प्रकाशितवाक्य 3:5 - सोरियाली नय्या नियम

⁵ जो आदिमी शैतानी ताकतून हरा द्योलो, उले इनारा नियाती सफेद कपाड़ा पैनोलो। मैं उ आदिमी को नाम उ किताब में है नी मिटूलो जैमें उन लोगून का नाम लिखीना का छन जिनारा पास सच्चो जीवन छै। जब कि मैं अपून पिता और स्वर्गदूतून का सामुनि ठाड़ हुलो जो उकी सेवा करनान, त मैं घोषणा करूलो कि उन म्यारा छन।

प्रकाशितवाक्य 3:5 Iomraidhean Croise

मत्ती 10:32

जो कोई लोगून का सामुनि मैंस स्वीकार करोलो, मैंले ऊस अपून पिता का सामुनि, जो स्वर्ग में छै, स्वीकार करोलो।

लूका 10:20

तब ले तुम यो बात ले खुश जन हो कि भूत तुमार बश में छै, लेकिन यो बात ले खुश हो कि तुमार नाम स्वर्ग में लिखीनाका छन।”

लूका 12:8

मैं तुमूनथैं कुछूँ, जो कोई लोगून का सामुनि मैंस स्वीकार करोलो, मैं आदिमी को च्योलो ले परमेश्वरा का स्वर्गदूतून का सामुनि ऊस स्वीकार करलो।

फिलिप्पिन 4:3

हे सच्चा दगड़ियो सुन्तुखे, मैं तैथैं ले बिनती करछूँ, कि तैं इन स्यैनिन का मेल मिलाप करून में मद्दत कर। किलैकी उनूनले म्यारा दगाड़ सुसमाचार फैलून में, क्लेमेंस और म्यारा दगड़ियान ले म्यारा दगाड़ हिम्मत करछ्य, जिनारा-जिनारा नाम जीवन की किताब में लिखीना का छन।

यहूदा 1:24

एकमात्र परमेश्वरै छै जो तुमेरि रक्षा कर सकछो, और तुमून निर्दोष और आनन्दित बना सकछो, जब उ तुमून अपूनी महिमा में अपून सामुनि ठाड़ करछो। उले हमून हमार प्रभु यीशु मसीह का द्वारा बचाछ। महिमा, गौरव, सामर्थ और अधिकार हमारा प्रभु यीशु मसीह का द्वारा जसकैं हमेशा भटे छै, अब हो, और हमेशा-हमेशा तक रौ। आमीन।

प्रकाशितवाक्य 13:8

संसारा का सब लोग उकी पूजा करून लाग्यान। सिर्फ उनी लोगून ले उकी पूजा नै करि जिनारा नाम संसारा बनून है पैलि जीवन की किताब में लिखीना का छ्या। यो जीवन की किताब उ मेम्ना की किताब छै जैस बलिदान का रूप मारिना को छ्यो।

प्रकाशितवाक्य 17:8

जो जानवर स तैले एल देखछ्य, एक बखत ज्यून छ्यो, लेकिन अब ज्यून नाहातिन; उ गैरा गड्डा भटे भ्यार उनवालो छै और परमेश्वर ऊस पुर तरीका ले नाश कर द्योलो; और संसारा का लोग जिनारा नाम संसार बनून है पैलि जीवनै की किताब में नै लिख रै, उन सब हैरान हो जाला जब उन यो जानवरै स देखाला। जो एक बखत ज्यून छ्यो; अब उ ज्यून नाहातिन; लेकिन उ फिर वापस आ जालो।

प्रकाशितवाक्य 19:8

परमेश्वरे ले मेम्ना स साफ, चमकदार मलमल का बनिना का कपाड़ा पैनून खिन दीयान।” क्याखिनकि उ चमकदार मलमल को मतलब, परमेश्वरा का लोगून का धर्माका काम छन।

प्रकाशितवाक्य 2:11

जो कोई यो बात स सुण सकछो जो मैं कुनमर्यू, उन यो समझना की कोशिश करून कि, पवित्र आत्मा विश्वासीन की मण्डली थैं कि कुंछो: उन लोग जो बुराईस हरा दीनान, उनून उ दण्ड में शामिल नी करि जालो जो कि दुसरी मौत छै।

प्रकाशितवाक्य 2:7

जो कोई यो बात स सुण सकछो जो मैं कुन मरयू, उ यो समझना की कोशिश करो कि, पवित्र आत्मा विश्वासीन की मण्डली थैं कि कुंछो: उन लोग जो शैतानी ताकतून हरूनान, उनून मैं जीवन दीन वाला रूख भटे फल खाना को हुकुम द्यूलो, जो परमेश्वरा का स्वर्गलोक में छै।”

प्रकाशितवाक्य 20:12

और मैंले मरिना का लोगून उ सिंहासन का सामुनि ठाड़ देखछै, मतलब उनून जो खास और आम लोग छन। और समुन्द्र ले अपूना मुर्दान दी द्याला जो उमें छ्या, और सब मरिना का लोग, और अधोलोक और धरती ले अपूना-अपूना मुर्दान दी द्याला। और किताब खोलि ग्यान, जैमें जीवनै की किताब ले शामिल छै। और किताबून में लिखीना का बातुन का अनुसार उनोरो न्याय करि ग्यो, उक अनुसार जो उनूनले करिना को छ्यो। उन सबून को उनार कामून का अनुसार न्याय करि ग्यो।

प्रकाशितवाक्य 21:27

और कोई ले अशुद्ध चीज उ शैहर में प्रवेश नी करली। कोई ले जो गन्दा काम करनान या झूठ बोलनान वाँ प्रवेश नी कराला। वाँ केवल उनी लोग प्रवेश कर सकनान जिनारा नाम जीवनै की किताब में लिखी ग्यान, यो उ किताब छै जैमें उन लोगून का नाम लिखीनाका छन जिनारा पास अनन्त जीवन छै।

प्रकाशितवाक्य 22:19

और अगर तुम यो किताब की भविष्यवाणी की संदेशून में भटे केले निकालछा त परमेश्वर तुमूनथैं उन आशीषून ली ल्योलो जिनारा बारिमें यो किताब में बताईना को छै। त परमेश्वर ऊस जीवन का रूखो को फल खाना को और पवित्र शैहर में रूना को तुमोरो अधिकार ले छीन ल्योलो।

प्रकाशितवाक्य 3:12

जो आदिमी शैतानी ताकतून हरा द्योलो, उ परमेश्वरा का मन्दिर में एक खम्भाक जसो होलो, जैकी मैं सेवा करछूँ और उनून ऊस कभै ले छोड़ून नी पड़ोलो। मैं उमें अपूनो परमेश्वरो को नाम लिखलो, यो दिखाभेरन कि उन उक छन और परमेश्वरो को शैहरो को नाम लिखूलो, यो उई छै जैस नय्या यरूशलम शैहर कयी जाछो। यो उई शैहर छै जो स्वर्ग भटे, मतलब म्यारा परमेश्वरा का तरफ भटे तलि आलो। मैं उमें अपूनो नय्या नाम ले लिखूलो।

प्रकाशितवाक्य 3:4

लेकिन सरदीस शैहरा का विश्वासीन की मण्डली में तुमार बीच थ्वाड़ाई लोग छन, जिनूनले विश्वासी का होभेरन साफ जीवन जीछ। उन साफ सफेद कपाड़ा पैन भेरन म्यारा दगाड़ रोला, किलैकी उन इसा लायक छन।

प्रकाशितवाक्य 6:11

उनूनमें भटे हरेक स एक सफेद कपाड़ा दीई ग्यो। और परमेश्वरेले उनूनथैं क्योछ, “एल आराम करा, किलैकी आजि ले तुमार कुछ दगड़िया और तुमार विश्वासी भाई छन जिनून तुमार नियाती मार डाली जालो। जब मारी जानवालान की संख्या पुरी हो जालि, तभै मैं बदला ल्यूलो।”