प्रकाशितवाक्य 3:4 - सोरियाली नय्या नियम

⁴ लेकिन सरदीस शैहरा का विश्वासीन की मण्डली में तुमार बीच थ्वाड़ाई लोग छन, जिनूनले विश्वासी का होभेरन साफ जीवन जीछ। उन साफ सफेद कपाड़ा पैन भेरन म्यारा दगाड़ रोला, किलैकी उन इसा लायक छन।

प्रकाशितवाक्य 3:4 Iomraidhean Croise

मत्ती 10:11

जो कोई नगर या गौं में तुम जा, त पत्तो करा कि वाँ को भलो छै? जब तक वाँ भटे नै निकला, तब तक उई घर में मेहमान बनभेरन रया।

मरकुस 16:5

और उन स्यैनिन ले कब्र का भितर जाभेरन एक नौ जवान स जेले भौत सफेद कपाड़ा पैनिना का छ्या, दैन तरफ बैठिना को देखछ्य। और उन भौत हैरान हो ग्या।

लूका 20:35

लेकिन जो लोग इसा योग्य होला, उन यो युग और मरिन में भटे ज्यून होला, उन नै तैं ब्या करला और ना ब्या करून खिन दी जाला।

लूका 21:36

येक कारण जागनै रौ और हर बखत प्रार्थना करनै रौ कि तुम इन सब ऊँन वाला संकटून है बचिना का रौ, और मैं आदिमी का च्याला का सामुनि ठाड़ हुना का योग्य बना।”

प्रेरितून का काम 1:15

उनी दिनून में जब वाँ लगभग एक सौ बीस विश्वासी लोग जाम छ्या। तब पतरस उनार बीच में ठाड़ है भेरन कुन लागछ,

2 थिस्सलुनीकियों 1:5

तुम दुख उठून मरैछा और योई तुमून परमेश्वरा का राज्य में प्रवेश करून योग्य बनूछो, यो बात को सबूत छै कि परमेश्वर धार्मिकता ले न्याय करोलो।

यहूदा 1:23

थ्वाड़ा दुसारा लोग जिनून तुम जाणछा, उन नरक का तरफ जानमर्यान। उनून उ अनन्त आग भटे जल्दी खीचभेरन बचा ली। और दुसरान में ले दया दिखा। लेकिन फिरले ऊसो तरीका को पाप करून है बचुन खिन सतर्क रौ। याँ तक कि उन कपड़ान भटे ले नफरत करा जिनूनमें उनूनले अपून पापी कामून ले दाग लगायान।

प्रकाशितवाक्य 1:11

उले मैंथैं क्योछ, “जो कुछ तै देखछै, ऊस किताब में लिखभेरन येस उन सातों विश्वासीन की मण्डली स भेज जो इन शैहरून में छन; मतलब इफिसुस, स्मुरना, पिरगमुन, थुआतीरा, सरदीस, फिलदिलफिया और लौदीकिया स।”

प्रकाशितवाक्य 11:13

उई बखत यरूशलम शैहर में एक भौत ठूलो भूचाल आछ, और शैहर में घरून को दसवाँ हिस्सा खिती ग्यो; और उ भूचाल ले सात हजार लोग मरि ग्या, और जो लोग बच गैछ्या उन डरले रून लाग्यान और उ परमेश्वरै की महिमा करून लाग्यान जो स्वर्ग में छै।

प्रकाशितवाक्य 14:4

यो उन छन जो पवित्र जीवन जीनान। यो उन लोगून का जसा छन जिनूनले एक बार ले नाजायज रिश्ता नै बनायो और नै इनूनले कभै कोई चीज की पूजा करछ्य, यो सिर्फ मेम्ना की पूजा करनान जाँ काँई मेम्ना जाछो, इन लोग उक पछिल जानान। यो उन छन जो धरती में सब लोगून है अलग करि ग्यान। जसकैं लोग अपून गाड़ान फसल को निको हिस्सा परमेश्वर स दीनान उसीकैं यो लोग ले अपून जीवन स पुरी पवित्रता का दगाड़ परमेश्वर और मेम्ना स दीनान।

प्रकाशितवाक्य 19:14

स्वर्ग भटे सिपाईन की ठूली भीड़ उक पछिल-पछिल गैछ, यो सैनिक सफेद घोड़ान में बैठिनाका छ्या और उनूनले सफेद मलमल का कपाड़ा पैनिना का छ्या।

प्रकाशितवाक्य 19:8

परमेश्वरे ले मेम्ना स साफ, चमकदार मलमल का बनिना का कपाड़ा पैनून खिन दीयान।” क्याखिनकि उ चमकदार मलमल को मतलब, परमेश्वरा का लोगून का धर्माका काम छन।

प्रकाशितवाक्य 3:18

येक कारण ले, मैं तैंस आग ले शुद्ध करिना को सुना स मैंथै मोल लीना की सलाह दीछूँ ताकि तै सच्ची में धनवान बन सके। तैंस अपून पैनून खिन सफेद कपाड़ा मैंथै मोल लीन चैंछो ताकि तै लोगून का द्वारा तैंस नंगो देखना की शर्मिदगी भटे बच सके। तैंस अपून आँखान में डालून खिन थ्वाड़ा सुरमा ले मैंथै मोल लीन चैछो, ताकि तै देख सके।

प्रकाशितवाक्य 3:5

जो आदिमी शैतानी ताकतून हरा द्योलो, उले इनारा नियाती सफेद कपाड़ा पैनोलो। मैं उ आदिमी को नाम उ किताब में है नी मिटूलो जैमें उन लोगून का नाम लिखीना का छन जिनारा पास सच्चो जीवन छै। जब कि मैं अपून पिता और स्वर्गदूतून का सामुनि ठाड़ हुलो जो उकी सेवा करनान, त मैं घोषणा करूलो कि उन म्यारा छन।

प्रकाशितवाक्य 4:4

उ सिंहासन का चारू तरफ चौबीस और सिंहासन छन। और इन सिंहासनून में चौबीस प्राचीन सफैद कपाड़ा पैन भेरन बैठिना का छन, और उनार ख्वारान में सुनाक मुकुट छन।

प्रकाशितवाक्य 6:11

उनूनमें भटे हरेक स एक सफेद कपाड़ा दीई ग्यो। और परमेश्वरेले उनूनथैं क्योछ, “एल आराम करा, किलैकी आजि ले तुमार कुछ दगड़िया और तुमार विश्वासी भाई छन जिनून तुमार नियाती मार डाली जालो। जब मारी जानवालान की संख्या पुरी हो जालि, तभै मैं बदला ल्यूलो।”

प्रकाशितवाक्य 7:9

येका बाद मैंले देखछ्य कि लोगून की एक इतुक ठूली भीड़ छी कि कोई ले उनून नी गिन सकछ्यो। उन संसारै की हर जाति भटे, हर कुल में भटे, हर राज्य में भटे और भाषा का लोग छ्या। उन सिंहासन और मेम्‍ना का सामुनि ठाड़ छ्या। उनूनले सफेद कपाड़ा पैनिना का छ्या और हरेक आदिमी ले अपून-अपून हात में खजूरा हांगा पकड़िनाक छ्या जो कि एक उनार सम्मान को चिन छ्यो।