प्रकाशितवाक्य 2:16 - सोरियाली नय्या नियम

¹⁶ येक कारण अपून पापून है पश्चाताप करा, अगर तैं इसो नी करलै त मैं जल्दी ही ऊँलो और उन जो गलत शिक्षा दीनान उन लोगून का विरूद्ध उ तलवारै स लड़ूलो, जो म्यारा मुँख भटे निकलछी जो म्यारा वचन छन।

प्रकाशितवाक्य 2:16 Iomraidhean Croise

इफिसियून 6:17

जसीकैं लड़ाई में एक सिपाई अपून ख्वारा स बचुन खिन लूवा की टोप पैन राखछो, उसीकैं परमेश्वर तुमून शैतान भटे बचालो। जसीकैं एक सिपाई खुदो को बचाव करून खिन एक तलवार लीछो, उसीकैं अपून बचाव खिन परमेश्वरो को बचन का उपयोग करा, जो पवित्र आत्मा तुमून दीछो।

2 थिस्सलुनीकियों 2:8

तब उ दुष्ट प्रगट होलो, जैस प्रभु यीशु अपून मुँखा का फूँके ले मार डालोल, और अपूना उना का तेज ले भस्म कर द्योलो।

प्रकाशितवाक्य 1:16

उ अपून दैना हात में सात तारा लीईना को छ्यो, और उक मुख भटे तेज द्वी धारी तलवार निकलछी। उको मुख छकाला का सूरज की नियाती चमकून मरैछ्यो।

प्रकाशितवाक्य 16:9

लोग तेज गर्मी ले जल ग्या, उनूनले परमेश्वरै की निन्दा करछ्य किलैकी उई छ्यो जैका पास बिपत्तिन में अधिकार छ्यो। उनूनले आजि ले अपून पापून है मन नै फिरायो, उनूनले आजि ले परमेश्वरै की महिमास स्वीकार नै कर्यो।

प्रकाशितवाक्य 19:15

जो घोड़ा में बैठिनाको छ्यो उको मुँख भटे एक तेज तलवार निकलछी जैको इस्तमाल उन देशून हरून खिन करोलो, और उ लूवाको राजदण्ड लीभेरन उनूनमें राजा करोलो, और सर्वशक्तिमान परमेश्वरा का भयानक गुस्सा की मदिरा का कुंण्ड में अंगूर स निचोड़ोलो।

प्रकाशितवाक्य 19:21

तब सफेद घोड़ा में बैठीनवालो उ सवार ले जंगली जानवर स और उकी पुरी सेना स मार डालछ्य, उले उनून उ तलवार ले काट डालछ्य जो उक मुँख भटे निकलछी। चील मरिनाका लोगून को माँसो खान खिन आग्या जब तक की उनोरो पेट नै भरीग्यो।

प्रकाशितवाक्य 2:12

पिरगमुन शैहर की विश्वासीन की मण्डली का स्वर्गदूत स यो लिख: मैंई छूँ जैका पास तेज दोधारी तलवार छै। मैं जो कुछूँ ऊस सुणा:

प्रकाशितवाक्य 2:5

येक कारण याद कर कि तैले शुरूवाद में मैंस कसो प्रेम करछ्य और अब तै मैंस ऊस प्रेम नै करनै। यो बात ले पश्चाताप कर और तै मैंस ऊसोई त प्रेम करून शुरू कर जसो तैले शुरूवाद में करछ्य। अगर तै पश्चाताप नी करले त मैं त्यारा पास ऊँलो और जाँ तेरो दीपदान राख रैछ ऊस वाँ भटे हटाभेरन तैंस दण्ड द्यूलो।

प्रकाशितवाक्य 22:20

यो यीशु मसीह का शब्द छन जो उन सबून की गवाही दीछो, जो यो किताब में प्रगट करि ग्योछ “होई, मैं जल्दी उनवालो छूँ।” मैं यहूना ले जबाब दीछ, “आमीन, हे प्रभु यीशु अ।”

प्रकाशितवाक्य 22:7

“और देख, मैं जल्दी उछूँ, धन्य छै उ जो यो किताब कि भविष्यवाणी बातुन को पालन करछो।”

प्रकाशितवाक्य 3:19

मैं जैस ले प्रेम करछूँ, ऊस मैं सिखूछूँ और सजा ले दीछूँ ताकि उन निका बन जून। येक कारण भलाई करून में लाग रौ, पापक काम करून बंद कर दे।