प्रकाशितवाक्य 16:1 - सोरियाली नय्या नियम

¹ उक बाद फिर मैंले मन्दिर में भटे एक तेज आवाज में उन सात स्वर्गदूतून थैं यो कुन सुणछ्य, “जा, संसारा का लोगून में परमेश्वरा का तरफ भटे दण्ड स खड़िया दी जो उन सात कटोरान में छै।”

प्रकाशितवाक्य 16:1 Iomraidhean Croise

प्रकाशितवाक्य 11:19

और परमेश्वरो को जो मन्दिर स्वर्ग में छै, उ खोलि ग्योछ, और उक मन्दिर में वाचा को सन्दूक दिखाई दीछ; और उई बखत चाल चमकछ्य और गर्जन और भूचाल हुन मरैछ्या, और आकाश भटे ठूल-ठूलो मारो पड़छ्य।

प्रकाशितवाक्य 14:15

तभै मैंले एक आजि चौथ स्वर्गदूत स देखछ्य, जो परमेश्वरो को संदेश लीभेरन मन्दिर में भटे भ्यार आछ। उले बादल में बैठिनाका आदिमी जोर-जोरले धध्याभेरन क्योछ, “संसार में फसल तैय्यार छै, और फसल काटना को बखत आग्योछ। येक कारण अब अपूनी आँसी चलो, और फसल स काट।”

प्रकाशितवाक्य 14:18

तभै मैंले एक आजि छयूं स्वर्गदूत स देखछ्य जो, जो वेदी में आगा ले धूप जलूना को जिमेदारी निभूछो। उले जोर-जोरले चिल्ला भेरन उ स्वर्गदूत थैं जैका पास धारदार आँसी छी उ क्योछ, “धरती में अंगूरा का गुच्छा पाक ग्यान! उनून अपून आँसी ले काट ले।”

प्रकाशितवाक्य 15:1

येक बाद फिर मैंले स्वर्ग में एक और अलग चिन देखछ्य जो कि भौत अद्धभुत और भौत डरूनो वालो छ्यो। वाँ सात स्वर्गदूत छ्या जो सात अलग-अलग तरीका का बिपत्ति लीईना का छ्या। उन आखिरी बिपत्ति छन, क्याखिनकि जब उन खत्म हो ज्याला तब परमेश्वरोको गुस्सा खत्म हो जालो।

प्रकाशितवाक्य 16:17

सतूँ स्वर्गदूत ले, जो ले उ कटोर में छ्यो ऊस हवा में खड़िया दीछ। और मैंले, स्वर्ग का मन्दिर का भितर भटे परमेश्वरा का सिंहासन में भटे कैसे जोरले यो कुंन सुणछ्य, “पुरो हो ग्यो!”