प्रकाशितवाक्य 21:1 - सोरियाली नय्या नियम

¹ फिर मैंले एक नय्या स्वर्ग और एक नय्या धरती देखछ्य, क्याखिनकि पुरानो स्वर्ग और धरती अब नी छ्या। और अब समुन्द्र ले नी छ्यो।

प्रकाशितवाक्य 21:1 Iomraidhean Croise

रोमियून 8:21

कि संसार उ दिनाको इन्तजार करूनमर्योछ जब यो मौत और विनाश ले छुट भेरन परमेश्वर की सन्तानून का दगाड़ महिमामय आजादी में भागीदार हो जालि।

2 पतरस 3:10

लेकिन प्रभु को दिन अचानकै आलो जसीकैं कोई चोर अचानकै आ जाछो। उ बखत आकाश में गड़गड़ाट होलि, और आकाश गायब हो जालो। आकाश में सब कुछ, मतलब सूरज, चाँद और तारा पुर तरीका ले आगा ले नाश हो जाला। उ दिना परमेश्वर उन सब कामून प्रकट कर द्योलो जो लोगून ले करिना का छन ताकि उनोरो न्याय कर सकौ।

2 पतरस 3:13

लेकिन हम विश्वासी लोग परमेश्वरा का वादा का अनुसार एक नय्या स्वर्ग और नय्या धरती की आश राखनू जाँ सिर्फ धर्मी लोग रूनान।

प्रकाशितवाक्य 13:1

तब मैंले एक जानवर स समुद्र में भटे निकलून देखछय, जैका दस सींग और सात ख्वारा छ्या। उक सींगून में दस राजमुकुट और उक हरेक ख्वारान में परमेश्वरे की बुराई का नाम लिखीना को छ्यो।

प्रकाशितवाक्य 20:11

फिर मैंले एक सफेद सिंहासन देखछै जैमें परमेश्वर बैठिना को छ्यो। लेकिन वाँ जाँ परमेश्वर बैठिनाको छ्यो, वाँ धरती और स्वर्ग सब गायब हो ग्या, और केले लै उनून फिर नै देख्यो।

प्रकाशितवाक्य 21:5

तब सिंहासन में बैठिना का आदिमी ले क्योछ, “देखा, मैं सब कुछ नय्या करून मर्यू।” फिर उले मैंथैं क्योछ, “इन बातुन लिख लै, क्याखिनकि जो मैं कुछूँ तैं उमें विश्वास कर सकछै, यो बात जरूर पुरी होलि।”

प्रकाशितवाक्य 6:14

आकाश इसो गायब हो ग्यो जसकै कागज स मोड़ दी ग्यो हो; और सब पहाड़ और समुन्द्र में सब टापून ले अपून जाग बदल दीयान।