प्रकाशितवाक्य 17:2 - सोरियाली नय्या नियम

² जैका दगाड़ संसारा का राजान ले ब्यभिचार करछ्य, और संसारा का लोग उक ब्यभिचार की मदहोश करून वाली शराब ले धुत हो गैछ्या।”

प्रकाशितवाक्य 17:2 Iomraidhean Croise

यहूना 2:10

“हर एक आदिमी पैलि बड़िया किस्म को अंगूर को रस दीछो, और जब लोग पीभेरन छक हो जानान, तब घटिया किस्मो को रस दीछो; लेकिन तैले ऐल तक बड़िया अंगूरो को रस राख रैछ।”

प्रकाशितवाक्य 14:8

वाँ एक दुसोरो स्वर्गदूत छ्यो जो पैल वाला स्वर्गदूता का पछिल भटे यो कुंनै आछ, “नाश हो ग्योछ, यो बेबीलोन देश बुरी तरीका नाश हो ग्योछ। उले अपून ब्यविचार ले मदहोश करून वाली मदिरा ले धुत कर दीयान। जैको मतलब यो छै कि उले भौत भद्दो ब्यवहार करछ्य की उले सब जातिन मूर्तिन की पूजा करून सिखाछ। किलैकी उले उनून मूर्तिन की पूजा करून सिखाछ।”

प्रकाशितवाक्य 17:13

इन सबै दस राजान को एक्कै मक्शद छै, और उन अपूनी-अपूनी शक्ति और अधिकार उ जानवर स दी द्याला।

प्रकाशितवाक्य 17:17

उ स्यैनि स जैस तैले देखछ्य, उ यो ठूलो शैहर छै जो संसारा में सबै राजान में राज्य करछो। यो चीज उक दगाड़ भ्यान, किलैकी परमेश्वर ले अपून मक्शद स पुरो करून खिन उनार मन में यो बात डालछ्य। योई कारण छै कि उनूनले अपूनो अधिकार जानवर स दी दीछ कि उ राज्य करो, जब तक कि उ सब पुरो नै हो ज्यो जो परमेश्वरेले कयीना को छ्यो।

प्रकाशितवाक्य 17:5

उक कपाल में एक नाम लिखीनाको छ्यो जो गुप्त छ्यो। उमें यो लिखीना को छ्यो, “महान देश बेबीलोन वेश्यान की और संसारे की सब बुरी चीजून की ईजा छूँ।”

प्रकाशितवाक्य 17:8

जो जानवर स तैले एल देखछ्य, एक बखत ज्यून छ्यो, लेकिन अब ज्यून नाहातिन; उ गैरा गड्डा भटे भ्यार उनवालो छै और परमेश्वर ऊस पुर तरीका ले नाश कर द्योलो; और संसारा का लोग जिनारा नाम संसार बनून है पैलि जीवनै की किताब में नै लिख रै, उन सब हैरान हो जाला जब उन यो जानवरै स देखाला। जो एक बखत ज्यून छ्यो; अब उ ज्यून नाहातिन; लेकिन उ फिर वापस आ जालो।

प्रकाशितवाक्य 18:23

उक रात अन्यारा होला, याँ तक कि एक दीया ले नी जलोलो। और ब्योलो और ब्योलि की खुशी की आवाज नी होलि। इसो येक कारण होलो किलैकी उक ब्यापारीन ले, जो पुर संसार में सबून है ठूला छ्या अपून जादू-टोना ले सब जाति का लोगून ध्वाका दीछ।

प्रकाशितवाक्य 18:3

यो येक कारण होलो किलैकी उ स्यैनि ले जो बेबीलोन देश छै, हरेक जाति का सब लोगून ब्यभिचार की मदहोश करून वाली शराब ले धुत कर दीछ, जो उकी मूर्तिन की पूजा करनान। पुर संसारा का राजान ले उक दगाड़ व्यभिचार करिना को छै। और संसारा का ब्यापारी उ स्यैनि की मैहंगी-मैहंगी चीजून की इच्छा का कारण धनवान बन ग्यान।

प्रकाशितवाक्य 18:9

“तब संसारा का राजा, जिनून ले उक दगाड़ ब्यभिचार और भोगबिलास करछ्य, जब राजा ऊस आगा का लपटून में जलून देखाला त उन उनून खिन रोला और छाती पीटाला।”

प्रकाशितवाक्य 2:22

येक कारण सुण, मैं ऊस रोगी कर द्यूलो। और जो उक दगाड़ व्यभिचार करनान, मैं उनार भयानक कष्ट सहना को कारण बनलो, जब तक कि उन उक दगाड़ जो बुरा काम करनान, उहै पश्चाताप करून है तैय्यार नै हो जूँन।

प्रकाशितवाक्य 3:10

तैले म्यारा संदेश मानछ्य ताकि जब तै दुख उठालै त ऊस बड़ा धैर्य का दगाड़ सहन कर सके। योई कारण, मैं उ ठूली परीक्षा का बखत तेरि रक्षा करूलो। जो यो संसाराक सब लोगून में आलो।