प्रकाशितवाक्य 20:2 - सोरियाली नय्या नियम

^2-3 और उले उ अजगरस, मतलब पुरान स्यापस जैस शैतान ले कयी जाछो, झपटभेरन पकड़ लीछ। उले ऊस बाँदि भेरन गैरा गड्डा में खिती दीछ, और द्वार बन्द कर दीछ और उमें मुहर लगा दीछ ताकि ऊस एक हजार साल खोलि नै जौ। येक कारण, उ दौरान, शैतान एक हजार साल तक लोगून ध्वाका नै दी सको। उक बाद, ऊस फिर थ्वाड़ा देर खिन आजाद करि जालो।

प्रकाशितवाक्य 20:2 Iomraidhean Croise

मत्ती 19:29

यीशु उनूनथैं क्योछ, मैं तुमूनथैं कुछूँ, कि इसो कोई नाहातिन जेले सुसमाचार खिन अपूनो घर-बार, ईजा-बबा, भाई-बैनि, बाल-बच्चान या गाड़ा-भीड़ सुसमाचार खिन छोड़िना को हो तो सौ गुना ज्यादा पाल, और उ अनन्त जीवन ले पाल।

मत्ती 8:29

और यीशु स देखभेरन, उन द्वीवै ले चिल्ला-चिल्ला भेरन कुन लाग्यान, “परमेश्वरा का च्याला, हमोरो तैंथैं कि काम? क्या तैं याँ हमून बखत है पैलि परेशान करून खिन आ रैछै?”

मरकुस 4:15

जो बी बाँट का किनार में पड़ीना का छन, यो उन लोगून का नियाती छन, जब उनूनले परमेश्वरो को बचन सुणछ्य, पर जो बचन उनूनले सुणछ्य, शैतान तुरन्त आभेरन उनार मनून में भटे बचन स उठा ली जाछो।

मरकुस 5:7

और जोरले चिल्ला भेरन कुन लागछ्य, “हे यीशु, सर्वशक्तिमान परमेश्वरो को च्योलो, तैं हमून परेशान किलैं करछ? तैं परमेश्वरा का नाम ले मैंथै वादा कर, कि तैं मैंस दुखी नी करे।”

यहूना 12:31

अब उ बखत आग्योछ, जब परमेश्वर संसार में लोगून को न्याय करोलो, और यीशु यो संसारा का अधिकारी शैतान की ताकत स खतम कर द्योलो।

यहूना 16:11

और न्याय का बारिमें ले यकीन दिलालो कि यो संसारा अधिकारी, मतलब शैतान स दोषी ठैराई ग्योछ।

रोमियून 16:20

परमेश्वर जो शान्ति को दाता छै, उ शैतान स नाश कर द्योलो और तुमार अधीन कर द्योलो। हमार प्रभु यीशु मसीह को अनुग्रह तुमून में हुनै रौ।

इब्रानियों 2:14

किलैकी जिनून परमेश्वरेले नान्तिना कैभेरन बुलाछ, मतलब कि जो मास और खूनाक बनिना का छन, यीशु हर तरीका ले हमार नियाती बन गयो और संसार में आछ ताकि उक मरना का द्वारा, मौत में अधिकार राखून वाला शैतान स नाश कर सकौ।

1 पतरस 5:8

हमेशा सतर्क रौ और जागनै रौ, किलैकी शैतान, तुमोरो दुश्मन तुमून में हमला करून चाछो ताकि तुम परमेश्वरा का हुकुमून नै माना। उ फाड़ खान वाला बाघका नियाती छै, जो अघिल-पछिल घुमछो और देखनै रूछो कि उ कैस खूँ।

2 पतरस 2:4

तुम जाणछा कि भौत बखत पैलि जब थ्वाड़ा दुष्ट दूतून ले परमेश्वरोको हुकुम नै मानियो, तो उले उनून उनार करिना की सजा दीछ। उले उनून नरक में खित दीछ, और उनून अन्यारा कैद में उ दिन तक राखि ग्योछ जब की उन न्याय का दिन कि इन्तजार करनान जब उनून उ सजा मिलेलि जैका उन लायक छन।

यहूदा 1:6

याद करा कि प्रभु ले उन स्वर्गदूतून कसकैं दण्ड दीछ, जिनूनले अपूनी जिम्मेदारीन नै निभाई, बल्कि उनूनले अपूनी पदविन त्याग दीछ। प्रभु ले इन दुष्ट दूतून अन्यार जाग में राख रैछ, और इसा जंजीरून ले बाँद रैछ जिनून कोई नै तोड़ सकनो ताकि महान दिन में उनोरो न्याय हो सको।

प्रकाशितवाक्य 12:13

जब अजगर समझ ग्यो कि मैं धरती में खित दीग्यू, त उले उ स्यैनि स जैको च्योलो पैद हो रेछ्यो, ऊस सतून खिन उक पछिल भागछ्य।

प्रकाशितवाक्य 12:15

फिर उ स्यैनि स बगून खिन, उ अजगर ले अपून मुँख भटे पानि एक नदी उगल छै।

प्रकाशितवाक्य 12:17

तब अजगर उ स्यैनि खिन गुस्सा भ्योछ, येक कारण उले स्यैनि का सन्तानून का बिरोध में लड़ाई घोषणा करछ्य। मतलब उन लोगून का खिलाफ जो परमेश्वरा का हुकमून मान्नान और यीशु का द्वारा सिखाईना का बातुन में मजबूतीले बनिना का रूनान।

प्रकाशितवाक्य 12:3

एक आजि चिन आकाश में दिखाई दीछ; एक लाल रंगोको ठूलो अजगर छ्यो, उक सात ख्वारा छ्या और दस सींग छ्या, और उक सातू ख्वारान में सात मुकुट छ्या।

प्रकाशितवाक्य 12:4

उले आकाश का एक तिहाई तारान अपून पूछड़ा ले खींचभेरन धरती में खित दीयान। और उ अजगर उ गर्भवती स्यैनि का सामुनि ठाड़ हो ग्यो ताकि उक नन्तिनो हुनै ऊस खा जौ।

प्रकाशितवाक्य 12:9

येक कारण ऊस और उक दुष्ट दूतून धरती में खित दीछ। यो ठूलो अजगर, उई छै जो भौत पैलि स्याँपा का रूप में दिखाई दीछ, जैस शैतान या दोष लगून वालो ले कुंनान। यो उई छै जो यो संसारा का लोगून ध्वाका दीनै आर्योछ।

प्रकाशितवाक्य 13:2

जो जानवर मैंले देखछ्य उ चिताको जसो छ्यो; और उक खुटा भालू का जसा और मुँख बाघो जसो छ्यो। और उ अजगर ले ऊस अपूनी ताकत दीछ और धरती में राज्य करना को अधिकार दीई ग्योछ।

प्रकाशितवाक्य 13:4

सब लोगून ले उ अजगर की पूजा करछ्य, क्याखिनकि उले उ जानवर स अधिकार दीईना को छ्यो, उनूनले उ जानवरै की ले पूजा करछ्य, और उनूनले क्योछ “कोई ले उ जानवरो को जसो ताकतवर नाहातिन। कोई ले उखिन नै लड़ सकूनो।”

प्रकाशितवाक्य 20:10

येक बाद शैतान पकड़ी जालो, जैले देश-देशा का लोगून भरमाछ और ऊस गन्धक की आग में खित दी जालो, मतलब उ आग में जो झील की नियाती ठूली छै। जानवर और परमेश्वरा का तरफ भटे झूठ्ठा बात बतून वाला स पैलिकैं खित दी ग्योछ। और वाँ उ आग में उनून हमेशा खिन दिन और रात सताई जालो।

प्रकाशितवाक्य 20:7

जब हजार साल पुर हो जाला त शैतान स कैद भटे छोड़ दी जालो, और उ उन देशून ध्वाका दीन खिन भ्यार आ जालो जो पुर संसारा फैलीना का छन। इन देशून गोग और मगोग कयी जाछो। शैतान उन सबून एक जाग में जामा करोलो जाँ उन लड़ाई कराला। उन भौत ज्यादा होला इतुक कि कोई उनून समुद्रा का बालू कणून की नियाती नी गिन सकाला।

प्रकाशितवाक्य 9:11

अथाह गड्डा का स्वर्गदूत उनून खिन राजा का रूप में छ्यो, उ उई दुष्ट दूत छै जैले गैरा गड्डा स खोलीना को छ्यो। इब्रानी भाषा में उको नाम अबद्दोन छै, और यूनानी भाषा में, अपुल्लयोन छै, जैको मतलब, उ जो नाश करछो।