प्रकाशितवाक्य 2:9 - सोरियाली नय्या नियम

⁹ मैं जाणछूँ कि तैंस सताई ग्योछ और तै गरीब छै। लेकिन आत्मिक मामूल में तै भौत धनी छै। मैं उन लोगून का बारिमें जाणछूँ जो दावा करनान कि उन परमेश्वरा का चुनिना का लोग छै मतलब यहूदी, पर उन छन नै। उन त्यारा बारिमें बुरी बात बोलनान, लेकिन सच्ची में उन उ दल का सदस्य छन जो शैताना का छन।

प्रकाशितवाक्य 2:9 Iomraidhean Croise

मत्ती 4:10

तब यीशु ले उथैं क्योछ, “हे शैतान मैं है दूर हो जा, क्याखिनकि पवित्र-शास्त्र में लिखीना को छै ‘तैं केवल अपून प्रभु परमेश्वर स झुकभेरन आदर कर, और केवल उकी भक्ति कर।’”

लूका 12:21

इसी हालत उन लोगून की होलि, जो अपून सम्पत्ति जाम करनान। क्याखिनकि उन परमेश्वर की सेवा खिन अपून आपस और सम्पत्ति को उपयोग नै करना।”

लूका 22:65

उन यीशु की मजाक करभेरन उनार खिलाफ कई और बात कुन मरेछ्या।

लूका 4:18

कि प्रभु को आत्मा मैंमें छै, येक कारण कंगालून सुसमाचार सुणून खिन म्येरो अभिषेक करिना को छै। और मैंस येक कारण भेजिनाको छै, कि मैं जो कैद में छन उनोरो छुटकार करूँ और अंधान आँखा पाना को संदेश दीयू, और मैं बोझ में दबीना का लोगून छुडूलो,

लूका 6:20

यीशु ले अपून शिष्यून देखभेरन क्योछ, धन्य छा तुम जो मनाका दीन छा, क्याखिनकि परमेश्वरा का राज्य तुमोरो छै।

यहूना 16:33

मैंले यो बात तुमूनथैं येक कारण क्यान, कि तुम म्यारा शिष्य छा शान्ति मिलो। लेकिन हिम्मत राखा, क्याखिनकि मैंले यो संसारा का अधिकारी मतलब शैतान स हरा दीछ।”

प्रेरितून का काम 14:22

और हरेक शैहर में शिष्यून का मन मजबूत करनै र्यान, और यो उपदेश दीनै र्यान, कि विश्वास में बनिना रौ; और यो कुछ्या, हमून भौत दुख मुसीबत सहन करभेरन परमेश्वरा का राज्य में पुजून होलो।

प्रेरितून का काम 26:11

हर यहूदी सभाघर में मैं उनून सजा दिलाभेरन मसीह यीशु की बुराई करून खिन मजबूर करना की कोशिश ले करछूँ। याँ तलक कि मैं गुस्सा का मारे इसो पागल हो गैछ्यू की दुसारा शैहर में जाभेरन उनून सतूछ्यूँ।

रोमियून 12:12

जो आश हमार दगाड़ छै उक कारण खुश रौ; मुसीबत में धैर्य राखा, और हर बखत प्रार्थना करनै रौ।

रोमियून 2:17

किलैंकी तुम अपूनास यहूदी कुँछा, और मूसा का नियम-कानून में भरोस राखछा, और घमण्ड करछा की तुम परमेश्वरा का खास लोग छा।

रोमियून 5:3

केवल योई नै, लेकिन हम दुख तखलीफ में ले खुशी मनूनू, किलैकी हम जाणनू की हम दुख उठुनू, त बेहतर तरीका ले धैर्य राखून सिखनू,

रोमियून 8:35

कोई ले हमून मसीहक प्रेम भटे अलग नै कर सकनो। नै मुसीबत, नै खतरा, नै दंगा, नै अकाल, नै कंगाली, नै जोखिम, नै तलवार।

रोमियून 9:6

लेकिन इसो नाहातिन कि परमेश्वर अपूनो वादा पुरो करून में नाकाम हो ग्यान, किलैकी इस्राएल देशा का बंश सच्ची-मुच्ची सब इस्राएली नाहातिन।

2 कुरिन्थियून 6:10

हमार पास दुख को बखत छ्यो, लेकिन हमेशा खुश रूनू, हम खुद त कंगाल छा, लेकिन भौत लोगून आत्मिक रूप ले धनवान बना दीनू। हम इसा छा जसीकैं हमार पास के नाहातिन, फिरले हमार पास सब कुछ छै।

2 कुरिन्थियून 8:2

जब उनून भौत सी परेशानीन ले उनून परखी ग्यो, त उन भौत खुश भ्यान उन भौत गरीब छ्या और उनूनले दुसारा विश्वासीन की मद्दत करून खिन खुशी ले दान दीयान।

2 कुरिन्थियून 8:9

तुम हमार प्रभु यीशु मसीह को अनुग्रह जाणछा, कि उ अमीर होभेरन ले तुमून खिन कंगाल बनग्यो ताकि उक कंगाल हुना तुम अमीर हो ज्या।

1 थिस्सलुनीकियों 3:4

क्याखिनकि पैलि ले, जब हम तुमार याँ छ्या, त तुमूनथैं कुन भ्या, कि हमून दुख उठून पड़ाला, और इसो भ्योछ, और तुम जाणछा ले।

1 तीमुथियुस 1:13

मैं त पैलि मसीह की निन्दा करून वालो, और विश्वासीन सतून वालो और नुकशान करून वालो छ्यूँ; क्याखिनकि मैं उ बखत तक मसीह में विश्वास नी करछ्यू, येक कारण मैं नै समझ सकयूँ कि जो मैं करून मरयू उ गलत छ्यो। योई कारण ले मसीह ले मैंमें दया करछै।

1 तीमुथियुस 6:18

और भल काम करून खिन हुकुम दे ताकि भल कामून में अमीर बना, और दुसरा की मद्दत करून खिन हमेशा तैयार रया।

प्रकाशितवाक्य 1:9

मैं, यहूना, जो मसीह में तुमोरो दगड़िया छूँ, तुमार नियाती सताई जाछूँ। मैं परमेश्वर क राज्यो को एक नागरिक छूँ जसकैं तुम छा, और मैंस ले अपूनी परेशानीन उसीकैं धैर्य दगाड़ सहन करूनो चैछो जसकैं तुम करछा। मैं परमेश्वरा का बचन को प्रचार करून और यीशु का बारिमें बतूना का कारण पतमुस टापू में भेज दी गैछ्यू।

प्रकाशितवाक्य 2:13

मैं जाणछूँ कि तैं उ जाग में रूँ छै जाँ शैतान राज्य करछो। तैं म्यारा प्रति विश्वासयोग्य बनिनाको रैछ और मैं-में विश्वास करून कभै बंद नै कर्यो। तैंले उ बखत ले विश्वास करछै जब उनूनले अन्तिपास स वाँ मार डालछै जाँ शैतान राज्य करछो। अन्तिपास ले लोगून म्यारा बारिमें विश्वासयोग्यता ले बताछ।

प्रकाशितवाक्य 2:2

मैं जाणछूँ कि तैं कि करछै, तैं कसी मेहनत करछै और कभै हार नै माननै। मैं यो ले जाणछूँ कि तै बुरा लोगून की झूठ्ठी शिक्षान सहन नै करनै। तैंले उन लोगून परख रैछ जो कुंनान कि उन प्रेरित छन लेकिन सच्ची में नाहातिन, और तैंले उनून झूठ्ठो पाछ।

प्रकाशितवाक्य 2:24

लेकिन थुआतीरा शैहर की विश्वासीन की मण्डली में तुम बाकि लोगून ले उ झूठ्ठी शिक्षा स नै मानियो। तुमूनले उमें हिस्सा नै लियो जैस शैतान की गहरी बात कुंनान। मैं तुमूनथैं कुंछो कि मैं तुमूनमें कोई ले खास हुकुम नी थोपूलो, सिवा येक कि जब तक मैं नै ऊँ तब तक मैंमें मजबूती ले विश्वास करनै रौ।

प्रकाशितवाक्य 3:9

येक कारण सुण, मैं उन लोगून का बारिमें जाणछूँ जो दावा करनान कि उन परमेश्वरा का चुनिना का लोग छन मतलब यहूदी, लेकिन छन नै। उन त्यारा बारिमें झूठ्ठी बात बोलनान, लेकिन सच्ची में उन उ दल का सदस्य छन जो शैतान का छन मैं इसो करूलो, कि उन आभेरन त्यारा सामुनि दण्डवत् कराला, और यो जाण ल्याला, कि मैं तैंस प्रेम करछूँ।

प्रकाशितवाक्य 7:14

मैंले उथैं क्योछ, “हे मालिक, मैं नै जाणनू लेकिन तै जाण छै।” उले मैंथैं क्योछ, यो सफेद कपाड़ा पैनिना लोग उन छन जिनरी मौत भौत दुख सहन करना का कारण होईना की छी। यो उन लोग छन जिनूनले मेम्ना का बलिदाना का द्वारा परमेश्वर की नजर में अपूनास शुद्ध कर ली हैछ।