प्रकाशितवाक्य 2:1 - सोरियाली नय्या नियम

¹ उले मैंथैं यो ले क्योछ कि, “इफिसुस शैहरा का विश्वासीन की मण्डली का स्वर्गदूत स यो संदेश लिख: मैं उई छूँ जो अपून दैन हात में सात तारा लीभेरन राख छूँ और मैं उई छूँ जो सुना का सात दीपदानू का बीच में चलछूँ। जो मैं कुछूँ ऊस सुण:

प्रकाशितवाक्य 2:1 Iomraidhean Croise

मत्ती 18:20

क्याखिनकि जाँ द्वी या तीन म्यारा नाम में जामा हुनान, वाँ में उनार बीच में छूँ।

मत्ती 28:20

और उनून सब बात जो मैंल तुमून सिखा राख्यान उनूनले मानून सिखा, और देखा मैं संसार का अन्त तक हमेशा तुमार दगाड़ छूँ।”

यहूना 5:35

यहूना एक दीया की नियाती जलछो और चमक छ्यो; और तुमून थ्वाड़ देर तक उक उज्याला में मगन हुन निको लागछ्य।

प्रेरितून का काम 18:19

जब उन इफिसुस नगर पुजनान, तब पौलुस प्रिस्किल्ला और अक्विला स वाँई छोड़ दीछ और खुद यहूदी सभाघर में जाभेरन उनार दगाड़ बात-विवाद करून लागछै।

प्रेरितून का काम 18:21

और उनूनथैं विदा लीभेरन पौलुसले क्योछ, “अगर परमेश्वर चाल, तब मैं याँ तुमार पास दुबाँरा ऊँलो।” तब उ इफिसुस नगर भटे समुन्द्री जहाज में बैठभेरन न्हैग्यो।

प्रेरितून का काम 19:1

जब अपुल्लोस कुरिन्थुस नगर में छ्यो, पौलुस पाहाड़ी इलाकान भटे हुनै इफिसुस नगर पुजिछ्य। वाँ ऊस कुछ शिष्य मिल्यान।

2 कुरिन्थियून 6:16

परमेश्वरा का मन्दिर में मूर्तिन की कोई जाग नाहातिन। किलैकी हम त जिन्दा परमेश्वरा का मन्दिर छा; जसो परमेश्वरेले पवित्रशास्त्र में कईना को छै, “मैं इन लोगून का दगाड़ रूलो और उनूनमें हिटूलो फिरूलो; और मैं उनोरो परमेश्वर हूँलो, और उन म्यारा लोग होलो।”

प्रकाशितवाक्य 1:16

उ अपून दैना हात में सात तारा लीईना को छ्यो, और उक मुख भटे तेज द्वी धारी तलवार निकलछी। उको मुख छकाला का सूरज की नियाती चमकून मरैछ्यो।

प्रकाशितवाक्य 1:20

अब मैं बतुलो कि म्यारा दैन हात में सात तारान को कि मतलब छै और उ सात सूना का दीपदान सात को कि मतलब छै जो कि पैलि मालूम नी छ्यो। येको मतलब यो छै सात तारान उन स्वर्गदूतून दिखूछो जो विश्वासीन की मण्डली की रखवाली करछी, और उ सात सूना का दीपदान सात विश्वासीन की मण्डली देखूछी।

प्रकाशितवाक्य 12:1

जब उ खत्म हो ग्यो, तब आकाश में अद्धभुत चिन दिखाई दीछ, एक स्यैनिमैंसी चाँद में ठाड़ हो भेरन प्रगट भैछ जैले इसा कपाड़ा पैनिना छ्या जो सूर्य का जसा चमक छ्या, उले अपून ख्वारा में एक मुकुट पैनिना को छ्यो जैमें बार तारा छ्या।

प्रकाशितवाक्य 2:12

पिरगमुन शैहर की विश्वासीन की मण्डली का स्वर्गदूत स यो लिख: मैंई छूँ जैका पास तेज दोधारी तलवार छै। मैं जो कुछूँ ऊस सुणा:

प्रकाशितवाक्य 2:18

थुआतीरा शैहर की विश्वासीन की मण्डली स स्वर्गदूत स यो लिख: मैं, परमेश्वरोको च्योलो, तुमूनथैं यो बात कुनमर्यू, जैका आँख आगा की लपटून की नियाती और खुटा पीतल की नियाती चमकून मर्यान जो तेज गर्म आगा में चमकछो। मैं जो कुनमर्यू ऊस सुणा:

प्रकाशितवाक्य 2:8

स्मुरना शैहरा का विश्वासीन की मण्डली का स्वर्गदूत स यो लिख, मैंई उ छूँ जैले सब चीजून शुरू करिना को छै, और मैंई उ छूँ सब चीजून को अंत करूलो। मैं मर गैछ्यू, लेकिन अब मैं ज्यूनो छूँ और हमेशा ज्यूनो रूलो, जो मैं कुछूँ ऊस सुण।

प्रकाशितवाक्य 3:1

सरदीस शैहरा का विश्वासीन की मण्डली का स्वर्गदूत स लिख “मैं उई छू जैका पास परमेश्वरै की सात आत्मा और सात तारा छन, उ यो कुंछो कि मैं जाणछूँ कि तै कि करछै, तै कसी मेहनत करछै और कभै हार नै माननै, तै विश्वासयोग्य त छै, लेकिन सच्ची में तै मेरि बात नै करनै।”

प्रकाशितवाक्य 3:14

लौदीकिया शैहरा का विश्वासीन की मण्डली का स्वर्गदूत स यो लिख: कि मैं उ छूँ जो आमीन और विश्वासयोग्य, और सच्चो गवा छै, और परमेश्वरै की सृष्टि को मूल कारण छै, और मैं उ छूँ जैक द्वारा परमेश्वरेले सब चीजून बनाछ, मैं जो कुछूँ ऊस सुण:

प्रकाशितवाक्य 3:7

फिलदिलफिया शैहरा का विश्वासीन की मण्डली का स्वर्गदूत स यो लिख: “मैंई उ छूँ जो पवित्र और सच्चो, जैका पास उ चाबी छन जो राजा दाऊद का छन।” जब मैं उ चाबी स लीभेरन एक द्वार स खोलछूँ त कोई ले ऊस बंद नै कर सकनो, और जब मैं चाबी लीभेरन ऊस बंद कर दीछूँ त कोई ले ऊस खोल नै सकनो, उ योई कुंछो कि,