प्रकाशितवाक्य 3:16 - सोरियाली नय्या नियम

¹⁶ येक कारण मैंस पतो छै कि तै नै त मैंमें अपून विश्वास को इनकार करून मरेछै और नै अपून पुर मनले मैंस प्रेम करछै, किलैकी तै म्यारा प्रति अपून विश्वास में सिर्फ आधा-अधूरो छै, येक कारण मैं तैंस अपून है दूर करून खिन तैयार छूँ।

प्रकाशितवाक्य 3:16 Iomraidhean Croise

प्रकाशितवाक्य 2:5

येक कारण याद कर कि तैले शुरूवाद में मैंस कसो प्रेम करछ्य और अब तै मैंस ऊस प्रेम नै करनै। यो बात ले पश्चाताप कर और तै मैंस ऊसोई त प्रेम करून शुरू कर जसो तैले शुरूवाद में करछ्य। अगर तै पश्चाताप नी करले त मैं त्यारा पास ऊँलो और जाँ तेरो दीपदान राख रैछ ऊस वाँ भटे हटाभेरन तैंस दण्ड द्यूलो।

प्रकाशितवाक्य 3:15

मैं तेरा कामून निकीकैं जाणछूँ कि तै नै त मैंमें अपून विश्वास भटे इनकार करून मरेछै और नै मैंस पुर मनले प्रेम करछै मैं चाछूँ कि या त तै मेरो इनकार कर दे या मैंस पुर मनले प्रेम कर।

प्रकाशितवाक्य 3:17

तै कुछै कि तै धनवान छै और त्यारा पास उ सब छै जैकी तैंस जरूरत छै, लेकिन तै नै जाणनै कि येको सच यो छै कि, तैमें तरस ऊँछो। किलैकी सच यो छै कि तै गरीब छै, तेरा पास कपाड़ा नाहातिन, और तै अन्धो छै।