प्रकाशितवाक्य 21:4 - सोरियाली नय्या नियम

⁴ परमेश्वर उनार आँखान भटे सब आँसून पोछि द्याला; और कोई ले कभै दुख महसूस नी कराला। रौला नै, पिड़ो को अनुभव नी कराला, और नै मौत रोलि, किलैकी पुरान संसारे की सारी चीज गायब हुनै रोलि।”

प्रकाशितवाक्य 21:4 Iomraidhean Croise

मत्ती 24:35

यो आकाश और धरती ले नाश हो जाला, लेकिन जो बात मैंले कै राख्यान, उ हमेशा तक रौला।

1 कुरिन्थियून 15:26

जो दुशमनश सबून है आखरी में नाश करि जालो उ मौत छै।

1 कुरिन्थियून 7:31

और यो संसार में हमार पास जो कैले छै, हमून यो सोचून चैछो कि सब कुछ हमून खिन भौत कीमती नाहातिन, क्याखिनकि यो संसार में सब चीज नाश हो जालो।

2 कुरिन्थियून 5:17

येक कारण, अगर कोई मसीह में विश्वास करछो त उले एक नय्या स्वभाव पाईना को छै, पुरानी बात खत्म हो ग्यान और अब नय्या बात आ ग्यान।

2 कुरिन्थियून 6:17

येक कारण प्रभु हमूनथैं पवित्रशास्त्र का द्वारा कुंछो, “उन लोगून भटे अलग हो जा जो परमेश्वरा पछिल नै हिटना। और अपवित्र चीजून है दूर रौ, त मैं तुमून अपनूलो;

इब्रानियों 12:27

और यो बोल “एक बार फिर” यो बात स दिखूनान, कि बनाईना का चीज हिल जाला और हटा दी जाला। जो चीज हिलाई नै जानी, उन हमेशा बनिना का रूनान।

2 पतरस 3:10

लेकिन प्रभु को दिन अचानकै आलो जसीकैं कोई चोर अचानकै आ जाछो। उ बखत आकाश में गड़गड़ाट होलि, और आकाश गायब हो जालो। आकाश में सब कुछ, मतलब सूरज, चाँद और तारा पुर तरीका ले आगा ले नाश हो जाला। उ दिना परमेश्वर उन सब कामून प्रकट कर द्योलो जो लोगून ले करिना का छन ताकि उनोरो न्याय कर सकौ।

1 यहूना 2:17

संसार और उकी अभिलाषा द्वीवै खतम हो जाला, लेकिन जो परमेश्वर की इच्छा स पुरी करछो, उ हमेशा उमें बनिना को रौलो।

प्रकाशितवाक्य 20:14

उन सब लोग जिनारा नाम जीवनै की किताब में नी लिखीना का छ्या, उनून आगा की झील में खित दी ग्यो। येक बाद, अब मौत नाहातिन, अब मरिना वालान खिन कोई जाग नाहातिन, किलैकी उन सब लोग जिनारा नाम जीवनै की किताब में नी लिखीना का छ्या उनून आगा की झील में खित दी ग्योछ। यैस दुसरी मौत कई जाछो, जो कि आगा की झील में सजा छै।

प्रकाशितवाक्य 21:1

फिर मैंले एक नय्या स्वर्ग और एक नय्या धरती देखछ्य, क्याखिनकि पुरानो स्वर्ग और धरती अब नी छ्या। और अब समुन्द्र ले नी छ्यो।

प्रकाशितवाक्य 22:3

कोई ले जो परमेश्वरा का श्राप का अधीन में छै उ शैहर में नी होलो, लेकिन परमेश्वर और मेम्ना को सिंहासन उ शैहर में होला, और परमेश्वरा का सेवक उकी सेवा कराला।

प्रकाशितवाक्य 7:17

किलैकी मेम्‍ना जो सिंहासन का बीच में छै, उ उनेरि देखभाल करोलो, उसीकैं जसीकैं एक ग्वाला अपूनी भेड़ून की देखभाल करछो। उ उनून उ ताज पानि का झरना का पास ली जालो जो लोगून जीवन दीछो। और परमेश्वर उनार आँखून का आँसून पोछ भेरन उनार सब दुखून दूर कर द्योलो।”