प्रकाशितवाक्य 21:3 - सोरियाली नय्या नियम

³ फिर मैंले एक आवाज सुणछ्य जो परमेश्वरा का सिंहासन भटे जोरले बोलछ्य, “देख, अब परमेश्वरा का लोगून का बीच में अपूनो घर बनूलो। उन उनार दगाड़ रौल, और उन उनार लोग होला, परमेश्वर खुद, उनून अपून लोगूनका रूप में स्वीकार करोलो और उ उनार दगाड़ रोलो, और उन ले ऊस अपून परमेश्वरा का रूप में स्वीकार कराला।

प्रकाशितवाक्य 21:3 Iomraidhean Croise

यहूना 1:14

और बचन एक आदिमी बनछै; और अनुग्रह ले और सच्चाई भरिभेरन हमार बीच में डेरा करछ्य, और हमूले उकी इसी महिमा देखछ्य, जसीकैं पिता परमेश्वरा का तरफ भटे आईना का एकलौता च्याला की महिमा।

यहूना 14:23

यीशु ले उनुस जबाब दीछ, मैं अपूनास इसा लोगून दिखुछूँ जो मैंस प्रेम करनान, और जो म्यारा हुकमून मानोलो, और म्येरो पिता परमेश्वर उथैं प्रेम राखोलो, और हम उक पास ऊँला और उक दगाड़ रूला।

2 कुरिन्थियून 6:16

परमेश्वरा का मन्दिर में मूर्तिन की कोई जाग नाहातिन। किलैकी हम त जिन्दा परमेश्वरा का मन्दिर छा; जसो परमेश्वरेले पवित्रशास्त्र में कईना को छै, “मैं इन लोगून का दगाड़ रूलो और उनूनमें हिटूलो फिरूलो; और मैं उनोरो परमेश्वर हूँलो, और उन म्यारा लोग होलो।”

2 कुरिन्थियून 6:18

और मैं तुमोरो पिता हूँलो, और तुम म्यारा च्याला और चेलि होला; यो सर्वशक्तिमान प्रभु परमेश्वरो को बचन छै।”

1 थिस्सलुनीकियों 3:11

हम प्रार्थना करनू कि हमार पिता परमेश्वर और प्रभु यीशु मसीह तुमार पास उन खिन हमून खिन बाटो तैयार करून।

इब्रानियों 11:16

लेकिन सच्चाई यो छै कि उनून एक खास देश की आश छी, जो स्वर्ग में छै। येक कारण परमेश्वर उन लोगून को परमेश्वर कईजान में खुश छ्या, किलैकी उले उनून खिन एक शैहर तैयार करिना को छै।

इब्रानियों 8:10

फिर प्रभु कुंछो कि, जो नय्या वाचा उन दिनून में इस्राएलाक लोगून का दगाड़ करूँलो, उ यो छै कि, मैं उनून म्यारा नियम-कानून का बारिमें सोचून द्यूलो, और उन ऊस अपूनो मनून में राखाला, मैं उनोरो परमेश्वर बनूँलो, जैकी उन अराधना कराला।

इब्रानियों 8:2

हमोरो महायाजक स्वर्ग में भौत पवित्र जाग और उ सच्चो तम्बू को सेवक छै, जैस कोई आदिमी ले नै, लेकिन प्रभु ले ठाड़ करिना को छ्यो।

प्रकाशितवाक्य 10:4

जब सातूँ गर्जन की जोर की आवाज सुणाई दीछ, त जो मैंले सुणछ्य, ऊस मैं लिखून खिन तैय्यार छयूँ, लेकिन मैंले स्वर्ग भटे यो आवाज सुणछ्य, “जो बात गर्जन की आवाज में भटे सुणियान उनून गुप्त राख, और इन बातुन जन लिख।”

प्रकाशितवाक्य 10:8

तब मैंले फिर उ आवाज सुणछ्य, जेले स्वर्ग भटे मैंथैं बात करिना की छी। आवाज ले मैंथैं क्योछ,“जा, उ किताब स लीले जो स्वर्गदूता का हात में खुलीना की छै, जो समुन्द्र में ठाड़ छै।”

प्रकाशितवाक्य 12:10

फिर मैंले स्वर्ग भटे कैसे जोरले यो कुंन सुणछ्य, “अब हमोरो परमेश्वर अपून लोगून बचाल! और अब उ अपूनी सामर्थ को इस्तमाल करोलो और राजा की नियाती राज्य करोलो! अब उनोरो मसीह संसार में अपूनो अधिकारो को दावा करोलो! अब शैतान हमार परमेश्वरा का सामुनि ठाड़ हो भेरन हमार दगाड़ का भाईन में दिन-रात दोष नी लगालो। क्याखिनकि ऊस स्वर्ग भटे भ्यार खित दी हैछ।”

प्रकाशितवाक्य 21:7

उन लोग जो दुष्ट ताकतून हरूनान, उई मैंथैं इन सब आशीषून प्राप्त करोलो और मैं उको परमेश्वर हुंलो और उ मेरो च्योलो होलो।

प्रकाशितवाक्य 22:3

कोई ले जो परमेश्वरा का श्राप का अधीन में छै उ शैहर में नी होलो, लेकिन परमेश्वर और मेम्ना को सिंहासन उ शैहर में होला, और परमेश्वरा का सेवक उकी सेवा कराला।

प्रकाशितवाक्य 7:15

येक कारण उन परमेश्वरा का सिंहासना का सामुनि ठाड़ छन और उन हर बखत दिन और रात परमेश्वरा का घर में उकी सेवा करनान। उ जो सिंहासन में बैठिना को छै, उनार बीच रोलो और उनेरि देखभाल करोलो।