प्रकाशितवाक्य 4:2 - सोरियाली नय्या नियम

² त उई बखत पवित्र आत्मा मैंमें आग्यो, और मैंले स्वर्ग में एक सिंहासन में कैसे बैठिना को देखछ्य।

प्रकाशितवाक्य 4:2 Iomraidhean Croise

मत्ती 22:43

फिर यीशु ले उनूनथैं पुछ्छै, “त दाऊद मसीहा स प्रभु किलैं कुंछो?

इब्रानियों 8:1

अब जो बात हम कुंन मर्या, उनूनमें भटे सबून है ठूली सच्चाई यो छै, कि हमार पास इसो महायाजक छै, जो ऐल ले स्वर्ग में परमप्रधान परमेश्वरा का सिंहासनाक दैंना तरफ जाभेरन बैठिना को छै।

प्रकाशितवाक्य 1:10

मैं प्रभु की अराधना का दिन पवित्र आत्मा मैंमें आछ, मैंले अपून पछिल है कैसे बोलूनो सुणछ्य यो आवाज तुरी आवाज की नियाती ऊची और साफ आवाज में बोलून मरैछ्यो।

प्रकाशितवाक्य 12:5

तब उ स्यैनि ले एक च्याला स जन्म दीछ लेकिन ऊस अजगर नै खा सक्यो किलैकी ऊस तुरन्त छीन ली ग्यो और परमेश्वर और उक सिंहासना का पास ल्याई ग्योछ। उ लड़का एक लूवाक दण्डा लीभेरन सब लोगून में राज करोलो।

प्रकाशितवाक्य 17:3

तब पवित्र आत्मा की मद्दत ले, स्वर्गदूत मैंस बिरान जागा खिन ली ग्योछ, मैंले वाँ एक स्यैनि स देखछै जो लाल रंगा का जानवर में बैठिनाको छी। उक सात ख्वारा और दस सींग छ्या। उको आंग उन नामेंले ढ़किनाक छ्या जो परमेश्वरो को अपमान करनान।

प्रकाशितवाक्य 19:4

तब चौबीस प्राचीन और चारू प्राणी ले झुकभेरन परमेश्वरै की अराधना करछ्य; जो सिंहासन में बैठिना को छ्या, और क्योछ, “आमीन! हालेलूय्याह।”

प्रकाशितवाक्य 20:11

फिर मैंले एक सफेद सिंहासन देखछै जैमें परमेश्वर बैठिना को छ्यो। लेकिन वाँ जाँ परमेश्वर बैठिनाको छ्यो, वाँ धरती और स्वर्ग सब गायब हो ग्या, और केले लै उनून फिर नै देख्यो।

प्रकाशितवाक्य 21:10

तब पवित्र आत्मा की मद्दत ले, स्वर्गदूत मैंस एक ठूलो पाहाण में ली ग्योछ, और पवित्र शैहर नय्या यरूशलम स स्वर्ग भटे परमेश्वरा का पास भटे उतरून देखछ्य।

प्रकाशितवाक्य 21:5

तब सिंहासन में बैठिना का आदिमी ले क्योछ, “देखा, मैं सब कुछ नय्या करून मर्यू।” फिर उले मैंथैं क्योछ, “इन बातुन लिख लै, क्याखिनकि जो मैं कुछूँ तैं उमें विश्वास कर सकछै, यो बात जरूर पुरी होलि।”

प्रकाशितवाक्य 3:21

जो आदिमी शैतानी ताकतून हरा द्योलो, मैं ऊस अपून दगाड़ सिंहासन में बैठूना को अधिकार द्यूलो। यो बिल्कुल म्येरो जसो होलो, जसकै मैंले शैतानी ताकतून हरा दीछ और अपून पिता का दगाड़ सिंहासन में बैठ गयूँ।

प्रकाशितवाक्य 4:5

उ सिंहासन में भटे बिजली और गर्जन निकलून मरैछ्या, और सिंहासन का सामुनि सात दीया जलून मरैछ्या जो परमेश्वरा का सात आत्मा छन।

प्रकाशितवाक्य 4:9

जो सिंहासन में बैठिना को छै, उई छै जो हमेशा-हमेशा खिन ज्यूना छै। उ ज्यूनो प्राणी ऊस महिमा और आदर और धन्यवाद दीनान। त चौबीस प्राचीन उनार सामुनि खिती जानान और उकी अराधना करनान। उन यो कैभेरन अपूनो-अपूनी मुकुट खोलभेरन सिंहासन का सामुनि डाल दीनान,

प्रकाशितवाक्य 5:1

जो सिंहासन में बैठिना को छ्यो, मैंले उक दैंन हात में एक किताब देखछ्य जो भितर और भ्यार भटे लिखीना की छी, और उ सात मुहर लगाभेरन बन्द करि गैछी।

प्रकाशितवाक्य 5:13

फिर मैंले स्वर्ग में, और धरती में, और धरतीका तलि, और समुद्र की सब बनाईना की चीजून, और सब कुछ जो उनूनमें छै, यो कुन सुणछ्य, “आ हम उकी महिमा करा जो सिंहासन में बैठिना को छै। आ हम मेम्ना की महिमा करा। आ हम हमेशा खिन उको आदर करा और ऊस सम्मान दी, किलैकी उ सबून है ज्यादा शक्तिशाली छै।”

प्रकाशितवाक्य 6:16

और पहाड़ून, और काठान थैं कुंन लाग्यान, “हमून में खिती जा और हमून उ है लुका ली; ताकि उ जो सिंहासन में बैठिना को छै, हमून देख नै सको और मेम्ना का दण्ड भटे बच सका।”