प्रकाशितवाक्य 3:10 - सोरियाली नय्या नियम

¹⁰ तैले म्यारा संदेश मानछ्य ताकि जब तै दुख उठालै त ऊस बड़ा धैर्य का दगाड़ सहन कर सके। योई कारण, मैं उ ठूली परीक्षा का बखत तेरि रक्षा करूलो। जो यो संसाराक सब लोगून में आलो।

प्रकाशितवाक्य 3:10 Iomraidhean Croise

मत्ती 24:14

और परमेश्वरो को राज्यो को यो सुसमाचार पुरा संसार में सुणायी जालो, ताकि सबै जातिन का लोगून ग्रहण करना को मौक मिल्लो, तब दुनिया को अन्त आ जालो।

मत्ती 26:41

जागिना का रौ और प्रार्थना करनै रौ कि तुम परीक्षान में नै पड़ा, आत्मा तैय्यार छै, लेकिन शरीर कमजोर छै।”

मत्ती 6:13

और हमून परीक्षा में जन पड़ून दे, और हमून बुराई भटे बचौ; (क्याखिनकि राज्य पराक्रम और महिमा सदा की तेरि छै। आमीन)।

मरकुस 14:9

मैं तुमूनथैं सच्ची कुंछूँ, सारा दुनिया में जाँ ले सुसमाचार सुणाई जालो, वाँ येक काम की चर्चा ले उक याद में करि जालि।”

लूका 2:1

यो उन दिनून की घटना छै, जब रोमी महाराजा औगुस्तुस कैसर ले यो हुकुम दीछ, कि सारे रोमी सम्राज्य का लोगून की गिनती करभेरन उनार नाम लिखी जून।

यहूना 17:6

“मैंले तेरो नाम उन शिष्यून में प्रगट करछ्य, कि तैं को छै, जिनून तैंले संसार में मैंस दीयान, उन त्यारा छ्या और तैंले उनून मैंस दीयान और उनूनले त्यारा शिक्षान को पालन करछै।

रोमियून 1:8

सबून है पैलि में तुम सबून खिन यीशु मसीहाक द्वारा अपून पिता परमेश्वरो को धन्यवाद करछूँ, किलैकी यीशु मसीह में तुमार विश्वास की चर्चा पुरो संसाराक लोगून में हुनमरेछ।

1 कुरिन्थियून 10:13

पाप करूना की इच्छा हम सबून का पास जरूर ऊँछी, मगर परमेश्वर सच्चो छै। उ तुमून कोई इसी परीक्षा में नी पड़ून द्योलो, जो तुमेरि ताकत है भ्यार हो लेकिन उ परीक्षा का दगाड़ उपाय ले करोलो कि तुम विश्वास में मजबूत रै सका।

2 तीमुथियुस 2:12

अगर हम उक कारण दुख सहनू, त उक दगाड़ राजा ले कराला, अगर हम उको इन्कार कराला, त उले हमोरो इन्कार करोलो।

याकूब 3:12

हे म्यारा प्यारा दगड़ियो, क्या तिमूला का रूख में जैतून लागनानी, या अंगूरा का ब्याला में तिमूलो लाग सकनानी? उसीकैं नमकीन कुआँ भटे मिठो पानि नै निकल सकनो।

1 पतरस 4:12

हे म्यारा विश्वासी भाईयो, जो दर्दनाक दुख तुम सहछा, उनार बारिमें हैरान जन हो, किलैकी तुम मसीह का छा। लेकिन यो बात दिखून खिन हो रैछ कि क्या तुम सच्ची में परमेश्वर में विश्वास करछा। येक कारण, यो जन सोचा कि तुमार दगाड़ कुछ अजीब घटना होर्यान।

2 पतरस 2:9

जब की परमेश्वरे ले इन सारी चीजून कर रैछ, त यैले पत्तो चलछो कि उ जाणछो कि अपून लोगून उनार दुखून भटे कसकैं छुड़ून छै, और यो ले जाण छै कि कसा बुरा लोगून न्याय दिन तक लगातार सजा दिन छै।

प्रकाशितवाक्य 1:9

मैं, यहूना, जो मसीह में तुमोरो दगड़िया छूँ, तुमार नियाती सताई जाछूँ। मैं परमेश्वर क राज्यो को एक नागरिक छूँ जसकैं तुम छा, और मैंस ले अपूनी परेशानीन उसीकैं धैर्य दगाड़ सहन करूनो चैछो जसकैं तुम करछा। मैं परमेश्वरा का बचन को प्रचार करून और यीशु का बारिमें बतूना का कारण पतमुस टापू में भेज दी गैछ्यू।

प्रकाशितवाक्य 11:10

उनेरि मौत है पैलि, उन द्वी गवान ले बिपत्तिन का द्वारा लोगून परेशान करिना को छ्यो कि जब लोगून ले सुणछ्य कि उन मर ग्यान, त उन भौत खुश होग्या। इतुक की उन खुशी ले जशन मनून लाग्यान, और एक-दुसरा स ईनाम दीन लाग्यान।

प्रकाशितवाक्य 13:10

जिन लोगून को कैद में जानो तय छै, उन जरूर कैद में डाली जाला, और जिन लोगून तलवार ले मारी जान छै, उनून तलवारे ले मारी जालो। येक कारण परमेश्वरा का लोगून को दुख सहन में धैर्य राखून चैछो और उमें विश्वास करून जारी राखून चैछो।

प्रकाशितवाक्य 13:14

भौत लोग उ दुसारा जानवरक चमत्कारा का कामून देखभेरन ध्वाका खा ग्या जो पैला जानवरै की शक्ति ले देखूछ्यो। दुसारा जानवरक द्वारा लोगून थैं कयी ग्यो उन उ पैला जानवरै की पूजा करून खिन एक मूर्ति बना, जो तलवारै घायल करि गेछ्यो, लेकिन उ फिर चंगो हो गेछ्यो।

प्रकाशितवाक्य 13:8

संसारा का सब लोग उकी पूजा करून लाग्यान। सिर्फ उनी लोगून ले उकी पूजा नै करि जिनारा नाम संसारा बनून है पैलि जीवन की किताब में लिखीना का छ्या। यो जीवन की किताब उ मेम्ना की किताब छै जैस बलिदान का रूप मारिना को छ्यो।

प्रकाशितवाक्य 14:12

किलैकी यो बात हुन वाली छन, परमेश्वरा का लोगून धैर्य राखून चैछो। पवित्र लोगून को धीरज येमें छै, यो उ लोग छन जो परमेश्वरा का हुकमून माननान और यीशु में विश्वास बना राखनान।

प्रकाशितवाक्य 14:6

फिर मैंले एक स्वर्गदूत स आकाश का बीच में उड़ून देखछ्य, उ स्वर्गदूता का पास उ सुसमाचार छ्यो जो कभै नै बदलनो, उ संसार में रूनवालान लोगून खिन, हरेक जाति, और हरेक कुल, और सब भाषान में येकी घोषणा करछ्य।

प्रकाशितवाक्य 16:14

इन भूतून का पास चमत्कार करना की शक्ति छी और उनूनले जाभेरन उन लोगून जामा करछ्य जो यो संसारा का सारा देशून में राज्य कर छ्या ताकि उन सर्वशक्तिमान प्रभु परमेश्वरा का महान दिन में उक खिलाफ लड़ाई लड़ून खिन जून।

प्रकाशितवाक्य 17:2

जैका दगाड़ संसारा का राजान ले ब्यभिचार करछ्य, और संसारा का लोग उक ब्यभिचार की मदहोश करून वाली शराब ले धुत हो गैछ्या।”

प्रकाशितवाक्य 17:8

जो जानवर स तैले एल देखछ्य, एक बखत ज्यून छ्यो, लेकिन अब ज्यून नाहातिन; उ गैरा गड्डा भटे भ्यार उनवालो छै और परमेश्वर ऊस पुर तरीका ले नाश कर द्योलो; और संसारा का लोग जिनारा नाम संसार बनून है पैलि जीवनै की किताब में नै लिख रै, उन सब हैरान हो जाला जब उन यो जानवरै स देखाला। जो एक बखत ज्यून छ्यो; अब उ ज्यून नाहातिन; लेकिन उ फिर वापस आ जालो।

प्रकाशितवाक्य 2:10

उन दुखून भटे जन डर जो तैंस मिलाला। शैतान तुम में भटे थ्वाड़ा लोगून जेलखान में डालून वाला छै ताकि उ तुमेरि परीक्षा कर सको। तुम दस दिनून तक भौत मुसीबतून में रौला। पर मैंमें विश्वास करूनो कभै नी छोड़ला, चाहे तुमून मरनोई क्याखिन नै पड़ो, किलैकी मैं तुमून तुमेरि जीत को ईनामा का रूप में अनन्त जीवन द्यूलो।

प्रकाशितवाक्य 3:8

मैं जाणछूँ कि तै कि करछै, तै कसी मेहनत करछै और कभै हार नै माननै, सुण मैं यो ले जाणछूँ कि तैमें सिर्फ थ्वाड़ा क्षमता छै, लेकिन फिरले तैंले मेरि कईना की बातुन में विश्वास करछ्य और तैले इन बात भटे मना नै कर्यो कि तै मैंमें विश्वास करछै। येक कारण इसो के छै जो एक इसो द्वार जसो छै जैस मैंले तैखिन खोल दीछ, जैस कोई ले बंद नै कर सकूनो।

प्रकाशितवाक्य 6:10

और उनूनले जोरले धधया भेरन परमेश्वर थैं क्योछ, “हे पवित्र और सच्चा प्रभु; तै धरती में रूनवालान उन बुरा लोगून दण्ड दीन में इतुक ज्यादा देर किलै करून मरैछ? हम बिनती करनू कि तै उन लोगून का ब्यवहार को बदला ले जिनूनले हमून मार डालछ्य।”

प्रकाशितवाक्य 8:13

जब मैंले फिर देखछ्य, त मैंले एक बाज स आकाश में ऊँचा में उड़ून और जोरले यो कुंन सुणछ्य, उन दुष्ट लोगून में बिपत्ति आलि जो धरती में रूनान, किलैकी जब आखरी तीन स्वर्गदूतून ले तुरी बजाला, तब तीन बिपत्ति बाकि छन जो उनून मारली, धरती में रूनवालान में हाय, हाय, हाय।