प्रकाशितवाक्य 22:1 - सोरियाली नय्या नियम

¹ तब स्वर्गदूत ले मैंस एक नदी दिखाछ जैमें जीवनो को पानि छ्यो। पानि साफ काँचा का नियाती चमक छ्यो। यो नदी परमेश्वर और मेम्ना का सिंहासन का तलि भटे बगून मरेछी।

प्रकाशितवाक्य 22:1 Iomraidhean Croise

यहूना 13:32

और परमेश्वर ले अपून च्याला की महिमा करोलो, और तुरन्त कराला।

यहूना 15:26

मैं पिता परमेश्वरा का तरफ भटे तुमून खिन एक मद्दगार भेजूलो। उ पवित्र आत्मा छै जो पिता परमेश्वरा का तरफ भटे उछो और जो सत्य छै उ प्रकट करछो। जब उ आलो, त उ तुमून म्यारा बारिमें बतालो।

यहूना 4:14

लेकिन जो कोई उ पानि में भटे पियोलो जो मैं ऊस द्यूलो, ऊस फिर कभै प्यास नी हो लेकिन जो पानि मैं ऊस द्यूलो उ उमें भटे एक पानि को स्रोत बनि जालो जो अनन्त जीवन खिन पानि दीनै रौलो।

प्रेरितून का काम 2:33

अब उ स्वर्ग में परमेश्वरा का दैन हाता का तरफ सबून है ऊँचा जाग में बैठिनाका छै। पिता परमेश्वरे ले जसो वादा करिना को छ्यो, ऊस पवित्र आत्मा दीछ, और उले पवित्र आत्मा हमून दीछ। जो आज तुम देखछा और सुणछा।

प्रकाशितवाक्य 1:1

यो किताब उन बातुन का बारिमें बतूछी जो परमेश्वरेले यीशु मसीह स दिखाछ। परमेश्वरेले ऊस दिखाछ ताकि उ अपून सेवकून उन घटनानका बारिमें बता सको जो जल्दी होला। यीशु ले अपून स्वर्गदूत स उ संदेशा का दगाड़ म्यारा पास मतलब अपून दास यहूना का पास भेजछ्य।

प्रकाशितवाक्य 21:11

परमेश्वरा का तरफ भटे मिलून वालो तेज उज्याला ले नय्या शैहर चमकून मर्यो छ्यो, और को उज्यालो भौत कीमती ढ़ुगो, मतलब यशब नामक कीमती ढ़ुगा की नियाती चमकून मरेछी और काँचाक नियाती साफ छ्यो।

प्रकाशितवाक्य 21:6

फिर उले मैंथैं क्योछ, सब बात पुरी हो ग्यान। “मैं अल्फा और ओमेगा, पैलो और अन्त छूँ। जो कोई ले पानि तिस्सो छै, मैं ऊस उ पानि का स्त्रोत भटे फिरीमें पानि पिन खिन द्यूलो जो अनन्त जीवन दीछो।”

प्रकाशितवाक्य 21:9

फिर जिन सात स्वर्गदूतून में भटे एक ले जिनूनले मनुष्य जाति में सात आखरी मुसिबतुनले भरिनाका सात कटोरा खड़ाईनाक छ्या, मैंथैं बात करछ्य, उले क्योछ, याँ अ, मैं तैंस ब्योलि देखूलो जैको जल्दी ही मेम्ना का दगाड़ ब्या हो ज्यालो।

प्रकाशितवाक्य 22:17

परमेश्वरो को आत्मा और मेम्ना की ब्योलि यीशु थैं कुछी, “तैंस जरूरी उन चैंछो।” हरेक जो यो सुणछो, ऊस ले यो कुन चैंछो, “आ!” जो कोई ले प्यासो छै, उ याँ अ। उ पानि स पिया जो जीवन दीछो, जो सबून मुफ्त में दीई जाछो जो ऊस पिन चांनान।

प्रकाशितवाक्य 22:6

फिर स्वर्गदूत ले मैंथैं क्योछ, “जो बात तुमूनले सुणछ्य और देखीना का छन, तैं उनूनमें विश्वास कर सकछै, इन बात सत्य छन और जरूर पुरी होलि। और स्वर्गदूत स उ संदेशा का दगाड़ म्यारा पास येक कारण भेजछै कि अपून दासून उन बातुन का बारिमें बता सकां जिनोरो जल्दी पुरो हुनो जरूरी छै।”

प्रकाशितवाक्य 3:21

जो आदिमी शैतानी ताकतून हरा द्योलो, मैं ऊस अपून दगाड़ सिंहासन में बैठूना को अधिकार द्यूलो। यो बिल्कुल म्येरो जसो होलो, जसकै मैंले शैतानी ताकतून हरा दीछ और अपून पिता का दगाड़ सिंहासन में बैठ गयूँ।

प्रकाशितवाक्य 5:13

फिर मैंले स्वर्ग में, और धरती में, और धरतीका तलि, और समुद्र की सब बनाईना की चीजून, और सब कुछ जो उनूनमें छै, यो कुन सुणछ्य, “आ हम उकी महिमा करा जो सिंहासन में बैठिना को छै। आ हम मेम्ना की महिमा करा। आ हम हमेशा खिन उको आदर करा और ऊस सम्मान दी, किलैकी उ सबून है ज्यादा शक्तिशाली छै।”

प्रकाशितवाक्य 5:6

तब मैंले एक मेम्‍ना स देखछ्य जो सिंहासन और चार ज्यून प्राणिन और चौबीस प्राचीनून का बीच में ठाड़ छ्या। मेम्‍ना का शरीर में इसा चिन्न छ्या कि ऊस पैलि मारिना को छ्यो; उक सात सींग और सात आँखा छ्या; इन परमेश्वरे की सात आत्मा छन, जो सारी धरती में भेजिना की छन।

प्रकाशितवाक्य 7:17

किलैकी मेम्‍ना जो सिंहासन का बीच में छै, उ उनेरि देखभाल करोलो, उसीकैं जसीकैं एक ग्वाला अपूनी भेड़ून की देखभाल करछो। उ उनून उ ताज पानि का झरना का पास ली जालो जो लोगून जीवन दीछो। और परमेश्वर उनार आँखून का आँसून पोछ भेरन उनार सब दुखून दूर कर द्योलो।”