प्रकाशितवाक्य 17:1 - सोरियाली नय्या नियम

¹ जिन सात स्वर्गदूत का पास सात कटरा छ्या, उनूनमें भटे एक ले आभेरन मैंथैं यो क्योछ, “याँ अ, मैं तैंस देखूलो कि परमेश्वर कसकैं उ ठूली वेश्या स दण्ड द्योलो, जो एक इसा जाग में बैठिना की छै जो भौत पानि का मलिमें बैठिना की छै।

प्रकाशितवाक्य 17:1 Iomraidhean Croise

लूका 24:32

उनूनले एक दुसारा थैं क्योछ, “जब उन बाँट में हमून थैं बात करून मरेछ्या और पवित्रशास्त्र को मतलब हमून समझू छ्या त क्या हमार मन में जलन नै भै?”

लूका 9:30

और देखा, पुराना जमाना का परमेश्वरो को संदेश दिनवाला मूसा और एलिय्याह, उक यीशु दगाड़ बात करून मरेछ्या।

प्रकाशितवाक्य 1:1

यो किताब उन बातुन का बारिमें बतूछी जो परमेश्वरेले यीशु मसीह स दिखाछ। परमेश्वरेले ऊस दिखाछ ताकि उ अपून सेवकून उन घटनानका बारिमें बता सको जो जल्दी होला। यीशु ले अपून स्वर्गदूत स उ संदेशा का दगाड़ म्यारा पास मतलब अपून दास यहूना का पास भेजछ्य।

प्रकाशितवाक्य 15:1

येक बाद फिर मैंले स्वर्ग में एक और अलग चिन देखछ्य जो कि भौत अद्धभुत और भौत डरूनो वालो छ्यो। वाँ सात स्वर्गदूत छ्या जो सात अलग-अलग तरीका का बिपत्ति लीईना का छ्या। उन आखिरी बिपत्ति छन, क्याखिनकि जब उन खत्म हो ज्याला तब परमेश्वरोको गुस्सा खत्म हो जालो।

प्रकाशितवाक्य 16:19

येका बाद बेबीलोन को ठूला देश तीन टुकूड़ा में बाँणि ग्यो, और पुर संसारा का सब शैहर नाश हो ग्या। किलैकी परमेश्वर ले उ पुरो करछ्य जैको उले बाबुल का लोगून दण्ड का बारिमें वादा करिना को छ्यो। येस परमेश्वरा का तरफ भटे कठोर दण्ड दीई जालो। यो इसो होलो जसीकैं उनूनले बिन पानि मिलीना की शराब पीईना की हो, जैस परमेश्वरेले खुद उ प्याला में खड़िया रैछ जो उक गुस्सा देखूछो।

प्रकाशितवाक्य 18:1

येका बाद, फिर मैंले स्वर्ग भटे एक स्वर्गदूत स तलि ऊँन देखछ्य। उक पास भौत अधिकार छ्यो; और उकी भौत चमकदार चमक का कारण पुरी धरती में उज्यालो हो ग्यो।

प्रकाशितवाक्य 19:2

उकी अराधना करा किलैकी उक सब फैसला सही और सच्चा छन। येक कारण उले उ ठूली वेश्या को न्याय करछ्य, किलैकी उले संसारा का लोगून पाप करून खिन मजबूर करछ्य। परमेश्वरेले उको न्याय करिना को छै किलैकी उक सेवकून उक द्वारा मारी गैछ्या।

प्रकाशितवाक्य 19:9

तब स्वर्गदूतले मैंथैं क्योछ, “यो लिख, कि धन्य उन छन, जो मेम्ना का ब्याका दावत में बुलाई ग्यान।” फिर उले मैंथैं क्योछ, “इन वचन जो परमेश्वरे ले कईना का छन, उन बिलकुल सत्य छन।”

प्रकाशितवाक्य 21:15

उ स्वर्गदूत जो मैंथैं बात करूनमर्योछ छ्यो, उक पास नगर और उक फाटकून और उकी दिवालस नापुन खिन एक सुना की छड़ी छी।

प्रकाशितवाक्य 21:9

फिर जिन सात स्वर्गदूतून में भटे एक ले जिनूनले मनुष्य जाति में सात आखरी मुसिबतुनले भरिनाका सात कटोरा खड़ाईनाक छ्या, मैंथैं बात करछ्य, उले क्योछ, याँ अ, मैं तैंस ब्योलि देखूलो जैको जल्दी ही मेम्ना का दगाड़ ब्या हो ज्यालो।

प्रकाशितवाक्य 4:1

म्यारा इन सब बातुन का देखना का बाद, मैंले स्वर्ग में एक द्वार खुलीना को देखछ्य, और फिर मैंले उई पैलि वाली आवाज सुणछ्य जो कि एक तुरी की आवाज जसी छी। उले मैंथैं क्योछ, “म्यारा पास याँ मलि अ, और मैं उन बातुन तैंस देखूलो, जिनोरो इन बातुन का बाद पुर हुनो जरूरी छै।”