प्रकाशितवाक्य 2:5 - सोरियाली नय्या नियम

⁵ येक कारण याद कर कि तैले शुरूवाद में मैंस कसो प्रेम करछ्य और अब तै मैंस ऊस प्रेम नै करनै। यो बात ले पश्चाताप कर और तै मैंस ऊसोई त प्रेम करून शुरू कर जसो तैले शुरूवाद में करछ्य। अगर तै पश्चाताप नी करले त मैं त्यारा पास ऊँलो और जाँ तेरो दीपदान राख रैछ ऊस वाँ भटे हटाभेरन तैंस दण्ड द्यूलो।

प्रकाशितवाक्य 2:5 Iomraidhean Croise

मत्ती 5:14

तुम यो संसार लोगून खिन रोशनी जसा छा। और जो गौं ऊँचा डाँणा में बसिना को छै उ लुक नै सकूनो।

मत्ती 5:15

और लोग दीया जलाभेरन भांणाका तलि नै ढकना, लेकिन ऊँचा जाग में राखनान कि उले सब घरा का लोगून उज्यालो मिलो।

मरकुस 12:9

तब यीशु ले उन यहूदी अगुवान थैं पुछ्छै, “अब अंगूरो बगीच का मालिक की करिलो? उ आभेरन उन ठेकदारून मार द्योलोई, और अंगूरो बगीच स दुसारा ठेकदारून दी द्योलो।”

लूका 1:17

यहूना एक इसो आदिमी होलो जो परमेश्वरो को संदेश दिनवाला एलिय्याह नियाती आत्मा में सामर्थी होलो। उ प्रभु को बाटो तैय्यार करोलो। और ईजा-बाबको उनार संतानून का दगाड़ मेल करालो, और आज्ञा नै मानून वाला लोगून परमेश्वर की आज्ञान मानून सिखालो, और परमेश्वर खिन एक निकी प्रजा तैय्यार करोलो।

लूका 20:16

उ आभेरन उन किसानून को नाश करोलो, और अंगूरा का बगीच स दुसारा किसानून दी द्योलो।” यो सुणभेरन लोगून ले क्योछ, “परमेश्वर इसो नै करो।”

गलातियों 5:4

तुम जो मूसा का नियम-कानून को पालन करभेरन धर्मी बनून चाछा, त तुम अपूनास मसीह भटे अलग करून मरेछा, उले अपूनास उ अनुग्रह भटे अलग कर ली हैछ जैले परमेश्वर ऊस बचा सकछो।

फिलिप्पिन 2:15

ट्याड़ा और बेईमान लोगून ले भरिना का संसारा में तुम परमेश्वरा का निकी सन्तान नियाती निर्दोष और साफ सुथरो जीवन जीया, और जिनारा बीच तुम जीवनो को बचन लीभेरन यो संसारा में जलीना का दीया नियाती दिखाई दीछा

इब्रानियों 10:32

लेकिन तुम उन दिनून का बारिमें सोचा जब तुमूले पैलि बार मसीह का बारिमें जाणछ्य। तुमूले भौत दुखून का दगाड़ कठिन मेहनत करछ्य, लेकिन तुम विश्वास में मजबूत बनिना का रैछा।

2 पतरस 3:17

येक कारण हे म्यारा विश्वासी भाईयो, तुम पैलि भटे जाणछा कि यो बात होलि। येक कारण, सतर्क रौ ताकि जो लोग नियमून नै मानना उन तुमूथैं झूठ बोलभेरन तुमून भटका नै दीन। अगर तुम सच्चाई में विश्वास करून छोड़ देला जैमें तुमूनले एक बखत मजबूतीले विश्वास करिना को छ्यो।

यहूदा 1:24

एकमात्र परमेश्वरै छै जो तुमेरि रक्षा कर सकछो, और तुमून निर्दोष और आनन्दित बना सकछो, जब उ तुमून अपूनी महिमा में अपून सामुनि ठाड़ करछो। उले हमून हमार प्रभु यीशु मसीह का द्वारा बचाछ। महिमा, गौरव, सामर्थ और अधिकार हमारा प्रभु यीशु मसीह का द्वारा जसकैं हमेशा भटे छै, अब हो, और हमेशा-हमेशा तक रौ। आमीन।

प्रकाशितवाक्य 1:20

अब मैं बतुलो कि म्यारा दैन हात में सात तारान को कि मतलब छै और उ सात सूना का दीपदान सात को कि मतलब छै जो कि पैलि मालूम नी छ्यो। येको मतलब यो छै सात तारान उन स्वर्गदूतून दिखूछो जो विश्वासीन की मण्डली की रखवाली करछी, और उ सात सूना का दीपदान सात विश्वासीन की मण्डली देखूछी।

प्रकाशितवाक्य 16:9

लोग तेज गर्मी ले जल ग्या, उनूनले परमेश्वरै की निन्दा करछ्य किलैकी उई छ्यो जैका पास बिपत्तिन में अधिकार छ्यो। उनूनले आजि ले अपून पापून है मन नै फिरायो, उनूनले आजि ले परमेश्वरै की महिमास स्वीकार नै कर्यो।

प्रकाशितवाक्य 2:16

येक कारण अपून पापून है पश्चाताप करा, अगर तैं इसो नी करलै त मैं जल्दी ही ऊँलो और उन जो गलत शिक्षा दीनान उन लोगून का विरूद्ध उ तलवारै स लड़ूलो, जो म्यारा मुँख भटे निकलछी जो म्यारा वचन छन।

प्रकाशितवाक्य 2:19

मैं जाणछूँ की तैं कि करछै, तैं कसकैं मेहनत करछै और कभै हार नै माननै। मैं जाणछूँ की तुम एक दुसरा स प्रेम करछा और तुम मैंमें मजबूती ले भरोस करछा। मैं जाणछूँ कि तुमूनले कसकैं एक दुसरा की मद्दत करछ्य, और तुमेरि सहना की क्षमता ले जाणछूँ। मैं यो ले जाणछूँ कि तुम अब इन निका कामून उ बखत है ज्यादा करून मरेयछा जब तुमूनले मैंमें विश्वास करछ्य।

प्रकाशितवाक्य 2:2

मैं जाणछूँ कि तैं कि करछै, तैं कसी मेहनत करछै और कभै हार नै माननै। मैं यो ले जाणछूँ कि तै बुरा लोगून की झूठ्ठी शिक्षान सहन नै करनै। तैंले उन लोगून परख रैछ जो कुंनान कि उन प्रेरित छन लेकिन सच्ची में नाहातिन, और तैंले उनून झूठ्ठो पाछ।

प्रकाशितवाक्य 3:19

मैं जैस ले प्रेम करछूँ, ऊस मैं सिखूछूँ और सजा ले दीछूँ ताकि उन निका बन जून। येक कारण भलाई करून में लाग रौ, पापक काम करून बंद कर दे।