प्रकाशितवाक्य 3:12 - सोरियाली नय्या नियम

¹² जो आदिमी शैतानी ताकतून हरा द्योलो, उ परमेश्वरा का मन्दिर में एक खम्भाक जसो होलो, जैकी मैं सेवा करछूँ और उनून ऊस कभै ले छोड़ून नी पड़ोलो। मैं उमें अपूनो परमेश्वरो को नाम लिखलो, यो दिखाभेरन कि उन उक छन और परमेश्वरो को शैहरो को नाम लिखूलो, यो उई छै जैस नय्या यरूशलम शैहर कयी जाछो। यो उई शैहर छै जो स्वर्ग भटे, मतलब म्यारा परमेश्वरा का तरफ भटे तलि आलो। मैं उमें अपूनो नय्या नाम ले लिखूलो।

प्रकाशितवाक्य 3:12 Iomraidhean Croise

मरकुस 12:16

तब उन एक सिक्का ल्यान, यीशु ले उनूनथैं क्योछ, “यो सिक्का में कैको छाप और कैका नाम छै?” उनूले जबाब दीछ, “महाराजा को।”

गलातियों 2:9

जो आदिमी विश्वासीन की मण्डली का खम्बा समझी जाछ्या, याकूब, कैफा और यहूना, उनूनले अनुग्रह को उ बरदान पछ्याण छै जो मैंस मिलीना को छै। उनूनले मैंस और बरनबास स अपूनो सहयोगी समझभेरन हमून अपून दगाड़ संगति करना को मौका दीछ। उन यो बात खिन सहमत भ्यान कि हम गैर-यहूदीन का पास जाँ और उन खतना करिना का यहूदीन का पास जाला।

इफिसियून 3:15

वह एक छै जो विश्वासीन का पुर परिवार को पिता छै जो स्वर्ग में छै और धरती में छै।

इब्रानियों 12:22

तुम सिय्योन पहाड़ा का पास आईना का छा, जो स्वर्गीय यरूशलम शैहर छै, और जीवित परमेश्वरो को शैहर छै, जाँ लाखू स्वर्गदूत खुशी को पर्व मनूनान।

इब्रानियों 13:14

किलैकी यो संसार में हमोरो हमेशा रून खिन घर नाहातिन, लेकिन हम उ स्वर्गीय घरा का खोज में छा, जो हमेशा खिन छै।

1 यहूना 4:4

हे नान्तिनो, तुमले परमेश्वरा का बारिमें झूठ्ठा संदेश दीन वाला लोगून में जीत पाछ, क्याखिनकि पवित्र आत्मा जो तुमून में छै, उ शैतान है जो यो संसार में राजा करछो उ है महान छै।

प्रकाशितवाक्य 14:1

येक बाद, मैंले कुछ और देखछ्य, मैंले सिय्योन पहाड़ में मेम्ना स ठाड़ होईना को देखछ्य, और उक दगाड़ एक लाख चौवालीस हजार लोग छ्या, उनार कपाल में मेम्ना को नाम और उक बबा को नाम लिखीना को छ्यो।

प्रकाशितवाक्य 17:14

जानवर और दस राजान ले मेम्ना का बिरोध में लड़ाई लड़ाला, लेकिन मेम्ना उनून हरा द्योलो, किलैकी उ प्रभुन को प्रभु और राजान को राजा छै, उक लोग उन छन जिनून परमेश्वर ले बुला रैछ और चुन रैछ, और जो उक प्रति वफादार छन।

प्रकाशितवाक्य 2:11

जो कोई यो बात स सुण सकछो जो मैं कुनमर्यू, उन यो समझना की कोशिश करून कि, पवित्र आत्मा विश्वासीन की मण्डली थैं कि कुंछो: उन लोग जो बुराईस हरा दीनान, उनून उ दण्ड में शामिल नी करि जालो जो कि दुसरी मौत छै।

प्रकाशितवाक्य 2:17

जो कोई यो बात स सुण सकछो जो मैं कुनमर्यू, उ यो समझना की कोशिश करून कि, पवित्र आत्मा विश्वासीन की मण्डली थैं कि कूछो: उन लोग जो बुराई की शक्ति स हरूनान, मैं उनून उ मन्ना में भटे के द्यूलो जो लुकाईनाको छै। मैं उनूनमें भटे हरेक स एक सफेद ढ़ुगो ले द्यूले, जैमें एक नय्या नाम लिखीनाको होलो। जो आदिमी ऊस प्राप्त करोलो, ऊस छोड़भेरन कोई ले उ नाम स नै जाण सकलो।

प्रकाशितवाक्य 2:7

जो कोई यो बात स सुण सकछो जो मैं कुन मरयू, उ यो समझना की कोशिश करो कि, पवित्र आत्मा विश्वासीन की मण्डली थैं कि कुंछो: उन लोग जो शैतानी ताकतून हरूनान, उनून मैं जीवन दीन वाला रूख भटे फल खाना को हुकुम द्यूलो, जो परमेश्वरा का स्वर्गलोक में छै।”

प्रकाशितवाक्य 21:2

येक बाद फिर मैंले पवित्र शैहर स ले देखछ्य, जो कि नय्या यरूशलम शैहर छै, जो स्वर्ग भटे परमेश्वरा का तरफ भटे तलि ऊनमर्योछ। उ शैहर स एक ब्योलक नियाती तैय्यार करि ग्योछ, जैक कपाड़ा पैनाई ग्यान और सजाई-धजाई ग्योछ और जो ब्योलो थैं ब्या करून खिन तैय्यार छै।

प्रकाशितवाक्य 22:4

उन लोग परमेश्वरेस आमुनि-सामुनि दिखाला, और परमेश्वरो को नाम उनार कपाल में लिखीना को होलो।

प्रकाशितवाक्य 3:5

जो आदिमी शैतानी ताकतून हरा द्योलो, उले इनारा नियाती सफेद कपाड़ा पैनोलो। मैं उ आदिमी को नाम उ किताब में है नी मिटूलो जैमें उन लोगून का नाम लिखीना का छन जिनारा पास सच्चो जीवन छै। जब कि मैं अपून पिता और स्वर्गदूतून का सामुनि ठाड़ हुलो जो उकी सेवा करनान, त मैं घोषणा करूलो कि उन म्यारा छन।