प्रकाशितवाक्य 4:4 - सोरियाली नय्या नियम4 उ सिंहासन का चारू तरफ चौबीस और सिंहासन छन। और इन सिंहासनून में चौबीस प्राचीन सफैद कपाड़ा पैन भेरन बैठिना का छन, और उनार ख्वारान में सुनाक मुकुट छन। Faic an caibideil |
प्रकाशितवाक्य 4:4
24 Iomraidhean Croise
उन दुखून भटे जन डर जो तैंस मिलाला। शैतान तुम में भटे थ्वाड़ा लोगून जेलखान में डालून वाला छै ताकि उ तुमेरि परीक्षा कर सको। तुम दस दिनून तक भौत मुसीबतून में रौला। पर मैंमें विश्वास करूनो कभै नी छोड़ला, चाहे तुमून मरनोई क्याखिन नै पड़ो, किलैकी मैं तुमून तुमेरि जीत को ईनामा का रूप में अनन्त जीवन द्यूलो।
उक बाद मैंले सिंहासन देख्यान, और जो लोग उन सिंहासनून में बैठिना का छ्या उनून राज्य करना को अधिकार दीई ग्योछ। मैंले उन लोगून की आत्मान ले देखछ्य, जिनारा ख्वारा काट दी ग्यान किलैकी उनूनले यो क्योछ कि यीशु उनोरो प्रभु छै, और उन परमेश्वरा का वचन में विश्वास करछ्या। उन लोगून ले जानवर या उकी मूर्ति पूजा नै करि, उनूनले अपून कपाल या हातून में उ जानवरै की छाप ले नै लागायी। इन लोग फिर ज्यून हो ग्या और एक हजार साल तक मसीह का दगाड़ मिलभेरन राज्य करछ्य।
येक कारण ले, मैं तैंस आग ले शुद्ध करिना को सुना स मैंथै मोल लीना की सलाह दीछूँ ताकि तै सच्ची में धनवान बन सके। तैंस अपून पैनून खिन सफेद कपाड़ा मैंथै मोल लीन चैंछो ताकि तै लोगून का द्वारा तैंस नंगो देखना की शर्मिदगी भटे बच सके। तैंस अपून आँखान में डालून खिन थ्वाड़ा सुरमा ले मैंथै मोल लीन चैछो, ताकि तै देख सके।
येका बाद मैंले देखछ्य कि लोगून की एक इतुक ठूली भीड़ छी कि कोई ले उनून नी गिन सकछ्यो। उन संसारै की हर जाति भटे, हर कुल में भटे, हर राज्य में भटे और भाषा का लोग छ्या। उन सिंहासन और मेम्ना का सामुनि ठाड़ छ्या। उनूनले सफेद कपाड़ा पैनिना का छ्या और हरेक आदिमी ले अपून-अपून हात में खजूरा हांगा पकड़िनाक छ्या जो कि एक उनार सम्मान को चिन छ्यो।
Sanasan