमा और आदर और धन्यवाद दीनान। त चौबीस प्राचीन उनार सामुनि खिती जानान और उकी अराधना करनान। उन यो कैभेरन अपूनो-अपूनी मुकुट खोलभेरन सिंहासन का सामुनि डाल दीनान,

प्रकाशितवाक्य 5:6

तब मैंले एक मेम्‍ना स देखछ्य जो सिंहासन और चार ज्यून प्राणिन और चौबीस प्राचीनून का बीच में ठाड़ छ्या। मेम्‍ना का शरीर में इसा चिन्न छ्या कि ऊस पैलि मारिना को छ्यो; उक सात सींग और सात आँखा छ्या; इन परमेश्वरे की सात आत्मा छन, जो सारी धरती में भेजिना की छन।

प्रकाशितवाक्य 6:1

फिर मैंले देखछ्य कि मेम्‍ना ले उन सात मुहरून में भटे एक स खोलछ्य; और मैंले चार ज्यून प्राणिन में भटे एक स ध्यदूनै सुणछै। उकी आवाज गर्जन की नियाती तेज छी। उले क्योछ,“अब जा, अघिल बढ़।”

प्रकाशितवाक्य 6:6

मैंले सुणछ्य कि उन चार ज्यून प्राणिन का बीच भटे कोई बोलून मर्यो छ्यो जो एक आदिमी का नियाती छ्यो, “ऊँन वाला बखत में धरती में अकाल होलो और येक कारण एक दिन की मजूरी केवल एक किलो ग्यूँ और तीन किलो जौ मोल खिन काफी होलि। लेकिन तेल और अंगूर को रस की कमी नै होलि।”

प्रकाशितवाक्य 7:11

और सब स्वर्गदूत, उ सिंहासन का, प्राचीनों का, और चार जीवित प्राणिन का चारू तरफ ठाड़ छ्या। फिर उनूनले सिंहासना का तरफ झुकभेरन परमेश्वर की अराधना करछ्य, और उनूनले क्योछ,

प्रकाशितवाक्य 7:15

येक कारण उन परमेश्वरा का सिंहासना का सामुनि ठाड़ छन और उन हर बखत दिन और रात परमेश्वरा का घर में उकी सेवा करनान। उ जो सिंहासन में बैठिना को छै, उनार बीच रोलो और उनेरि देखभाल करोलो।