Biblia Todo Logo
Bìoball air-loidhne

- Sanasan -




प्रकाशितवाक्य 3:8 - सोरियाली नय्या नियम

8 मैं जाणछूँ कि तै कि करछै, तै कसी मेहनत करछै और कभै हार नै माननै, सुण मैं यो ले जाणछूँ कि तैमें सिर्फ थ्वाड़ा क्षमता छै, लेकिन फिरले तैंले मेरि कईना की बातुन में विश्वास करछ्य और तैले इन बात भटे मना नै कर्यो कि तै मैंमें विश्वास करछै। येक कारण इसो के छै जो एक इसो द्वार जसो छै जैस मैंले तैखिन खोल दीछ, जैस कोई ले बंद नै कर सकूनो।

Faic an caibideil Dèan lethbhreac




प्रकाशितवाक्य 3:8
25 Iomraidhean Croise  

लेकिन जो कोई आदिमीन का सामुनि म्येरो इनकार करोलो, त मैंले ऊस परमेश्वरा का स्वर्गदूतून का सामुनि ले उको इनकार करूँलो।


याद राखा की मैंले तुमूनथैं कि क्योछ, ‘दास अपून मालिक है ठुल नै हुनो,’ ऊस याद राख अगर उनूनले मैंस सताछ, त तुमून ले सताला; अगर उनूनले मेरि शिक्षा नै मान्यो, त तुमेरि शिक्षा स ले नी मानाला।


“मैंले तेरो नाम उन शिष्यून में प्रगट करछ्य, कि तैं को छै, जिनून तैंले संसार में मैंस दीयान, उन त्यारा छ्या और तैंले उनून मैंस दीयान और उनूनले त्यारा शिक्षान को पालन करछै।


और अन्ताकिया शैहर पुजभेरन उनूनले विश्वासीन की मंडली जमा करछय और बताछ, की परमेश्वरेले उनारा द्वारा कस ठूला-ठूला काम कर्यान, और कसीकैं गैर-यहूदीन लोगून यीशु में विश्वास करन लायक बनाछ।


क्याखिनकि अब याँ ले भौत लोग छन जो परमेश्वरो को बचन सुणून चानान, और म्योरो याँ रून भौत फैदमंद छै। हालाकि भौत लोग म्योरो बिरोध करनान।


जब मैं त्रोआस शैहर में मसीह को सुसमाचारो को प्रचार करून खिन आयू, त वाँ परमेश्वरे ले मैंस सुसमाचार प्रचार करना को भौत ठूलो मौका दीछ।


मसीह का जरियाले जो सामर्थ मैंस दीछो, उमें मैं सब कुछ कर सकछूँ।


और येक दगाड़ हमून खिन ले प्रार्थना करनै रया, कि परमेश्वर हमून खिन वचन सुणना को इसो द्वार खोलि द्यो, कि हम मसीह का उ भेद बता सकाँ जैका कारण में जेल में छूँ,


अगर कोई अपून रिश्तेदारून की और खास करभेरन अपून परिवार की देख-भाल नै करूनो, त उ अपून विश्वास में मुकर ग्योछ, और एक अविश्वासी है ले बुर बन ग्योछ।


जसीकैं एक निको सिपाई लड़ाई में लगातार लड़ाई लड़नै रूछो, उसीकैं मैंले उ काम पुरो करछ्य जो मसीह यीशु ले मैंस करून खिन दी रैछ्यो। और मसीह में म्योरो विश्वास हमेशा मजबूत रियोछ।


मैं तुमून यो लिखून मरैयू किलैकी कुछ लोग जो यीशु मसीह में विश्वास करना को दिखावा करनान, उन तुमार बीच में शामिल हो ग्यान। उन परमेश्वरो को आदर नै करना और उन गलत शिक्षा दीनान कि परमेश्वर अपून अनुग्रह ले हमार पापून माफ कर दीछो, येक कारण हम गलत कामून में जीवन जी सकनू। उन यीशु मसीह स अस्वीकार करनान, जो हमोरो एकमात्र मालिक और प्रभु छै। भौत बखत पैलि भटे, पवित्रशास्त्र में लिखीना को छै कि परमेश्वर इस लोगून दण्ड द्योलो।


मैं जाणछूँ कि तैं उ जाग में रूँ छै जाँ शैतान राज्य करछो। तैं म्यारा प्रति विश्वासयोग्य बनिनाको रैछ और मैं-में विश्वास करून कभै बंद नै कर्यो। तैंले उ बखत ले विश्वास करछै जब उनूनले अन्तिपास स वाँ मार डालछै जाँ शैतान राज्य करछो। अन्तिपास ले लोगून म्यारा बारिमें विश्वासयोग्यता ले बताछ।


मैं जाणछूँ कि तैं कि करछै, तैं कसी मेहनत करछै और कभै हार नै माननै। मैं यो ले जाणछूँ कि तै बुरा लोगून की झूठ्ठी शिक्षान सहन नै करनै। तैंले उन लोगून परख रैछ जो कुंनान कि उन प्रेरित छन लेकिन सच्ची में नाहातिन, और तैंले उनून झूठ्ठो पाछ।


“और देख, मैं जल्दी उछूँ, धन्य छै उ जो यो किताब कि भविष्यवाणी बातुन को पालन करछो।”


सरदीस शैहरा का विश्वासीन की मण्डली का स्वर्गदूत स लिख “मैं उई छू जैका पास परमेश्वरै की सात आत्मा और सात तारा छन, उ यो कुंछो कि मैं जाणछूँ कि तै कि करछै, तै कसी मेहनत करछै और कभै हार नै माननै, तै विश्वासयोग्य त छै, लेकिन सच्ची में तै मेरि बात नै करनै।”


तैले म्यारा संदेश मानछ्य ताकि जब तै दुख उठालै त ऊस बड़ा धैर्य का दगाड़ सहन कर सके। योई कारण, मैं उ ठूली परीक्षा का बखत तेरि रक्षा करूलो। जो यो संसाराक सब लोगून में आलो।


मैं तेरा कामून निकीकैं जाणछूँ कि तै नै त मैंमें अपून विश्वास भटे इनकार करून मरेछै और नै मैंस पुर मनले प्रेम करछै मैं चाछूँ कि या त तै मेरो इनकार कर दे या मैंस पुर मनले प्रेम कर।


फिलदिलफिया शैहरा का विश्वासीन की मण्डली का स्वर्गदूत स यो लिख: “मैंई उ छूँ जो पवित्र और सच्चो, जैका पास उ चाबी छन जो राजा दाऊद का छन।” जब मैं उ चाबी स लीभेरन एक द्वार स खोलछूँ त कोई ले ऊस बंद नै कर सकनो, और जब मैं चाबी लीभेरन ऊस बंद कर दीछूँ त कोई ले ऊस खोल नै सकनो, उ योई कुंछो कि,


Lean sinn:

Sanasan


Sanasan