प्रकाशितवाक्य 4:6 - सोरियाली नय्या नियम

⁶ उ सिंहासना का सामुनि एक फर्श छ्यो जो समुन्द्रो को जसो चौड़ो और काँच जसो साफ छयो। और उ ठूलो सिंहासन उन सबून का बिल्कुल बीच में छ्यो, और उक चारू तरफ मैंले चार प्राणी देख्यान, जिनारा आंग पुर तरीका ले आँखान ले ढकीना का छ्या।

प्रकाशितवाक्य 4:6 Iomraidhean Croise

प्रकाशितवाक्य 14:3

एक लाख चौवालीस हजार (144,0000) लोग सिंहासना और चारू प्राणी और प्रचीनून का सामुनि ठाड़ छ्या; उन एक नय्या गीत गान मरेछ्या, जैस सिर्फ उनी सिख सकछ्या। सिर्फ उनी छन जिनून परमेश्वर ले संसार में रूनवाला लोगून का बीच में भटे छुड़ाईना को छ्यो।

प्रकाशितवाक्य 15:2

तब मैंले कुछ देखछ्य जो समुद्रो जसो देखीछ्यो जो काँच का नियाती चमकून मरैछ्यो और उमें आगो ले मिलीना को छ्यो मैंले उन लोगून ले देखछ्य जो जानवर भटे हारिना का नी छ्या। उनूनले पैल जानवर और उकी मूर्ति की पूजा नी करिना की छी, और उनूनमें जानवर को नामोको अंको चिन नी लगाई ग्योछ्यो। वाँ उन उ समुद्रा का किनार में ठाड़ छ्या और उन सब एक वीणा पकड़िनाक छ्या जो परमेश्वरै ले उनून दीईना की छी।

प्रकाशितवाक्य 19:4

तब चौबीस प्राचीन और चारू प्राणी ले झुकभेरन परमेश्वरै की अराधना करछ्य; जो सिंहासन में बैठिना को छ्या, और क्योछ, “आमीन! हालेलूय्याह।”

प्रकाशितवाक्य 21:11

परमेश्वरा का तरफ भटे मिलून वालो तेज उज्याला ले नय्या शैहर चमकून मर्यो छ्यो, और को उज्यालो भौत कीमती ढ़ुगो, मतलब यशब नामक कीमती ढ़ुगा की नियाती चमकून मरेछी और काँचाक नियाती साफ छ्यो।

प्रकाशितवाक्य 21:18

शैहर चोखा सुना ले बनाई को छ्यो जो काँचा का नियाती चमक छ्यो, उकी दिवाल, यशब नामक कीमती ढ़ुगा ले बनिनाकी छी।

प्रकाशितवाक्य 21:21

शैहरा का बार फाटक बार मोतिक बनिनाकी छ्या, हरेक फाटक एक्कै मोतिले बनिनाकी छ्या। और शैहर की सड़क, उन चोखा सुना ले बनाईनाकि छी जो काँचा की नियाती चमकछी।

प्रकाशितवाक्य 22:1

तब स्वर्गदूत ले मैंस एक नदी दिखाछ जैमें जीवनो को पानि छ्यो। पानि साफ काँचा का नियाती चमक छ्यो। यो नदी परमेश्वर और मेम्ना का सिंहासन का तलि भटे बगून मरेछी।

प्रकाशितवाक्य 4:4

उ सिंहासन का चारू तरफ चौबीस और सिंहासन छन। और इन सिंहासनून में चौबीस प्राचीन सफैद कपाड़ा पैन भेरन बैठिना का छन, और उनार ख्वारान में सुनाक मुकुट छन।

प्रकाशितवाक्य 5:11

जब मैंले फिर भटे देखछ्य, त अचानक मैंले लाखू और करोणू स्वर्गदूतून की आवाज सुणछ्य, उनेरि गिनती नै की जा सकनी। उन राजा का उ सिंहासन का, उन चार ज्यून प्राणिन का और उन चौबीस प्राचीनून का चारों-ओर छ्या।

प्रकाशितवाक्य 5:14

और चारों प्राणिन ले “आमीन” क्योछ, और उन प्राचीनून ले झुकभेरन उकी अराधना करून लाग्यान।

प्रकाशितवाक्य 5:6

तब मैंले एक मेम्‍ना स देखछ्य जो सिंहासन और चार ज्यून प्राणिन और चौबीस प्राचीनून का बीच में ठाड़ छ्या। मेम्‍ना का शरीर में इसा चिन्न छ्या कि ऊस पैलि मारिना को छ्यो; उक सात सींग और सात आँखा छ्या; इन परमेश्वरे की सात आत्मा छन, जो सारी धरती में भेजिना की छन।

प्रकाशितवाक्य 5:8

जब उले किताब ली लीछ, तो उन चारों प्राणी और चौबीसूं प्राचीन उ मेम्‍ना का सामुनि झुक ग्या; हरेक प्राचीन ले एक वीणा और सुना ले बनिना को कटरो पकड़ीनाको छ्यो। कटरो धूप ले भरिना को छ्यो, और उ धूप की सुगंध उन लोगून की प्रार्थनान को चिन्न छै जो परमेश्वरे की सेवा करनान।

प्रकाशितवाक्य 6:1

फिर मैंले देखछ्य कि मेम्‍ना ले उन सात मुहरून में भटे एक स खोलछ्य; और मैंले चार ज्यून प्राणिन में भटे एक स ध्यदूनै सुणछै। उकी आवाज गर्जन की नियाती तेज छी। उले क्योछ,“अब जा, अघिल बढ़।”

प्रकाशितवाक्य 6:6

मैंले सुणछ्य कि उन चार ज्यून प्राणिन का बीच भटे कोई बोलून मर्यो छ्यो जो एक आदिमी का नियाती छ्यो, “ऊँन वाला बखत में धरती में अकाल होलो और येक कारण एक दिन की मजूरी केवल एक किलो ग्यूँ और तीन किलो जौ मोल खिन काफी होलि। लेकिन तेल और अंगूर को रस की कमी नै होलि।”

प्रकाशितवाक्य 7:11

और सब स्वर्गदूत, उ सिंहासन का, प्राचीनों का, और चार जीवित प्राणिन का चारू तरफ ठाड़ छ्या। फिर उनूनले सिंहासना का तरफ झुकभेरन परमेश्वर की अराधना करछ्य, और उनूनले क्योछ,

प्रकाशितवाक्य 7:17

किलैकी मेम्‍ना जो सिंहासन का बीच में छै, उ उनेरि देखभाल करोलो, उसीकैं जसीकैं एक ग्वाला अपूनी भेड़ून की देखभाल करछो। उ उनून उ ताज पानि का झरना का पास ली जालो जो लोगून जीवन दीछो। और परमेश्वर उनार आँखून का आँसून पोछ भेरन उनार सब दुखून दूर कर द्योलो।”